LUKAS 6:35 - PERJANJIAN BARU NALCA YUBA

³⁵ Bok ugunuk dara, ugunja isaʾ nim ek wanaʾ ulumunukanya, sikenek pe unulumnulum. Ugunja bonaʾ yok nim ek seʾ elek lobmun dara, naba lunuwoka men elegonulul senen ganya bonggom. Ugunda nenesonya nenyek unulumun dara, ugunja deknaʾ imik heikek nauba uboka, ugunda Imik Neyung imik ululanya bedya mabo dibaʾ ulumnelum ara an. Al Imik Neyung ara, alda perob unaʾ elgom ulumak nim ek hnon, onoʾ perob aboka gibnenggulumak nim ek anaba, pe unulusilaʾ anasa, ugumbabya unulumnulum.

LUKAS 6:35 ပူးပေါင်းရင်းမြစ်များ

MATIUS 5:9

Nimi yuba sekoka hillilisak nim era, Imik Neyung adya ban ununanya nemba leboka pe laga nadya mabo henesilaʾ anasa, pe ulumak!

MARKUS 5:7

Wera hyak nauba bii aboka, ”Hyak imik ululanya Imik Neyung bedya me Yesus o! Anab nab dara, hekaʾ hnon ulusil do? Imik Neyung si sibuka, nak ol yangganenaʾ ara lobnenelem, hen!” alamok.

LUKAS 1:32

Alda hyak imiknya danamlakanya, Imik Neyung imik ululanya bedya me aboka si silimnemak. Anya Wenelesilnya Imik Neyung adya, aljabo Daud bek dubnya bulumok ekla bunaʾ enyek, alak eleganamla.

LUKAS 6:36

Wera anasa, ugunja Imik Neyung ara angoo yadyek senewoka aralesilnya ulumlaʾ anasa, neikek ugumbabya angoo yadyek ganya adya unuldalalulum,” hyok.

YOHANES 13:35

Ugunda wanaʾ uldalamun dara, nimi nidyaʾ adya Yesus yuba doro diriga ban nang aboka, ella ubnesak,” hyok.

YOHANES 15:8

Ugunda doka nauba molumnesil dara, nadyaʾ neyung bedya si imik nenewoka, ugunda nadya yuba doro diriga ban nang dibaʾ ulumnulum,” hyok.

RASUL 14:17

Bok anababya, alda sikenek ara na ulumna aboka beknaʾ sobaʾ neklesuk. Alda mok li imik ab ara eleklesuukanya, onoʾ ugunuk gwanenga wa weboka nonga yongon salek eleklesuk adya, pe unulusuk. Alda ugunuk denaʾ elegoka, ugunja ganya sangellilisil,” arek.

2 KORINTUS 8:9

Ugunda Yesus Kristus, nunjaʾ Wenelesilnya ululanya bedya wanaʾ uboka eleksinaʾ ara, seleb gobdo ella ululum. Kristus ara ugunsamba bonaʾ garannya danyaʾ adya, ugunuk bonaʾ dub nimi dolulumaʾ aboka, alda dubnya bok bonaʾ garannya dok.

2 TIMOTIUS 3:2

Nim ara nanokok pewonulul senewoka ulumnamak, rupiah hogung ok beiyiwoka ulumnamak, dengdang anaʾ ganya boboka sondaʾ hwam ok lelemnemak. Sikda yok nim ek geklewoka derewoka walamnamak, nauba nimi yuba lek senewoka bleklemnemak, eleganelemaʾ perob alamakaʾ ara, elgom ulumnamak. Dara, hnonda nimi pe ulumaknya nek ara, sikda lek senelemnamak.