LUKAS 19:38 - PERJANJIAN BARU NALCA YUBA

³⁸ Dara sikja lelemekja, ”Wenelesilnya bedya si pik moruboka yok dubnya bera aljaʾ senedya migibaʾ ara hyak pe ululul! Imik heikek ara, perobaʾ anyek uboka, Imik Neyung ak sobaʾ giblenok e!” alamek.

LUKAS 19:38 ပူးပေါင်းရင်းမြစ်များ

MATIUS 2:2

Dara sikja, ”Yahudi nimi dubnya danamlaʾ ak beiyimla me nera, har sam beiyimla do? Nunda alja guraʾ lanawokaʾ ak eiyiboka, alak gibnemabaʾ anasa yeilimab bar,” aboka nim ulumekaʾ ak heiru yabalesik.

MATIUS 21:9

Nimi nauba Yesus balamok pik ek, hnon nim era eimik dobdo balamek bok, hnon nim era men mengewoka balameekanya, sikja lelemek ara, ”Daud bedya me nek gibnok! Wenelesilnya bedya si sibuka yeilimoknya bera alak hyak perobaʾ dangalalul! Imik Neyung hyak imik sam ululanya bek giblenok!” wenyaboka lelemek.

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

MATIUS 25:40

Bok, Wenelesilnya bedya sikenek lebnamlaʾ ara, Ugunda ban nidyaʾ ara, ugunja nimi malya nim ek, sikda nadyaʾ hemyab ek, unusulum dara, wera nera nasamba unululumaʾ, anasa lebna, henesil.”

LUKAS 13:35

Ban nenesa leboka, Imik Neyung anak arawoka bo unggulumnenggel. Dara dib lebgen, al sumen moruwoka anda nak eibnenggununelemekanya, anja lebnelamaʾ ara, Wenelesilnya si pik moruwoka yeilimoknya bera, or perobaʾ ak ululul, henelam sum enyek ok eibnenelem,” hyok.

ROMA 5:1

Wera anasa, nunda ganya aldib senenaʾ adya perobaʾ nenelesil nang era, nunjaʾ Wenelesilnya Yesus Kristus pik uboka, nunda Imik Neyung ab neikaʾ hiboka ganya namenaʾ ulumab.

EPESUS 1:12

Nunda Kristus ak men dib senewoka, ganya weboka ulumab nim era, Imik Neyung adya hyak senenggomaʾ lok soʾ unuwousuknya nenesa leboka, anya alja gibeldonaʾ danokaʾ aboka weboka dobsuk.

EPESUS 1:6

Aljaʾ wanaʾ nong ulumok me Kristus pik uboka, nuk aljaʾ senenggomaʾ wanaʾ uboka elegousukaʾ anasa, Imik Neyung imik ululanya bek giblenob.

EPESUS 3:10

Imik Neyung adya seinimoknya nera, wenera yuba donaʾ nimi pik uboka, imik sam wenewoka bo usin nang, senenggom dub nang ulumakaʾ ara, Imik Neyung adyaʾ hyak senenggomaʾ yok-yok geremsenga boboka, wa welemlaʾ anyek ella danokaʾ aboka seinimok.

EPESUS 3:21

Kristus Yesus pik uboka, nim Imik Neyung yuba donaʾ nimi pik uboka, sounuwoka likoka sobaʾ gibgiga balanok. Amin!

KOLOSE 1:20

Anya Imik Neyung adya, alda yokaʾ-yokaʾ ab, al nong ab, neikaʾ hibnunaʾ aboka dara, or sokok an ulumlaʾ gom, imik heik ulumlaʾ gom, alda yokaʾ-yokaʾ neikaʾ ara hiyiwousununaʾ aboka, Kristus obek gal eneng pik seleb neikek hiyiwousuk.

1 TIMOTIUS 1:17

Imik Neyung ara alda li sobaʾ ulmorululanya ulumla. Anya alak sobaʾ giboka onoʾ si imik nenewoka gigilenok. Alda dib hwekwa ubmoubuka, onoʾ laga heng eilinggulumaknya ulumla. Alda nunja Imik Neyung dibaʾ alak ok hnonok ulumla. Anasa wera, alak sobaʾ giboka onoʾ gigilenok. Amin.

1 PETRUS 1:12

Imik Neyung adya ununumnaʾ lelemek nang ek ara, ugunsamba leldanggululum, alda eimik ulumnemak nim emba lelelum aboka nekesuk. Anara ugun wen an Imik Neyung yuba len nang ek ab, Yesus Kristus amba yuba kelelumaʾ anyek lelesik. Sikja ugunuk lero yalasikaʾ ara, Imik Neyung Geisinya adya, imik heikek abaʾ ara, eleklesilaʾ anyek ugunuk lelesak. Dara, lero nang edyaʾ anaba, sikja lelesak yub era ella danob senewoka dulumak.