LUKAS 7:16 - PERJANJIAN BARU NALCA YUBA

¹⁶ Dara nimi nidyaʾ lok ganya boboka Imik Neyung ak gigilemek. Anya sikja dara, ”Senenggom ununumnaʾ lesinya bera nu gangganek sam seleb lanawal. Imik Neyung ara alja mabo silibaʾ ak blebnunaʾ aboka, wera seleb yok!” alamek.

LUKAS 7:16 ပူးပေါင်းရင်းမြစ်များ

MATIUS 15:31

Nimi nauba dem nim anyagan ulumek nim era, anyek eiyiboka hyak nauba loka dasuk. Dara, yuba gom nim era yuba saro yabalamek, koma bulumek nim era mereboka yabalamek, nonga heilisuk nim era pe yan ingi yabalamek, henga luma ulusuk nim era pe henga gwelegoka eillilemek. Nimi nidyaʾ ara anyek eiyiboka, Israeli nim era Imik Neyung bek giblemek.

MATIUS 21:11

Dara, Yesus balamokaʾ amba nimi nauba neikaʾ balamek nim edya, ”Alda ununumnaʾ lelelanya, Yesus ara an, alda Galilea sokok Nazaret heikek abnya bera an,” wenyalamek.

MATIUS 28:8

Dara gelewa era, nimi dilinaʾ ak ara men berra lo birik. Anya lok gar-gadyaʾ uboka, eiyasa nang penya, Yesus alja yuba doro diriga ban nanga ulumekaʾ ak nekdo birik.

MATIUS 9:8

Wera Imik Neyung adyaʾ senenggom migib era, nim ek seleb elegosukaʾ anasa leboka, nimi nidyaʾ ban unumokaʾ anyek eibek nim edya dara, ganya lok uboka Imik Neyung ak gigilemek.

LUKAS 1:65

Anasa, sik ok berem ulumek heik nimi nidyaʾ ab, anya ban anaso unuwal an yub era, Yudea moka meina nidyaʾ ara oboka lelewok.

LUKAS 1:68

”Alda alja nim ek yeiniboka, siksamba heng lobnaʾ deknaʾ bo yal anasa, Israeli nim edya Imik Neyung sikja Wenelesilnya bek ara giblenok e.

LUKAS 19:44

Imik Neyung adya anak blebgununaʾ aboka yanggal salek enyek, anda eibnenggublamaʾ anasa, anak songgija ebelengnaʾ era goʾ gasa denewanggunumla, anya yok nim edya an nonga golob menegoka anak ulunjak nimi nidyaʾ ara ob meneganamak!” aboka engewok.

LUKAS 2:20

Dara pam beilinaʾ nang era, o keboka, heng eibekaʾ nidyaʾ ara, lero adya sikenek lesuk sok, dib beknaʾ nong anasa, perob aboka giboka, bera seboka Imik Neyung gigibgiga, sik ulumekaʾ ak sam saaboka byik.

LUKAS 24:19

Danyek Yesus adya sikenek, ”Hekaʾ ak unulamlaʾ ak do?” aboka heibsuk. Wenyek penya nang edya, ”Nazaret mok ebnya Yesus ak an unulamlaʾ anyek,” herek. ”Alda ununumnaʾ lelelanya bek ulumok. Alja yuba sanaʾ gom, alja nong ununaʾ gom ara hyak senenggom migib edya unulumok. Nera or Imik Neyung adya gom, nim adyaʾ anaba pelemla senelemek.

LUKAS 5:26

Nimi nidyaʾ ganya loka daboka, Imik Neyung ak nauba giblemek. Nimi nauba lok ganya boboka, ”Nunja sumen eibabaʾ ara hyak senenggom nongaʾ ak eibab,” aboka lelemek.

LUKAS 5:8

Simon bera, anyek unumokaʾ ak eiyiboka, Yesus adyaʾ saramek koma lumugoka giboka, ”Wenelesilimnya o, nara malya unaʾanya ulumnaʾ anasa, nak anyeb lo bilom,” hyok.

LUKAS 7:15

Wera somogomokaʾ anyek hwebokaʾ goubenenya bera, alda bukoka yuba sab einiwok. Dara Yesus ara me nen eiling gek, elegok.

LUKAS 7:39

Wenyek Parisinya bera Yesus ak nadya ek sam denenam aboka e bilimoknya bedya an unuwokaʾ anyek eibuk dara, alja ganya lomok seiniwokja, ”Alda ununumnaʾ lenya bek dara, ban unulamla gel genera alda heknya, alda genyaʾ senewoka ella danamso,” senemok.

LUKAS 8:37

Dara Gerasa mok sokok nimi nidyaʾ ara, hyak lok ganya bobekaʾ anasa, Yesus ak, wera anda nunja mok unaʾ ara lo binilam aboka wenyal byik. Anasa Yesus ara mek ekla bunaʾ ak bukoka saaboka yek.

LUKAS 9:19

Danyek sikja lebnemekaʾ ara, ”Hnonda lelenjakja, Yohanes Pembaptis, alanjak. Hnonda, Elia benyaʾ, alanjak. Anya hnon nim edya dara, youmaʾ ununumnaʾ lelemek nang danyek ben hnon seleb embengaʾ suboka bukok alanjak,” hyek.

YOHANES 1:21

Dara, alak heimek, ”Ban wenyalam dara, heknya ululam do? Anda Elia de?” aboka heibek bok, ”Nara Elia benyaʾ gomaʾ,” hyok. Dara, anda eimik yanamla alanjaknya ununumnaʾ lenya bera anda an de?” hyek. Bok, ”Orok,” hyok.

YOHANES 1:25

Dara, sikda Yohanes bek, ”Anda Kristus unggululam, Elia unggululam, eimik yanamla alamek ununumnaʾ lenya unggululam jok dara, hekasa meka dalasilim do?” aboka heibek.

YOHANES 4:19

Yesus adya ban wenyamokaʾ eiyimookanya, ban gel genedya alak, ”Neyung o, anda hyak dib nong ununumnaʾ lenaʾanya ululamaʾ eiyinggen,” hyok.

YOHANES 6:14

Nimi nauba Yesus adya unumok anyek, hyak lokso unumok eiyimek dara, ”Lok so beknaʾ ununumnaʾ lebnelanya sokok an yanamla, youmaʾ wenyalamekaʾ ara wera alan,” hyek.

YOHANES 9:17

Dara, onoʾ heng luma yeilimoknya bek saaboka lebekja, ”Anja henga seleb hwebgelaʾ anasa, anja dara, hekaʾ alak lebnelam do?” hyek. Dara, alja lebokaʾ ara, ”Alda ununumnaʾ lenaʾanya ulumla,” hyok.

RASUL 5:5

Dara, bera alak Petrus bedya wenyan yuba kel yabok sab-sab, sokok sam gololonga malyingginiboka, dibaʾ somogok. Dara, nimi nidyaʾ ban unuwal an yuba kemek dara, hyak ganya loka dasuk.

RASUL 7:37

Dara al neik Musa bedya, Israeli nim ek, Ugun gangganek ab nak gaboka donyok sok, eimik ununumnaʾ lenya be hnon doboka sekiyiwanamla, amoknya bera alan.

GALATIA 1:24

Dara sikda nasamba leboka, Imik Neyung ak perob aboka giblemek.