LUKAS 22:32 - PERJANJIAN BARU NALCA YUBA

³² Simon o, anja dib senewoka ganya oloklelamaʾ anyek, goowoka denghegelyek aboka, nara ansamba heng uboka mololenggen. Anya anda nak saaboka yanalamaʾ seleb dara, anja weisab enyek sikja ganya migiba geb eleganesilim,” hyok.

LUKAS 22:32 ပူးပေါင်းရင်းမြစ်များ

MATIUS 18:3

Anya Yesus adya dara, ”Ugunda hyak dib senewanalum! Ugun nong ara dangawoka, saaboka mekmab anasa danggubmun dara, wera aldib Imik Neyung alja wenesin heikek binggunulum.

MATIUS 26:75

Danyek Petrus bera Yesus adya alak men, ”Anda ayam yuba ngoubnenggumlya salek, nak sondaʾ amba li winilya bobnenewoka lebnenelem,” wenyamok ak gigiwal senewok. Dara alda goboka yibuukanya, nauba soloma daboka hyak goukduk-goukduka engewok.

MARKUS 14:72

Dara al wene sab-sab, ayam yuba penenya ngoubuk. Wenyek Petrus bera, Yesus adya alak men danyek, ”Anda ayam yuba li penya ngoubnenggulyebok, anda nak sondaʾ amba lika winilya bobnenewoka sondaʾ lebnenelem,” amoknya nek seiniwok. Anasa, alda anyek seiniwoka, goukdik-goukdik aboka nauba engewok.

MARKUS 16:7

Bok ugunda wera biniboka, alja yuba doro diriga ban nang eb, Petrus beb, ban yub enyek, sikenek wenyhenelum, Alda men Galilea sokok sam bilimla. Ugunuk men orowek seleb wenyhusuk sok, ugunda anyagonob eibnelum, wenyhenelum,” hyok.

LUKAS 8:13

Alda yinaʾ girik lumok sokok sam yama yinggilimoknya nera, nim anam salek era ganya goluwoka yuba dolomak bok, yub ara dibaʾ sikjaʾ ganya lomok sam yinaʾ menggulusil. Sikda anam salek seʾ ok dib senewanaʾ ara, yokaʾ sunulyamasinaʾ yanggan dara, wonaʾ dangalamaknya nera an.

YOHANES 14:19

Mek anam binimnaʾ anasa, soko adya nak eibnenggununel bok, ugunda nak eillilimnenulum. Nab embengaʾ ulumnaʾ anasa, ugumbabya embengaʾ ulumnulum.

RASUL 3:19

Wera anasa, ugunja malya unaʾ Imik Neyung adya lublul aboka, ugunja malya unaʾ ak ab ganya dangawoka saaboka, Imik Neyung ak yoululum.

ROMA 8:32

Alda, alja me yokaʾ ak wanaʾ ubok bok, alda nidyaʾ amba elegousukaʾ anasa, alda nuk yokaʾ-yokaʾ nidyaʾ ara ganya doboka eleganggunusil de?

ROMA 8:34

Kristus Yesus, seleb somogokaʾ ara, onoʾ imik soʾ dara, alda seleb embengaʾ subuk, dara onoʾ al alak Imik Neyung adyaʾ sirik sam bulumla, wera onoʾ alja nusamba yuba ligiwoka sanya danamla ara heknya do?

2 TIMOTIUS 2:18

Sikda penya dara, perob yub ek ab seleb malya nenebdangoka mok darek. Wera sikja dara, nim embengaʾ suboka bun salek era, seleb yenewal wenyaro yabalarakaʾ adya, nimi yok nim ek hnon sikja dib senenaʾ ara seleb dolul meneklerak.

TITUS 1:1

Najabo Titus o! Nara Paulus bedya, Imik Neyung adya wa wenya uboka, onoʾ Yesus Kristus adya yuba lenaʾ gaknya uboka, ban ara anak momnya doboka beibgen. Imik Neyung adya alja weboka dolosil nim enyek, sikja Imik Neyung ak dib senelemakaʾ ara, migib dosululaʾ aboka, nak Imik Neyung adya men weboka doboka bokol yeilinyok. Nunja dolomabaʾ ak sam neklesil yub enyek, sikba ella dangoka pe ulunokaʾ aboka, neksulul senewoka donyok.

IBRANI 12:15

Dara nimi nauba malya nenewoka, sembejaʾ gebnesilya damok yu nongaʾ sikaʾ anyek lanawalyek aboka, ugunda nimi be hnon Imik Neyung bedya perob eleksinaʾ ak ab mok gebdalyek aboka pe diri ulululum.

IBRANI 7:25

Wera anasa, Yesus ara, alda sobaʾ ulmorulamlakanya, bleblesil nim enesa leboka, Imik Neyung ak sobaʾ mololosilaʾ anasa, aldib sobaʾ ulmorulamlaʾ adya, nim Imik Neyung ak al pik uboka yalamak nim era, hyak gobdo dibaʾ amba bleblesil.

1 PETRUS 1:1

Nadyaʾ hemyabo nim o, Imik Neyung adya weboka dobsuk nim, Pontus moka hnon, Galatia moka hnon, Kapadokia moka, Asia uboka Bitinia moka doluwoka obyakasik nim ek, nara Petrus, Yesus Kristus adya yuba lenaʾ gaknya bedya, Imik Neyung adya ugunuk perob eleknaʾ ab, pe unaʾ ab, hyak nauba eleklesulul senelamna.

1 PETRUS 1:13

Ban nenesa leboka, ugunja ganya seininaʾ pe meewoka ublulum. Yesus Kristus yanamla sum enyek eleganesilaʾ anyek dib dobnemab senewoka, ugunja ganya welelulumaʾ ara, pe keeboka unulululum.

1 PETRUS 1:5

Ugunda Imik Neyung migib adya bo ulusil nim ek, ban bonaʾ era ugunsambaʾ ak beillilesil. Yokaʾ-yokaʾ nidyaʾ denghenemla sum enyek, al laga danamla, Imik Neyung nimi blebsinaʾ damoka beibukaʾ anyek, dibaʾ dobnokaʾ aboka, ugunja dib senenaʾ adya, ugun nonga migiba geboka bo ulusil.

2 PETRUS 3:14

Anasa wera, nadya wanaʾ ulusin hemyabo nim o, ugunda Imik Neyung yanamna amok sum enesa diri ululum salek era, ugunja unaʾ era, mekaʾ gegenaʾ ponaʾ loboka, hyak geisaʾ nongaʾ anyek dibaʾ pe ulululum. Imik Neyung ab ugunub neikaʾ pe kwebdangoka unaʾ ara, hyak pe bo uldalalulum.

1 YOHANES 2:19

Kristus adya alja isaʾ nang ara, nun nang yilaʾ dib unggulumekjok, nuk seleb lo bilisik. Nimi danara nun nimi yilaʾ uluseng bok dara, wera nub neikaʾ ulumnesibya. Bok nuk seleb lo bilisiknya nera, wera aldib nun nang yilaʾ unggulumakaʾ anyek, laga geknewolul.