LUKAS 6:49 - PERJANJIAN BARU NALCA YUBA

⁴⁹ Bok heknyek nadya yuba kelenadyok, anyek lelemla senewoka ununggululanya bera, alja unaʾ era, soko eilibek gasaʾ sobnenggumna somna e nenesoʾ ak ulumla. Anedya moka bliboka, meka iliwan sum era, golol meneklamla sok, neikso alja unaʾ era anaso ak ulumla,” hyok.

LUKAS 6:49 ပူးပေါင်းရင်းမြစ်များ

MATIUS 23:3

Anasa wera sikja yuba lelemakaʾ ara pe keboka nidyaʾ unulumnulum bok, sikja unulumak ununaʾ nong era, sikja yuba lelemakaʾ sunuwoka ununggulumakaʾ anasa, ugunda sikja diligaʾ donaʾ ara mem.

MATIUS 24:10

Dara ban salek era, nimi nauba yuba domeija bok dib senenaʾ ara dengaboka, waboka malya nenebdangoka obnelum aboka yuba dibdangdo yibinemak.

MARKUS 4:17

Bok yub ara nimi ganya lomok sam yarenga eleknaʾ orokokanya, or wene salek ok ulumla. Imik Neyung yuba dobnaʾ anasa, eimik dara oboka yokaʾ-yokaʾ unul yabasin dara, sikda berra aboka malya dangalamaknya nera an.

LUKAS 12:47

”Alja wa dubnya bedya ganya seininaʾ ara ella ululadyok, pe diri unaʾ loboka, alja lelemla sok pe sunuwoka wa wenggululanya bek hyak nauba legebnaʾ deboka obnamla.

LUKAS 19:14

”Bok alja meneng mok nim edya, alda lek senemek. Anasa wera, bera dubnya sekiyiwanamekaʾ ak seleb byuk bok, Nunja mok ara ban benyek, dubnya unaʾ lek amak, wenyaro byik.

LUKAS 19:27

Anya wenera, nak an alda nunja mok sokok dubnya deisilyek senewoka isaʾ gebnyek nim era, nidyaʾ nimi bo yeiniboka, nadyaʾ saramek anyeb hyakaʾ obnelum, hyok,” wenyaboka lebok.

LUKAS 6:46

Ugunda nadya wenyalasinaʾ ara keboka unuwanggunadyok, hekasa nak, Wenelesilimnya o, Wenelesilimnya o, alanulum do?

LUKAS 6:48

Alja unaʾ era, nimi hnon e girik eilibek gasa darawoka somnaʾ anasoʾ ak ulumla. Benera alda soko lomok lok-lok aboka girik eilib yangawoka solomla. Dara moka bliboka mek ililamla dara, wera alda girik eilibek somnaʾ adya, e nera mel-mel anaʾ adya golol meneknenggulumla anasoʾ ak ulumla.

LUKAS 7:1

Yesus ara nimi nidyaʾ ak seleb wenyaboka lebgogowosuk dara, alda Kapernaum heikek sam byuk.

YOHANES 15:2

Nak doka mounggulumla soruka nidyaʾ diblamlakanya, nidyaʾ molulanya nera, nauba dangoka sobaʾ moubgiga balalulaʾ aboka, onoʾ gereboka lelekdeboka memelamla.

RASUL 20:29

Nak anyaganyeb ara bannya dara, yu nong bei gam anyek ugun gangganek yanamak. Dara, ugunja bo ulumun nang era, bei gam danadya sikja digin dibaʾ denaʾ danamak ara, ella ulumna.

RASUL 26:11

Dara onoʾ, nadya Yahudi nim edya yuba don ek pik nauba li sobaʾ doluwoka lobaʾ gunuwanok aboka sunulusisa. Dara, nara hyak nauba yu ganya boboka, Yesus yuba dolomek nang ek obsunun senewoka doblesisa ara, hyak yok mok heikek anaba yeiriwoka doblesisa,” hyok.

1 TESALONIKA 3:5

Ban nenesa leboka, ugunja Kristus ak dib senebgiga balalumaʾ anyek, pe nauba unulumakaʾ orokaʾ anyek ella donunaʾ aboka, Timotius bera ugunuk an bilom aboka orugamsa. Bisaʾ adya nunja duboka welemouba wa nera sunuweisilya enyek malya uboka, salyaʾ lelem dalyek senewoka lok ganya bomsa.

2 PETRUS 2:20

Nunjaʾ Wenelesilnya uboka, nimi blebsinaʾ dubnya Yesus Kristus adya nimi malya nenelesil sokok ab seleb bleboka dobsuk bok, onoʾ eimik saawoka henga weboka youlesil dara, wera unuwanya bera men dara or pe ulunabok, eimik era hyak gobdo malya dangalamla.

1 YOHANES 2:19

Kristus adya alja isaʾ nang ara, nun nang yilaʾ dib unggulumekjok, nuk seleb lo bilisik. Nimi danara nun nimi yilaʾ uluseng bok dara, wera nub neikaʾ ulumnesibya. Bok nuk seleb lo bilisiknya nera, wera aldib nun nang yilaʾ unggulumakaʾ anyek, laga geknewolul.