LUKAS 21:37 - PERJANJIAN BARU NALCA YUBA

³⁷ Yesus ara yubyek era, Imik Neyung ek sam yuba lel eleklesinaʾ ara, inimnek era, Zaitun meinik heikek sam anyagan mabnunaʾ aboka balamok.

LUKAS 21:37 ပူးပေါင်းရင်းမြစ်များ

MATIUS 21:1

Wera Yesus ab alja yuba doro diriga ban nang eb dara, seleb Yerusalem heik berem byik dara, sikda Zaitun meinik Betfage moka lanal byik. Heik enyek anyeb dara, Yesus adya alja yuba don nang penya nang ek ugunda men binirum aboka orugosuk.

MATIUS 21:17

Dara Yesus ara sikenek loboka, heik enyek anyebaʾ ara, Betania heikek bindiwoka anyagan mabok.

MATIUS 26:30

Seleb unu debgogowek dara, sikda Imik Neyung bera hnonok sebeekanya, sikda Zaitun meinik sam byik.

MATIUS 26:55

Dara Yesus adya nimi nauba anyagan alak obnobaʾ aboka yek nang ek, ”Ugunja dara, nara nim onaʾanya senewoka oldan gab ab doluknaʾ mal gal eb bo bo yeililum de? Dara, lika sobaʾ nara Imik Neyung e eremek sam neklesino bok, nak ara henga goubnenggulunulum!

MARKUS 11:12

Ampum maboka gwelegek dara, Yesus ab, alja mab ab, seleb Betania heikek ab lanawoka pikek balamek salek, Yesus ara gwaneng ok ubuk.

MARKUS 11:19

Wera sin dangoka inil yabok dara, Yesus ab alja yuba doro diriga ban nang eb dara, nauba heikek ab lanawoka gobek.

MARKUS 14:49

Li sobaʾ nara ugunjaʾ hogung ak, Imik Neyung e eremek sam yuba neklesin dara, ugunda nak henga goubnenggulunulum. Bok, Imik Neyung Yuba momnya dobokaʾ anyek, gigiwanamlaʾ anasa, or malye.” hyok.

LUKAS 19:29

Wera Zaitun mein berem Betfage moka, Betania heik berem bokok ab dara, alja yuba doro diriga ban nanga penya nang ek, ugunda men bururum aboka boksuk.

LUKAS 19:37

Wera Yerusalem heik berem, Zaitun meinik abaʾ ara yanggalamek pikek yanggok dara, nimi nauba Yesus ak diriga balamek nang edya nidyaʾ Imik Neyung adya hyak senenggom damoka lok so migib ununaʾ unulumokaʾ anyek, sikda Imik Neyung ak perob aboka nauba giblemek.

LUKAS 19:47

Lika sobaʾ Yesus ara Imik Neyung ek sam yuba lel eleklesuk. Bok Imik Neyung yuba wa gakaʾ dub nang eb, Imik Neyung yuba neksin nang eb, Yahudi sokok dub nang eb dadya, Yesus ak obnemab senewoka dulumek.

LUKAS 22:39

Yesus ara Yerusalem heikek ara, loboka yok sum Zaitun meinik balamok sok, alja yuba doro diriga ban nang eneba neikaʾ byik.

YOHANES 12:1

Yahudi nim edya perob sum era li lambadya anam gweleganamla aboka ubek bok, Lazarus embengaʾ suboka bukiyimoknya bedya heikek, Yesus ara yeilimok.

YOHANES 18:2

Yesus ak obnelum aboka yuba dil binimoknya Yudas bera oro wenyek, Yesus ab, alak diriga ban nang eb, anyagan sobaʾ longolomekaʾ anasa, ban soko ella ulumok.

RASUL 1:12

Dara, Imik Neyung yuba men domek nim era, Zaitun mein abaʾ ara Sabat mem sum era Yerusalem heik lo bilimek. (Zaitun mein ara Yerusalem berem ulumla, satu kilometer ok ulumla.)