LUKAS 7:19 - PERJANJIAN BARU NALCA YUBA

¹⁹ Dara Yohanes Pembaptis bera alja mabo penya nang ek yoururum aboka, sikda Yesus ak heil binirum aboka lebsukja, ”Neyung o, anda eimik yanamla hyoknya ben gom, nunda yoknya bek diri ulumnemab gom?” aboka hei yanarum aboka orugosuk.

LUKAS 7:19 ပူးပေါင်းရင်းမြစ်များ

MARKUS 6:7

Wera Yesus adya alja yuba doro diriga ban nang obadya nang ek yoululum hyookanya, nimi penya-penya darawoka boksuk. Dara, bisaʾ yaknaʾ amba migibaʾ hnon sikenek elegosuk.

LUKAS 10:1

Onoʾ yok sum era, Wenelesilnya Yesus ara, nimi yok yuba len nang denga penya uboka ebdobnya goklomdaraʾ badya nang era penya-penya yandara nang uboka, yok-yok heikek al yibinemok heik me nidyaʾ heikek binilum aboka boksuk.

LUKAS 11:1

Wera onoʾ yok sum enyek, Yesus ara gakdenaʾ ak albeyok heng uboka mololemok. Seleb heng uboka molobgogowok dara, alja yuba doro diriga ban nanga ben hnonja Yesus ak, ”Wenelesilimnya o, Yohanes Pembaptis bedya alja yuba donaʾ nang ek, hekaʾ huboka heng uboka molowanokaʾ aboka neksuk sok, ambabya nuk neksilom,” hyok.

LUKAS 11:39

Anasa wera, Wenelesilnya bedya benyek an, ”Ugun Parisi nang era sob unululumaʾ ara, yangawoka denaʾ ab, belaʾ ab dara, or eilibek ok mek eleklelum bok, ugunjaʾ nong lomok ak dara, nauba dobsinya ganya ab, malya unaʾ ab dadya ok deknewoka ulusil.

LUKAS 12:42

Danyek Wenelesilnya bedya dara, ”Heknyek wa bojam uboka geremsengaʾ welelanya benyek, wa damnya bedya yok wa wen nang sikenek den salek denaʾ eleklesululaʾ aboka, sikja dubnya sekiyiwanamla do?

LUKAS 13:15

Anasa Wenelesilnya bedya dara, ”Ugunda hyak bol nenenaʾ nim o! Sabat mem sum enyek, ugumbabya ugunja pam era loboka beiyek yuʾ ak bo yabalelum.

LUKAS 17:5

Yuba lenaʾ gak nang edya Wenelesilnya Yesus ak, ”Wenelesilimnya o, nunja dib senenaʾ anyek, gasa nenewoka migibaʾ gebsilom,” hyek.

LUKAS 17:6

Danyek Wenelesilnya bedya sikenek lebsukaʾ ara, ”Ugunja dib senewoka ganya oloknaʾ anyek geibya dok anaso dara, nginya gal ak lebnesomja, dama deleboka mek gwan dubuk sam meldal bilom, henesom dara, wera gal eneba ugunja yuba keboka unuwanamso,” hyok.

LUKAS 18:6

Dara onoʾ Wenelesilnya bedya lebokaʾ ara, ”Pe ununaʾ orokaʾ yana lelesinya bedya lebokaʾ anyek ugunda pe kendululum!

LUKAS 19:8

Wera ek ab dara, Zakheus bera sekoka Yesus ak, ”Wenelesilimnya o, dibaʾ unuwanamnaʾ ara nadya bonaʾ nidyaʾ ara hnoumunga gaboka, bonaʾ orok nang rupiah deknyekanya, bokoka eleganesin, dara onoʾ nimi nidyaʾ nadya sondaʾ leboka usisa nang era, sikba onsok lunuwoka, dombadya anaso sounuwoka eleganesin!” hyok.

LUKAS 22:61

Yesus anaba dangawoka Petrus bek keebdabok. Danyek Petrus bera, Wenelesilnya bedya men danyek alak, ”Sumen wining yub anam lebnenggumlya salek nak sondaʾ amba lika winilya bobnenewoka lebnenelem,” amokaʾ anyek seiniwok.

LUKAS 24:34

Dara nang danadya sikenek, ”Alda Wenelesilnya bera aldib seleb embengaʾ suboka bukumla! Alda Simon bek seleb nara embengaʾ subna aboka laga aabdangamla!” herek.

LUKAS 7:13

Wera Yesus ara me dam gel genyek eibuk dara, hyak angoo yadyek senewookanya alak lebokja, Genong o, anda engenaʾ ara mem!

LUKAS 7:20

Wera ban nang era Yesus ak birik dara, ”Yohanes Pembaptis bedya, alak heil binirum aboka orugeisilaʾ anasa heibnenggenem. Neyung o, al anak Imik Neyung yuba lebokaʾ sunuwoka yanamla alamaknya bera anak gom, nunda yok eimik yanalanya bek diri ulumnemab gom?” aboka heibdek.

YOHANES 11:2

Ban Maria gera, Wenelesilnya Yesus bek perob song meka yan ak ngikoka, alja hong adya lubumok gel ge ulumok.

YOHANES 4:1

Yahudi nang edya Yohanes Pembaptis bera mek so meka dalasil bok, Yesus ak dara, nauba meka daboka nimi doro dililamla an yuba kemek.

YOHANES 4:25

Dara, ban gel genedya Yesus ak, ”Nimi blebsinaʾ dubnya, Kristus aboka si silimaknya bera, yanamlaʾ ara ella ulumna. Alda yalya dara, yokaʾ-yokaʾ nidyaʾ ara nuk neknesil,” hyok.

YOHANES 6:23

Bok, onoʾ yok mek ekla bunaʾ hnon Tiberias heikek ab yeiniboka Yesus gwanenga soboka Imik Neyung ak molomok enyek demek oulyang berem mal yalamek.

WAHYU 11:3

Anya nara nadya penya pe laga len nang ek ara, sikenek migibaʾ ak hnon eleganasin. Anedya sikda engenaʾ ganya boboka, liga seribu dua ratus enam puluh sum ununumnaʾ lelemnerak.