LUKAS 24:6 - PERJANJIAN BARU NALCA YUBA

⁶ Alda seleb subumlakanya, anyagan unggulumla! Alda Galilea ulumok sum enyek, ugunuk lebsukaʾ anyek, ugunda pe bekoka seiniwanalum.

LUKAS 24:6 ပူးပေါင်းရင်းမြစ်များ

MATIUS 12:40

Yunus bera senenggom hadyaʾ mon lomok sam inimnek yubyek lika winilya mabmorumok. Anasonya neikek, eimik era onoʾ nimi dibaʾ me neneba soko lomok sam inimnek yubyek lika winilya mabmoruwanamla.

MATIUS 16:21

Ban sum enyek moruwoka, Yesus ara alja yuba doro diriga ban nang ek, nara Yerusalem heikek binimnekanya, Yahudi dub nang eb, Imik Neyung yuba wa gakaʾ dub nang eb, yuba neksin nang edya nauba igin kweiyiwoka, oboka dibnenyak dara, winilinya sum era, embengaʾ suboka buknamna aboka laga poboka leb einiwousuk.

MATIUS 27:63

lebekja, ”Neyung o, youmaʾ sondaʾ hwamnya bera anam embengaʾ ulumok salek era, hnon seleb wenyalamokaʾ ara, Liga winilya seleb mablye dara, embengaʾ suboka buknamna, alamok.

MATIUS 28:6

Alda ugunuk youmaʾ wenyasuk sok seleb embengaʾ suboka bukumlakanya, anyagan unggulumla. Wera al diyimong oulyang era, an ekla dema mamlaʾ anyek kendululum.

MARKUS 16:6

Bok goubenenya benedya sikenek, ”Ugunda lok ganya bonaʾ ara mem! Ugunda Yesus ban Nazaret mok ebnya, seleb oboka galak glarobnya benyek, elelum. Alda seleb embengaʾ suboka bukumla. Alda anyagan ara unggulumla. Wera al beiyimoungaʾ ak ara, anyek kendululum.

MARKUS 8:31

Nen seleb dara, Yesus ara alja yuba doro diriga ban nang ek, ”Nimi dibaʾ me nera hyak nauba oka deregoka gweknamla. Anya Yahudi dub nang eb, yuba wa gakaʾ dub nang eb, yuba neksin nang eb dadya, alak malya gebija dara, dibaʾ obnemak, bok winilinya sum era embengaʾ suboka buknamla,” aboka neksuk.

LUKAS 24:34

Dara nang danadya sikenek, ”Alda Wenelesilnya bera aldib seleb embengaʾ suboka bukumla! Alda Simon bek seleb nara embengaʾ subna aboka laga aabdangamla!” herek.

LUKAS 24:5

Wera gelewa dara, hyak lok ganya boboka, hogunga sokok oumuwoka ulumek bok, penya nang danadya sikenek, ” Nimi somoklomakaʾ ak sam ab embengaʾ suboka bukelanya benyek, ugunda hekasa an elelum do?

LUKAS 9:22

Anya Yesus ara lebokja, ”Nimi dibaʾ me ara, nauba gweknamlaʾ ara, Yahudi dub nang eb, Imik Neyung yuba wa gakaʾ dub nang eb, yuba neksin nang eb dadya, malya nenewanamak. Alda hyakaʾ obnemak bok, winilinya sum yenewalya dara, onoʾ embengaʾ subnamla,” hyok.

LUKAS 9:44

”Ban nadya lebnamna yub enyek, ugunda hiliknaʾ loboka pe bekmoubnelum, Nimi dibaʾ me ara eimik doboka nimi migib lomok eleganamak,” hyok.

RASUL 2:24

Bok Imik Neyung migib adya Yesus ak nimi somoklomakaʾ gangganek ab, suboka embengaʾ bukiyimok. Alda somoknaʾ lomok sam unggulumnamso anasa, somoknaʾ damok adya doboka menegemok bok, Imik Neyung adya henga loboka blebiyimok,” hyok.

2 TESALONIKA 2:5

Wera nara ugunub neikaʾ ulumouba salek, ban men ugunuk lesisaʾ anyek, ugunda pe seiniwoka beknelum.