LUKAS 20:38 - PERJANJIAN BARU NALCA YUBA

³⁸ Wei, anasa Imik Neyung ara somoklemak nang Imik Neyung unggulumla! Nimi nidyaʾ ara, Imik Neyung ak dara, embengaʾ ulumakaʾ anasa, Imik Neyung ara embengaʾ ulumak nim edyaʾ Imik Neyung ek ulumla,” hyok.

LUKAS 20:38 ပူးပေါင်းရင်းမြစ်များ

MATIUS 22:32

Nara Abraham bedya Imik Neyung ulumna, Ishak bedya Imik Neyung ulumna, Yakub bedya Imik Neyung ulumna. Wera, Imik Neyung ak dara, somoklomak nim edya Imik Neyung unggulumla. Alda nim embengaʾ ulumak nim edya Imik Neyung ulumla! wenyaro momnya dobok,” hyok.

MARKUS 12:27

Anasa Imik Neyung ara seleb somokdob nim edyaʾ Imik Neyung unggulumla. Alda nim embengaʾ ulumak nim edyaʾ Imik Neyung ulumla. Ugunuk danyek hyak ganya ongo ibdobaʾ nong ak ululum!” wenyhesuk.

LUKAS 20:39

Hnon yuba neksin nang edya Yesus ak, ”Neklesilimnya o, anja leblamaʾ ara hyak dib nonga leblam,” hyek.

YOHANES 14:19

Mek anam binimnaʾ anasa, soko adya nak eibnenggununel bok, ugunda nak eillilimnenulum. Nab embengaʾ ulumnaʾ anasa, ugumbabya embengaʾ ulumnulum.

YOHANES 6:57

”Nadyaʾ neyung be embengaʾ ululanya bedya nak bokol yeilinyok dara, nababya al adya ok ulumna. Anasonya neikik, heknedya nadya nong ak delenya bera, nadya nong adya ok ulumnamla.

2 KORINTUS 13:4

Kristus nong anyek, hmengaʾ lomok, oboka gal ak glabemek bok, wera Imik Neyung migib adya ulmorulamla. Numbabya Kristus lomok uboka hmeng ulumabjok, ugunuk an wa welemnesab anasa, Imik Neyung migib adya Kristus ablaboka ulumnamab.

2 KORINTUS 6:16

Imik Neyung e ab bisaʾ gibnaʾ e neb dara, neikaʾ ara hek soʾ ak ulumnamso do? Ugunda embengaʾ ululanya Imik Neyung bedya e ululum. Imik Neyung adya lebokaʾ ara, ”Nara sik hnoum ulumnesinikanya, sik gangganek yabalamnamna. Nara sikjaʾ Imik Neyung ulumnamna dara, sikda nadya mabo silibaʾ ulumnemak.

IBRANI 11:16

Bok wenera sikda hyak perob heik hnonok ok ubsibya senelemakaʾ ara, imik heik ok ulumla. Anasa Imik Neyung ara ban hnonok heik era siksamba meewoka solosilaʾ anasa, Imik Neyung ak ara sikja Imik Neyung aboka si silimneseng dara, alda alya dabnenggunumso.

WAHYU 22:1

Wera onoʾ lero enedya nak nim embengaʾ eleklesil mek era, Imik Neyung ab, domba me ab, sikja bunaʾ ekla ek ab, goboka, eleb-alab arobaʾ ak yabalamok mek enyek, nak aawanyok.