LUKAS 7:13 - PERJANJIAN BARU NALCA YUBA

¹³ Wera Yesus ara me dam gel genyek eibuk dara, hyak angoo yadyek senewookanya alak lebokja, Genong o, anda engenaʾ ara mem!

LUKAS 7:13 ပူးပေါင်းရင်းမြစ်များ

MARKUS 8:2

”Ban nimi mandebnaʾ danara, nak li winilya doblenyaakanya, sikda gwaneng hnon boldonaʾ orok anasa, nara sikenek angoo yadyeka dabnel.

LUKAS 10:1

Onoʾ yok sum era, Wenelesilnya Yesus ara, nimi yok yuba len nang denga penya uboka ebdobnya goklomdaraʾ badya nang era penya-penya yandara nang uboka, yok-yok heikek al yibinemok heik me nidyaʾ heikek binilum aboka boksuk.

LUKAS 11:1

Wera onoʾ yok sum enyek, Yesus ara gakdenaʾ ak albeyok heng uboka mololemok. Seleb heng uboka molobgogowok dara, alja yuba doro diriga ban nanga ben hnonja Yesus ak, ”Wenelesilimnya o, Yohanes Pembaptis bedya alja yuba donaʾ nang ek, hekaʾ huboka heng uboka molowanokaʾ aboka neksuk sok, ambabya nuk neksilom,” hyok.

LUKAS 11:39

Anasa wera, Wenelesilnya bedya benyek an, ”Ugun Parisi nang era sob unululumaʾ ara, yangawoka denaʾ ab, belaʾ ab dara, or eilibek ok mek eleklelum bok, ugunjaʾ nong lomok ak dara, nauba dobsinya ganya ab, malya unaʾ ab dadya ok deknewoka ulusil.

LUKAS 12:42

Danyek Wenelesilnya bedya dara, ”Heknyek wa bojam uboka geremsengaʾ welelanya benyek, wa damnya bedya yok wa wen nang sikenek den salek denaʾ eleklesululaʾ aboka, sikja dubnya sekiyiwanamla do?

LUKAS 13:15

Anasa Wenelesilnya bedya dara, ”Ugunda hyak bol nenenaʾ nim o! Sabat mem sum enyek, ugumbabya ugunja pam era loboka beiyek yuʾ ak bo yabalelum.

LUKAS 17:5

Yuba lenaʾ gak nang edya Wenelesilnya Yesus ak, ”Wenelesilimnya o, nunja dib senenaʾ anyek, gasa nenewoka migibaʾ gebsilom,” hyek.

LUKAS 17:6

Danyek Wenelesilnya bedya sikenek lebsukaʾ ara, ”Ugunja dib senewoka ganya oloknaʾ anyek geibya dok anaso dara, nginya gal ak lebnesomja, dama deleboka mek gwan dubuk sam meldal bilom, henesom dara, wera gal eneba ugunja yuba keboka unuwanamso,” hyok.

LUKAS 18:6

Dara onoʾ Wenelesilnya bedya lebokaʾ ara, ”Pe ununaʾ orokaʾ yana lelesinya bedya lebokaʾ anyek ugunda pe kendululum!

LUKAS 19:8

Wera ek ab dara, Zakheus bera sekoka Yesus ak, ”Wenelesilimnya o, dibaʾ unuwanamnaʾ ara nadya bonaʾ nidyaʾ ara hnoumunga gaboka, bonaʾ orok nang rupiah deknyekanya, bokoka eleganesin, dara onoʾ nimi nidyaʾ nadya sondaʾ leboka usisa nang era, sikba onsok lunuwoka, dombadya anaso sounuwoka eleganesin!” hyok.

LUKAS 22:61

Yesus anaba dangawoka Petrus bek keebdabok. Danyek Petrus bera, Wenelesilnya bedya men danyek alak, ”Sumen wining yub anam lebnenggumlya salek nak sondaʾ amba lika winilya bobnenewoka lebnenelem,” amokaʾ anyek seiniwok.

LUKAS 24:3

Wera sikda Yesus diyimek girik dam nong ok sam byik bok, Wenelesilnya Yesus alja beʾ ara, eibnenggubek.

LUKAS 24:34

Dara nang danadya sikenek, ”Alda Wenelesilnya bera aldib seleb embengaʾ suboka bukumla! Alda Simon bek seleb nara embengaʾ subna aboka laga aabdangamla!” herek.

LUKAS 7:12

Dara Yesus ara Nain heikek nauba pik sindamak sam nongok oka wekel bok dara, anyagan heik nim era, nimi beʾ gal ara an jaboka bo gobol yabek. Dara ban somogomok me nera yougel gedya hnonok yando me nek somogomok. Wera heik enyek an nim era nauba gel genyek an neikaʾ arawoka bo dil balamek.

LUKAS 7:14

Wenyaboka somogomok me beʾ dam biniboka soruka salal yabok dara, nimi beʾ jaboka bo balamek nang era sek lobek. Dara Yesus ara, Wei, goubenya me o, nara anak wenyhenenggen, anda buklom, hyok.

LUKAS 7:19

Dara Yohanes Pembaptis bera alja mabo penya nang ek yoururum aboka, sikda Yesus ak heil binirum aboka lebsukja, ”Neyung o, anda eimik yanamla hyoknya ben gom, nunda yoknya bek diri ulumnemab gom?” aboka hei yanarum aboka orugosuk.

LUKAS 8:52

Wera nimi nidyaʾ ara gelma enesa engewoka nimi saleka bulumek. Bok Yesus adya engelemek nim ek an, Gelma enera somoganggumla, alda hogung dema mamlaʾ anasa, engenaʾ ara mem loblulum! husuk.

YOHANES 11:2

Ban Maria gera, Wenelesilnya Yesus bek perob song meka yan ak ngikoka, alja hong adya lubumok gel ge ulumok.

YOHANES 11:3

Dara ban salek enyek, Lazarus bera seleb neiknaʾ salawoka neiklemok. Dara, sik penya al hmal gelewa Maria Marta adya, Yesus ak anja nauba wanaʾ ululamnya bera seleb neiklamla aboka yuba beiyirek.

YOHANES 20:13

Dara, nang danadya Maria gek, ”Genong o, anda hekasa engelelam do?” aboka heibdek dara, Maria gedya sikenek, ”Nadya wenelesilnya benyek, nim adya hokaʾ doboka, hanyagar beil bilimak do aboka engelamna,” hyok.

YOHANES 20:15

Dara, Yesus adya Maria gek, ”Genong o, anda hekasa engelelam do? Anda heknyek elelam do?” aboka heibuk. Wera, Yesus nong bok, Maria gedya dara, Yesus diyimek soko wenya benyaʾ aboka, ”Neyung o, anja Yesus beʾ dakoka doknemen dara, na damnya dobnamnaʾ anasa, anyagan doknomna aboka neknelom,” hyok.

YOHANES 4:1

Yahudi nang edya Yohanes Pembaptis bera mek so meka dalasil bok, Yesus ak dara, nauba meka daboka nimi doro dililamla an yuba kemek.

YOHANES 6:23

Bok, onoʾ yok mek ekla bunaʾ hnon Tiberias heikek ab yeiniboka Yesus gwanenga soboka Imik Neyung ak molomok enyek demek oulyang berem mal yalamek.

1 KORINTUS 7:30

Ganya suguwoka engelelenya bera, unuwanggunanya benesoʾ ak, or-or uboka pe ululul. Okselelenya bera, ei-ei ganya bobnenggunanya benesoʾ ak ululul. Yok-yok bonaʾ deklenya bera, alda or-or uboka, bonaʾ garananya beneso ululul.

1 TESALONIKA 4:13

Na kabo nim o, seleb somogek nim era hek so ulumak do aboka ella danasom senelemab. Sikenek perob danganaʾ unggulumak nim era, nauba engelemak sok unuwanggunusom.

IBRANI 2:17

Ban nenesa leboka, Yesus ara gobdo nimi nonga dangoka, nim adya ununaʾ dobnunaʾ aboka ubuk. Wera anadya Yesus ara Imik Neyung amba bojam uboka, angoo yadyek senewoka arasinya dangoka, yuba wa gakaʾ dubnya ulununaʾ aboka ubsuk. Dara, nidyaʾ nim adya malya unaʾ doboka bobogosululaʾ aboka ubsuk.

IBRANI 4:15

Nunja senenggom yuba wa gakaʾ dubnya bera, alda nuk an igina kweboka malya nenelesilaʾ ara, alda elgom uboka, alba ununaʾ oroknya bek unggulumla. Bok, albabya numba ulusil sok, seleb bisaʾ adya sunubyaawoka uboknya bok, alda malya unaʾ ak hnonok mekaʾ oroknya bek ulumla!