Wenyek Petrus bedya sikenek, ”Beillilamlaʾ aja!” hyok. Wera Petrus bera ek balamok enyek, Yesus adya alak, ”Simon, anja dara, hekaʾ senelam do? Sokok an dub nang edya dara, rupiah bonaʾ amba garanaʾ gom, mok soko amba deknaʾ gom ara, hek nim ek ab dub nang era dolomak do? Heik yokaʾ nim edya gom, sekel yanggan nim edya gom?” aboka heibok.
LUKAS 20:22 - PERJANJIAN BARU NALCA YUBA22 Anasa nunja yuba donaʾ ak sam lelemlaʾ sunuwoka unuwanalum wenyhenesilim, soko dubnya Kaisar bek ara, mok soko amba dara rupiah or deknesibya gom, orok gom?” aboka heibek. အခန်းကိုကြည့်ပါ။ |
LUKAS 20:22
14 ပူးပေါင်းရင်းမြစ်များ
Wenyaboka deknaʾ dekesik nang edya Yesus ak, ”Neklesilimnya o, neyung anja lelesilimaʾ ab, neklesilimaʾ ab dara, hyak dib nongaʾ ak lelelam. Anda nimi nidyaʾ lek senesinaʾ loboka, perobaʾ lelesilimaʾ anasa, Imik Neyung adya nim ek anaso unuwaseng senelamlaʾ anyek laga poboka neklesilimaʾ ara, ella ulumab.
Bo biniboka wera sondaʾ amba miniwoka Yesus ara unulamla-unulamla aboka yana kiboka lelemek. Anya sikja dara, ”Ban benera nunda Yahudi nimi sokok an malya nenelesilaʾ ak eillilemabnya bera an,” alamek. Alak danyek, ”Nara Kristus dubnya ulumnaʾ, alamlakanya, Kaisar dubnya bek ara ugunja dara, rupiah eleknaʾ ara mem, aboka yuba seklamla,” aboka lelemek.
Ban nen seleb dara, onoʾ nimi si momnya dolosik salek, nimi si Yudas be Galilea mok ebnya bera, nara dubnya abdangoka ulumok. Dara, alja yokaʾ-yokaʾ unulumok adya perob senewoka nimi nauba alak mamagel balamek. Bok, al nong anaba obek sum era, alja yuba keboka alab neikaʾ ulumek nim era doluwoka bokdangoka dengamek.
Anasa anda nidyaʾ yok nang ek anja deklemnelamnya nera, yokaʾ amba leboka dololanya bek, wera yokaʾ amba leboka deknaʾ benyek an deklelom. Mok soko amba dara, mok soko amba donaʾ geknewanalanya bek an deklemnelam. Lok ganya bonaʾ amba dara, lok ganya bonaʾ geknewanalanya bek deklemnelam. Gibnaʾ amba dara, gibnaʾ amba donaʾ geknewanalanya bek eleklemnelam.
ကြော်ငြာတွေ