LUKAS 4:23 - PERJANJIAN BARU NALCA YUBA

²³ Dara, alda sikenek, ”Ugunda nak ban bol nenenaʾ yub enyek wenyhenenulumaʾ ara, ’Wei, hwelesilimnya o, an damnya hweldalalom. Nidyaʾ yokaʾ-yokaʾ hyak lok soʾ anyek, Kapernaum heikek seleb unululumaʾ kelemoubaʾ ara, wera anyek anjaʾ meneng mok ok an, anyeganyebaʾ unululom henenulumaʾ anyaʾ,” hyok.

LUKAS 4:23 ပူးပေါင်းရင်းမြစ်များ

MATIUS 13:54

Dara aljaʾ heikek sam byuk. Aljaʾ heikek sam uboka, Yesus ara Yahudi nim edya yuba donaʾ ek sam biniboka, Imik Neyung yuba lel eleklesuk dara, alak kelemek nim era hyak ganya loka dasuk. Anya sikja dara, ”Ban benera hekmok ab banaso ella danganaʾ dobok do? Alda yokaʾ senenggomaʾ lok so damoka memen damba dara, senenggom migibaʾ ara hekmok eb dobok do?” aboka lelemek.

MATIUS 4:13

Yesus ara Nazaret heikek ara loboka, alda Zebulon Naftali sokok sam Galilea mek gemek sam Kapernaum heikek bindiwoka ulumok.

MATIUS 4:23

Galilea sokok ara Yesus nidyaʾ heikek yibiniboka, Yahudi nim edya yuba don ek sam yuba nekoka ura yabalesuk. Yesus adya Imik Neyung adya eimik era wenewanesil an perob yub enyek nekdo yabalesuk. Dara onoʾ hnonda nimi malya ulusuk nim eb, neiklemek nim eb, nauba hwelesuk.

MARKUS 6:1

Anyek anyeb dara, Yesus ab alja yuba doro diriga ban nang eb dara, balamekaʾ ara, al beiyiboka nemok heikek byik.

LUKAS 2:39

Wera Yusuf Maria ara, Wenelesilnya bedya unuwanalum aboka unuwanalum an yub ak sam lemoknya nera sunuwoka seleb unubgogowarek dara, sik ulumekaʾ ak, Nazaret heikek Galilea sokok sam birik.

LUKAS 2:51

Wera alda, alja neyung genong ab neikaʾ Nazaret heikek byik. Dara Yesus ara sikjaʾ gangganek ab pe ulumok. Bok ban nidyaʾ unulumoknya nera, alja genong gera ganya lomok sam pe seiniwoka bo ulumok.

LUKAS 4:16

Dara, alda al beiyiboka nemok heikek, Nazaret heik biniboka, alda sob ulumok sok, Sabat mem sum era, Yahudi nim edya yuba don ek wekoka, yub einiwoununaʾ aboka sekemok.

LUKAS 4:31

Dara, onoʾ Yesus ara Galilea sokok Kapernaum heikek biniboka, Sabat mem sum era, yuba nekoka lelemok.

LUKAS 4:35

Bok Yesus ara alak waboka lebokaʾ ara, ”Yuba sanaʾ gelegamenekanya, alak ab lo yibilom!” Wera danyek, ban bisaʾ era, gologomoknya bek soob salawoka yok nimi saramek an bobokaʾ seleb dara, wekemoknya bek ab gobookanya, hnon ol nebnaʾ lomok.

LUKAS 6:42

Dara anda anjaʾ hem bek lelelamja, Hem o, wera or anjaʾ heng soloknaʾ dobnenggen e, wenyalelam bok, anjaʾ heng ek senenggom gal booma era eibdanggunadyok dara, nera har sonya nek lelelam do? Anasa bol nenenaʾanya o, anja heng ek gal booma senenggomaʾ anyek men dobdamenaʾ adya, wera anjaʾ hem bedyinya mek heng soloknaʾ era anedya pe eiyiboka dobnelam” hyok.

YOHANES 4:28

Dara, ban sum enyek ban gel gera mek hmeiya beib loboka, heikek byuukanya lebokja,

2 KORINTUS 5:16

Ban nenesa leboka, nunda nim ek ella ubnesin aboka, nimi ganya seinilemak sok sununggulumab. Aldib men dara, Kristus amba nimi ganya seininaʾ ak pik uboka sunulumouba bok, wenyek dara, alak anaso sunuwoka seininggulumab.