LUKAS 18:23 - PERJANJIAN BARU NALCA YUBA

²³ Dubnya bera ban yub en kebok dara, alda hyak bonaʾ dubnya ulumokaʾ anasa, nauba igin ganya bobok.

LUKAS 18:23 ပူးပေါင်းရင်းမြစ်များ

MATIUS 19:22

Wenyek goubenenya bera, alda bonaʾ dubnya ulumok bok adya, Yesus adya alak an wenyaboka lebok anyek kebok dara, ganya igina daboka ek byuk.

MARKUS 10:22

Wera ban dubnya bera alda hyak bonaʾ dubnya ulumokaʾ anasa, Yesus adya alak banaso wenhyok dara, angoo senewoka hyak ganya obdangoka ek byuk.

LUKAS 12:15

Dara onoʾ Yesus ara nimi nauba ulumek nim ek an, ”Nim ara bonaʾ dubnya ulumnaʾ anaba, embeng unaʾ ara anyagan anyek ganya kweboka unggulumakaʾ anasa, hmabaʾ ganya ab yokaʾ-yokaʾ sunulusilaʾ ak ab keeboka pe diri uldalalulum,” hyok.

LUKAS 18:22

Yesus ara ban nenyek kebok dara, alja lebnemokaʾ ara, ”Hyak hnonok anam or anaso unuwanalamaʾ ara, anja bonaʾ nidyaʾ ara dekoka rupiah dobmen dara, rupiah era bonaʾ garan ulumak nim ek boknesilim. Dara anda imik heikek ulumla bonaʾ enyek dobnelam. Ban unubgogowamen dara, anda nak diriga yananelem,” hyok.

LUKAS 18:24

Dara, Yesus ara ban bera bonaʾ dub adya hyak igin ganya bobokaʾ ak eibuk dara, alja lebokaʾ ara, ”Bonaʾ dub nim era, Imik Neyung wenesin heikek weknaʾ ara, hyak okna!

LUKAS 19:8

Wera ek ab dara, Zakheus bera sekoka Yesus ak, ”Wenelesilimnya o, dibaʾ unuwanamnaʾ ara nadya bonaʾ nidyaʾ ara hnoumunga gaboka, bonaʾ orok nang rupiah deknyekanya, bokoka eleganesin, dara onoʾ nimi nidyaʾ nadya sondaʾ leboka usisa nang era, sikba onsok lunuwoka, dombadya anaso sounuwoka eleganesin!” hyok.

LUKAS 21:34

”Ugunda nimi dibaʾ me yanamla sum era, ugunda masa nauba youboka deregoka, serema salalesil meka salyaʾ deregoka, sumen yanamlaʾ ara ugunda elgom anasa, ugunuk nong unaʾ enesa ganya seiniro ulumunukanya, wene salek yalyek anasa, pe kemero uldalalulum.

LUKAS 8:14

Alda giriknaʾ hnoum yama yinggilimok aboka sunuwoknya nera, nim Imik Neyung yuba kelemak bok, sokok un ganya eb, bonaʾ dubnya dangoka ulusinya ganya ab, ganya daldom-daldom anaʾ ganya eb dadya, yuba dolomlaʾ ara, seklama darab eleganakanya, perob doka mounggulusilnya nera an.

EPESUS 5:5

Ugunda ban nong anyek pe beknelumaʾ ara, Nimi gela salyaʾ salalamak nang eb, malya unaʾ hwam ok ulumak nang eb, hman ganya bonaʾ ara, bisaʾ gibnaʾ anaso dangalamlaʾ anasa, ganya en bolomak nim eb dara Kristus ab Imik Neyung ab dadya wenewoka bo ulusirik sokok nimi mekaʾ danggunumak.

PILIPI 3:8

Dara ban nenyek ok gom, alda nadya nak malya dananel senelenanya neneba wera seleb unulunel. Wenyek danyek, nara hyak perobaʾ ak dobsa ara, Yesus Kristus, nadya Wenelenelnya bek hnonok dobsa. Nara Kristus amba leboka yokaʾ-yokaʾ nidyaʾ ara dolbalek senewoka seleb gobdo gwirib lobsa. Nara Kristus anyek dib dobnunaʾ aboka, yokaʾ-yokaʾ nidyaʾ ara sembejaʾ nenemsa ok.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

1 YOHANES 2:15

Ugunda soko anyek wanaʾ unaʾ ara mem. Anyek okoka unu wanaʾ unaʾ anaba yokaʾ-yokaʾ nidyaʾ soko dubuk sam ulumlaʾ deng anyek, wanaʾ unaʾ ara mem. Ugunda sokok anyek wanaʾ ulumun dara, Neyung bek ara wanaʾ unaʾ ara unggulumunja.