LUKAS 21:12 - PERJANJIAN BARU NALCA YUBA

¹² ”Bok ban nidyaʾ anam unuwanggumlya salek era, yok nang edya ugunuk heng gouboka saboka obnesak. Ugunda Yahudi nim edya yuba don e pik ab hnon, henga gouboka yana lelewanasaakanya, henga gouboka gasa ek hnon doronggoka beibnesak. Ugunda nadya yuba donaʾ nimi dibaʾ ululumaʾ anasa leboka, ugunuk mok soko dub nang eb yok-yok senenggom nang edyaʾ saramek henga geregoka bol giriklemnesak.

LUKAS 21:12 ပူးပေါင်းရင်းမြစ်များ

MATIUS 22:6

Alda yok hnon nim edya dara, ban yuba bo bilimek nim ek saboka oboka hyak dibaʾ obek.

MATIUS 24:8

Ban nidyaʾ ara unuwanalabok, nera men eininaʾ dibaʾ, gela me bomnaʾ ak me juga gweklamla sok ak, unub einiwanamla.”

LUKAS 21:11

Mok soko me nidyaʾ senenggom sogoumaʾ dorogoka, senenggom gwaneng okaʾ lanawoka, senenggom neiknaʾ damok lanawanamla. Imik sam ara hyak malyaʾ nongaʾ lok so ab okna maka dangalamlaʾ ab laga danamla.”

YOHANES 15:20

Wa wenanya bera, alja neyung bek ab imik so unggulumla seleb wenyamsaʾ ara, beklulum. Dara, sikda nak olonyek dara, ugumba olomnesak. Sikda nadya yuba kelenyek dara, ugumba ugunja yuba kelemnesak.

YOHANES 15:21

Bok, sikda nak bokol yeilinyoknya bek elgom ulumakaʾ anasa, nadya si nemba leboka, ban yokaʾ-yokaʾ ugunuk unulumnasak.

RASUL 22:30

Wera Roma yin bonaʾ dubnya bera, hekasa Yahudi nang era, Paulus bek malya nenelemak do, senewoka damoka ella donunaʾ aboka ulumok. Anasa wera, ampum maboka gwelegoka dara, Paulus bek gasa heng ak ab lob loboka, Yahudi yuba wa gakaʾ dub nang eb, yuba sanaʾ gak nang eb, nidyaʾ mamagoka longowanamab aboka orugosuk. Dara, Paulus beneba longomekaʾ ak sam bo bilimookanya, sik saramek sekiyimok.

RASUL 5:40

Gamaliel bedya ban wenyaboka wenewosuk dara, Yahudi nang edya henga gereksin dub nang era, dib aboka perob hyek. Dara, sikda Yesus adya yuba lenaʾ gak nang ek, ek wekel yoululum aboka ebiniboka, legebnaʾ deboka legewoka, ”Wera ugunda Yesus si adya nimi yok nang ek nekdo yabanaʾ ara lobnelum,” aboka wenyaboka lebgogosik seleb dara, sikenek henga losik.

RASUL 8:3

Bok, Saulus bera yeiniboka Imik Neyung yuba donaʾ nim era, nauba deijik senewoka soldob menegonun aboka dulumok. Dara, alda hnon ek obgogowan dara, onoʾ hnon yok ek biniboka Imik Neyung yuba dib senemna nang, nengmab ab gelewa ab, doboka bobna dara, nimi henga gereksin ek sam henga geregel balasuk.

RASUL 9:4

Wera danyek, Saulus bera sokok sam malyingginiboka, onoʾ imik ab sam yuba hnon alak, ”Saulus o, Saulus o, anda hekasa nak lobaʾ nenewoka olonelem do?” hyok.

1 PETRUS 2:13

Imik Neyung amba leboka, nimi soko dub nang ulumak nanga nidyaʾ sikja yuba pe keboka unulululum. Nera or mok soko damnya bedya yuba gom,

WAHYU 2:10

Wene salek enyek, yokaʾ-yokaʾ igina kwebnenggelnya nenesa leboka, anda lok ganya bonaʾ ara mem. Anda pe beknelamaʾ nong ara, anak sunuwanenggelaʾ ara, Iblis adya ugun gangganek sam hnon nimi doboka gasa ek sam henga geregoka beibnesil. An henga geregoka beiyisilya salek era, lika sagobadya mabnelum. Unuweigijaʾ anaba, anda bojam ululom! Anya somogamen dara, nadya anak dib embengaʾ ulmoubnaʾ huk golunaʾ ek goliyiwanenggen.”