LUKAS 5:1 - PERJANJIAN BARU NALCA YUBA

¹ Dara onoʾ yok sum enyek, Yesus ara Genesaret mek gwan gek sam biniboka sekemok. Dara, nimi nauba Imik Neyung yuba kebnobaʾ aboka al nong ok sam obgokdangoka yalamek.

LUKAS 5:1 ပူးပေါင်းရင်းမြစ်များ

MATIUS 11:12

Yohanes bera alda anam yuba lelemok salek ebaʾ moruwoka, nim Imik Neyung wenesinaʾ ak ulumak nim era, yok senenggom nang dangoka ulunob senelemak nang edya malya nenewoka ol neblesak.

MATIUS 14:34

Wera mek ekla bunaʾ dub pik buka balameknya nera, mek gek sam Genesaret sokok sam bul byik.

MARKUS 3:9

Nimi nauba longol yalamekaʾ anasa, Yesus adya, nimi mandebnaʾ danedya nak goknenaʾ anasa, mek ekla bunaʾ hnon bo yananulum aboka alja yuba don nim ek orugusuk.

MARKUS 4:1

Wera onoʾ Yesus ara Galilea mek gwan gemek sam yuba hnon neklesuk. Dara nimi nauba aknewoka longol ganagal yeilimek. Anasa Yesus ara, mek gwan eilib ulumok mek ekla bunaʾ ak bukumok, bok nimi yok nimi nauba ara mek gemek sam longomek.

MARKUS 5:24

Dara Yesus ara yo aboka, Yairus beblaboka neikaʾ ek byik. Dara onoʾ nimi yok nanga nauba neik pik biniboka, nimi gong adya alak lelim-lelim al waraklemek.

MARKUS 6:53

Wera Yesus ab, alja yuba doro diriga ban nang eb dara, balamekaʾ ara, Genesaret nimi sokok biniboka, anyagan weklomek.

LUKAS 12:1

Nimi denga sal-salyaʾ anyek dokol dalameekanya, yan ingib sabdangda balamek. Wera nimi dara mamagal yalamek dara, Yesus ara alja yuba doro diriga ban nang ek, ”Ugunda Parisi nang edya roti welenaʾ enyek keeboka diri uldalalulum. Nadya lebnanya nera, sikja sene or-or lelesaknya nenyek lebna.

LUKAS 5:2

Wera Yesus ara hadyaʾ don mek ekla bunaʾ me penya eiyimok bok, mek ekla bunaʾ dam nang era seleb mek inik yingginiboka, hadyaʾ oumaʾ aklenga mek eleklemek.

LUKAS 8:22

Dara onoʾ yok sum enyek, Yesus ab alja yuba doro diriga ban nang eb dara, mek ekla bunaʾ ak bukumek dara, Yesus adya sikenek, ”Nunda meka gouboka eer sam gemek binimabaʾ anasa, yoululum,” husuk. Dara sikda lanawoka buku balamek.

LUKAS 8:23

Wera sikda anam mek hnoumunga buka balameekanya, Yesus ara seʾ hogunga mamok. Dara mek dubuk sam senenggom kaboʾ dorogookanya, wera sik bukumek mek ekla bunaʾ era meka wekoka sikda hyak nidyaʾ obsununaʾ aboka ul yabasuk.

LUKAS 8:33

Dara wera bisaʾ gong era, gologomeknya bek ab gouboka, pam pik wekel byik. Dara pam dara, yeiriwoka mok soko abom pik abaʾ ara langa diniwoka, mek gwanek sam youruwoka somokdo byik.

LUKAS 8:45

Wenyek Yesus ara, ”Heknedya nak bebegenel do?” aboka heibsuk. Dara nimi nidyaʾ ara hnon laga lebnenggubek. Anasa Petrus bedya Yesus ak, ”Neyung o, an ululamaʾ ak ara, nimi mandebnaʾ hyak nauba ulumaakanya, sikda anak dukaʾ eboka ol gokoldalamak ara eiyilam,” hyok.

YOHANES 1:40

Ban kereekanya, Yesus bek diriga bilirek nang penya ak dara, ben hnon Simon Petrus alja weis Andreas be ulumok.

YOHANES 6:1

Ban unumokaʾ seleb dara, Yesus ara onoʾ saaboka Galilea mek ara neik mek bok, Tiberias aboka si silimek mek gwanek sam eer bilimok.

IBRANI 13:7

Dara ugunjaʾ dub nang, ugunuk Imik Neyung yuba seleb lel eleklesak nang ek ara beklelulum. Anya sikja unulumakaʾ ak ab lanelamla anyek pe kemelemunukanya, ugunda sikja unulumakaʾ anyek dililda doblelulum.