LUKAS 5:22 - PERJANJIAN BARU NALCA YUBA

²² Wenyaboka Yesus adya sikja seinimekaʾ ara, seleb ella ubsuk dara, ”Ugunda hekasa ugunja ganya lomok an heildalalum do?

LUKAS 5:22 ပူးပေါင်းရင်းမြစ်များ

MATIUS 12:15

Yesus ara Parisi nim edya obnenyak hogunga seleb ella ubok. Anasa alda anyagan anyebaʾ ara loboka bok dara, nimi nauba alab neikaʾ balamek. Dara nimi neiklemeknya nera nidyaʾ hwebsuk.

MATIUS 12:25

Yesus adya Parisi nimi ganya dukduk ara seleb eiyisuk. Anasa alja sikenek lebsukaʾ ara, ”Mok soko hnon nimi dub nang ulumakaʾ gigiro isaʾ nang gebdanaseng dara, mok era goʾ pe senenya loboka ubnenggunumso. Anya nauba heika hnon gom, nim e hnon dolubdangoka, yok-yok isaʾ neneldalaseng dara, sikda hyak gobdo dengheneseng.

MATIUS 9:4

Yesus ara sikja ganya seininaʾ era seleb ella ubsuk dara sikenek, ”Ugunda hekasa malya ganya ek seinilelum do?

MARKUS 8:17

Yesus ara sikja an wenyaldalamekaʾ anyek ella ubsukaʾ anasa, alja sikenek lebsukaʾ ara, ”Ugunda hekasa roti gwaneng bobnenggumab an yub enyek saldalalum do? Ugunda anam eilinggululumukanya, onoʾ damok ara anam ella unggululum de? Ugunda ganya suʾ kebsuk de?

LUKAS 24:38

Bok Yesus adya dara, ”Ugunda hekasa ganya eb menegoka, onoʾ lok ganya bololum do? Hekasa ugunja ganya lomok wili-wale alalum do?

LUKAS 5:21

Dara wenyek, Yahudi nang eb, sikja Imik Neyung yuba neksin nang eb dara, sik moumen seiniwoka leldalamekja, ”Ban benera alda Imik Neyung si ak malya nenelamlaʾ anasa, alda heknya do? Imik Neyung ak hnonok malya unaʾ doboka boboganasuso bok anasa, nim ak dara, sikenek ab meewanggunuseng bok bar,” alamek.

LUKAS 5:23

Har sonya nek lebneseng, Seleb anja malya unaʾ anak ab meewagen, heneseng gom, alda Sekoka balom, heneseng gom?

RASUL 5:3

Dara, Petrus bedya Ananias bek, ”Anda ganya ek bisaʾ dubnya Satan weklul aboka, globol lolamakanya, anja soko dekelam rupiah era darasam era ansamba dolamaakanya, Geisinya bek sondaʾ lelelam ara hekasa ulam do?

IBRANI 4:12

Imik Neyung yub ara, embengaʾ ab, migibaʾ ab, yok-yok mal si nek ab dara, hyak yu nongaʾ ak ulumla. Imik Neyung yub ara, nimi nong ab, nimi ganya ab, lomok wekoka bokol meneklamla, onoʾ yok ab, nolonggwerenaʾ ab, ana lomok anaba bokol meneklamla. Anya, nimi ganya seininaʾ ab, unuwesinya ganya eb danaba, yok-yok nenewoka ella ulumla.

WAHYU 2:23

Anya gel genedya mab era, dengaboka obnamna. Anya, yuba donaʾ nimi nidyaʾ ara, nara nimi nong lomok ab ganya lomok eboka eillilesinya bek ulumnaʾ ara, ella danamak. Anasa leboka, ugunja nidyaʾ unululum sok sunuwoka ugumba deknesin.”