LUKAS 21:8 - PERJANJIAN BARU NALCA YUBA

⁸ Anasa Yesus adya dara, ”Ugunuk bobnenewoka sondaʾ amba nauba malya ubsijek anasa, keeboka ulululum. Nimi nauba eimik era, nadya si sibuka yeijikanya, Alda nara an yan! anya, Wera soko dengan salek era seleb oka dal, henesak bok, ugunda dib senewoka dilinaʾ ara hyak mem.

LUKAS 21:8 ပူးပေါင်းရင်းမြစ်များ

MATIUS 24:11

Nimi nauba sondaʾ anasa, nunda Imik Neyung adya ununumnaʾ len nang wenyabdangoka lanawanamaakanya, yok nim ek nauba malya nenewanamak.

MATIUS 3:2

Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok.

MATIUS 4:17

Wera ban sum enyek moruwoka, Yesus ara Imik Neyung yub ara lero lelemokja, ”Imik Neyung adya, wera wenewanasil salek oka dalaʾ anasa, ugunda malya unaʾ ak ab loboka ganya dangawolulum!” aro lelemok.

LUKAS 17:23

Eimik era nim adya ugunuk wenyhenesak, kendululum, alda anyagan ulumla! Goma, alda ono sam ulumla! henesak. Bok ugunda kendenobaʾ aboka goboka el yabanaʾ ara hyak mem.

LUKAS 21:7

Dara anyagan nang edya Yesus ak, ”Neklesilimnya o, ban nidyaʾ wenyalalamaʾ ara hwer salek ek unuwanamla do? Ban unuwanamlyaʾ amba dara, hek beknaʾ ek men unuwanamla salek aboka laga ubnamla do?” aboka heibek.

LUKAS 21:9

Ugunja nimi doluwoka nauba oldalamak an yuba kebnelum dara, ugunda lok ganya bonaʾ ara mem. Ban nidyaʾ ara men unuwanamla. Bok wera nera soko sidyaʾ daknamla salek era anyek unuwanamla bok, nenyek sidyaʾanya gomaʾ,” hyok.

YOHANES 5:43

Nara neyung bedya si pik moruwoka yasa bok, ugunja nak perobaʾ leboka doro dibninggunulum. Bok, yoknya bera alja si pik yalya dara, perobaʾ leboka doro dibnelum.

YOHANES 8:24

Ban damok enesa leboka, ousa era, ugunda ugunja malya unaʾ ak sam somoganalum abmeisinaʾ ara, ban nenesa lebmesin. Nera aldib, ugunda nak, bera alan senewoka, dib senewoka dobnenggununulum dara, ugunja meneng malya unaʾ lomok sam somoganalum,” hyok.

YOHANES 8:28

Anasa wera, Yesus adya onoʾ sikenek ara, ”Ugunda Imik Neyung adya bokol yeilimoknya nimi dibaʾ me, imik beibnelum sum enyek, nara heknya ulumnaʾ ara, ella danalum. Dara, onoʾ nadya yokaʾ-yokaʾ unulamnaʾ ara alja ganya doboka ununggulumok, alda al bokol yeilimoknya bedya lelemokaʾ ok sunuwoka lelemokaʾ ara, ella danalum.

1 KORINTUS 6:9

Nimi malya ulwenelemak nim era, eimik era Imik Neyung wenesin heikek hyak weknenggunumakaʾ ara, ugunda elgom ululum de? Wei, bol neneldanggom. Salyaʾ gela hokaʾ salalamak nang eb, yokaʾ-yokaʾ ak giblemak nim eb, yok nang gela salalamak nang eb, sik moumen bok dekeldalamak nang eb dara, imik heikek weknenggunumak.

EPESUS 5:6

Ban damok danasa, nauba bleklemak nim ek Imik Neyung adya yu ganya boboka igina eleklesilaʾ anasa, ugunuk yok nim edya salyaʾ yuba saboka gliboka bo bisijek.

2 TESALONIKA 2:3

Anasa Yesus yanamla sum oka dalya dara, ban unurub damok enyek men laga danamlaʾ ara, nimi nauba yuba domeijedyok ganya dangawoka malya danamak, hnonda Kristus ak sondaʾ amba bobnenewoka nara elgom aboka lebnamla, hnonda nimi malya unaʾ dubnya bisaʾ heikek weklulaʾ aboka, orowek gegeboknya bera laga goboka seknamla dara, ugunda yokaʾ-yokaʾ igin yakaʾ yanamlyaʾ anaba ugunuk ara sondaʾ amba bobnenewoka lebsijek.

2 TIMOTIUS 3:13

Bok, malya unaʾ hwam nimi hnon, sondaʾ hwam ok wekdeknewoka ulumak nim era, nauba malya danggiga balamnamla. Sikja dara, yok nim ek sondaʾ lelemak bok, onoʾ sikbabya dirigoka sondaʾ lelemnesak.

1 YOHANES 4:1

Nadya wanaʾ ulusin hemyabo nim o! Sondaʾ anasa nunda ununumnaʾ len nang aboka, bobnenewoka lemek nang era, mok soko nidyaʾ ob lelewal bok anasa, yok-yok senenaʾ ak ara salyaʾ dib senenaʾ ara loboka, alda men ganya seininaʾ enera Imik Neyung adyinya gom, nera yok gom aboka men sunuwomunjok, wera aldib senewanalum.

2 YOHANES 1:7

Nim ek sondaʾ bobnenewoka malya nenelesak nang era, mok soko nidyaʾ oboka lelewal. Ban lebna nang danara, sikja dara, Yesus Kristus ara nimi nonga dangoka sokok yeilimok aboka laga lenggulumak nang ulumak. Anasa ban nang danara, sondaʾ hwam nang uboka, Kristus adya alja isaʾ nang ulumakaʾ ara an.

WAHYU 1:3

Ban nidyaʾ ununumnaʾ lebokaʾ ara, mandenaʾ loboka unuwanalabok anasa, alda ban buku enyek an momnya dobokaʾ ak laga einililanya hnon, sikda ban unuwanamlaʾ hyok yub pe keboka al lomok ulumla yuba nidyaʾ salabmouboka unulumak nimi hnon, pe ulumnamak.

WAHYU 12:9

Dara ban senenggom naga bagaʾ era sokok yakdo boblenggok! Wera ban wisa youmaʾ bagaʾ era, nidyaʾ sokok an sondaʾ leboka malyaʾ geblamlaʾ, alja si nera Iblis hnon, Satan hnon aboka si silimak ara an. Alab, nidyaʾ alak aralemek lero eb dara, sokok an unu boublinggosuk.