LUKAS 20:17 - PERJANJIAN BARU NALCA YUBA

¹⁷ Dara Yesus ara sikenek keebdaboka lebsukaʾ ara, ”Anasa yuba ban hnon ulumlaʾ ara, E sonaʾ nang edya e denewoka sobnenggumekaʾ lobek girik era, men youboka perobnya dal, aboka Imik Neyung yuba bukuk sam momnya dobokaʾ ara, damok ara hekaʾ ak lebok do?

LUKAS 20:17 ပူးပေါင်းရင်းမြစ်များ

MATIUS 21:42

Danyek Yesus adya sikenek, ”Ugunda Imik Neyung yuba momnya dobokaʾ ara hnon mekaʾ eininggululum de? E sonaʾ nang edya, loboka e songgulumak girik era, men perob girika dangamok. Anera Imik Neyung adya unusukaʾ ara an, perob nongaʾ senelemab e! aro momnya dobok,” hyok.

MARKUS 10:23

Anasa Yesus ara alja yuba doro diriga ban nang ek, sikenek keeboka lebsukaʾ ara, ”Nimi bonaʾ dub ulumak nang era, Imik Neyung wenesin heikek weknaʾ ara hyak nauba okna nong!” hyok.

MARKUS 12:10

Ugunda ban yub en Imik Neyung yuba momnya dobokaʾ ara, hnon eininggululum de? Nim e son nang edya lorob girik era, men beiyiboka sunun girika dangoka ulumla.

MARKUS 3:5

Dara Yesus ara yu ganya boboka gokgoba nidyaʾ keeb ganagoka ubok bok, Parisi nanga nong anyek, hyak gasa ganya bolomekaʾ anasa, alda angoo senewoka ganya sugumok. Dara Yesus adya soruka somogomoknya bek lebokaʾ ara, ”Anja soruka nginigalom,” hyok. Wera bera, soruka nginigok dara, al wene salek enyek merewok.

LUKAS 19:41

Yesus ara Yerusalem heikek lanal binibmookanya, heik era oka danggiga balamok dara, kemelemookanya, alda engenaʾ sala bukok.

LUKAS 22:37

Anasa ugunuk dib lebsin, Imik Neyung yuba lero momnya dobokja, Alda malya unaʾanya beneso nenewek hyoknya nera, nak an nidyaʾ gigiwoka unuwanamla. Anasa Imik Neyung yuba bukuk sam nasamba geklewoka momnya dobokaʾ ara, wera an seleb gigiwoka unul yibel an,” hyok.

LUKAS 22:61

Yesus anaba dangawoka Petrus bek keebdabok. Danyek Petrus bera, Wenelesilnya bedya men danyek alak, ”Sumen wining yub anam lebnenggumlya salek nak sondaʾ amba lika winilya bobnenewoka lebnenelem,” amokaʾ anyek seiniwok.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

YOHANES 15:25

Bok, unuwanalum an yuba sikja bukuk momnya dobokaʾ ara, dib gigiwolulaʾ aboka umokaʾ damok ara, anyaʾ senewal henggonggom bok, nak lek senelenyek.

RASUL 4:11

Onoʾ hnon, Yesus adya eimik unuwanamla aboka, youmaʾ Imik Neyung bukuk sam momnya dobok ara, E sonaʾ nang edya malya girik aboka bobegek bok, alda hyak onoʾ perob men youbuka un girika dok, hyok.

EPESUS 2:20

Wera Yesus Kristus ara men ikimok egomnaʾ uboka, yuba lenaʾ gak nang eb, ununumnaʾ lelemek nang edya ikimek egomnaʾ ak, ugunda anyagan makoka sobsuk.

1 PETRUS 2:6

Nenesa leboka, Imik Neyung yuba momnya donaʾ ak sam ara, ”Nadya hyak perob girik ek weboka dobna, Sion heikek sam men iklemak girik enesoʾ ak beibna. Anasa, alak dib senewanamak nim era, sikenek solom ganya nenewanggunusil,” aro momnya dobok.