LUKAS 16:24 - PERJANJIAN BARU NALCA YUBA

²⁴ Anasa dubnya bedya lelemokja, neyung Abraham o! Nak angoo yadyek senewanelom e. Lazarus benyek, alja soruk enyek mek ek doronggalyekanya, nadyaʾ silyum ak an dil younululaʾ aboka orugalom. Nara uk lomok an hyak nauba gweklamna bar! alamok.”

LUKAS 16:24 ပူးပေါင်းရင်းမြစ်များ

MATIUS 25:41

”Dara onoʾ alja waneng ek sam nim ek lebnamlaʾ ara, Ugunda hyak malya unaʾ hwam nim o, anyaganyebaʾ ara men bindowoululum! Hyak mekaʾ sarangganggunumla uk ek sam, Iblis ab alja lero nang emba aboka orowek beibuk ak bululum!

MATIUS 3:9

Ugunda Abraham bera nu nang yilaʾ ak anasa, nunda obnesilaʾ ak ab blebdanamab senenggom, mem. Ban girik danyeb danyek, Imik Neyung adya Abraham nimi yilaʾ nenewanamso anyek, ugunda bekoka seiniwanalum!

MATIUS 5:22

Bok wenyek dara, nara ugunuk ban lebnesin, Heknedya yok nim ek wabnesilnya bera, albabya yana lelewanamak; anya heknedya yok nim ek derewoka walamla dara, yana lelesinaʾ Yahudi dub nang edya yana lelewanamak. Heknedya yok nim ek leleladya, Malya unaʾ hwamnya, alamla dara, uka desin heikek doro bobogeisijek.

LUKAS 16:30

Bok dubnya bedya dara saaboka, neyung Abraham o, nenyek ok dara, seleb gom senewan. Bok somogelenya benyek, sikenek suboka yanamlaʾ nong ak eibnemak dara, wera sikja malya unaʾ ak ab ganya dangawoka yuba dib senewanamak, aro lebok.

LUKAS 19:9

Dara onoʾ Yesus adya alak, ”Beneba Abraham nang yilaʾ ak anasa, sumen nong ak, e nenyek an Imik Neyung adya blebsilikanya, wenyek dib embengaʾ unaʾ elegeisil.

LUKAS 3:8

Wera anasa, nunda seleb malya unaʾ ak ab ganya danganaʾ geknewolul aboka, anyek sunuwoka beknaʾ okoka unulululum. Anya ugunja ganya lomok ara, Abraham bera nunja neyung ulumlaʾ anyaʾ seneldanggom mem! Anasa nara ugunuk wenyhenesin, Imik Neyung ara ban girik danaba nimi geboka, Abraham nang yilaʾ dangiyiwanemso!

YOHANES 4:10

Gela ara ban wenhyok dara, Yesus adya alak, ”Anda Imik Neyung adya eleklesilaʾ ab, heknedya anak meka mololenggelaʾ ab, ella ulusom dara, anja alak molowanasom dara, alja dib embengaʾ unaʾ mek era eleganenggeso,” hyok.

YOHANES 4:14

nadya elegeisinya mek enyek delenya bera, eimik saaboka mek ok ubnenggunumla. Bok saaboka, nadya elegeisinya mek ek dara, alja nong lomok sam ara sob-sobaʾ yabalmorulamla mek anaso dangoka, dib embengaʾ ulmoubnaʾ eleganamla,” hyok.

YOHANES 7:37

Yahudi nang edya perob sum sidyaʾ longob dakamek sum enyek, Yesus ara sekoka bii aboka yuba nauba lelemokja, ”Heknedya mek ok ublya dara, or nak an del youlul.

ROMA 4:12

Anya, hnonda nimi bolaʾ gararob nang, nunjaʾ neyung youmaʾanya Abraham, alda anam bolaʾ garawanggom danyek mouruwoka, alja dib senemok ganya soʾ enyek, dililda doboka dib senelemak nang emba hnon, sikjaʾ neyung be dok.

2 TESALONIKA 1:8

dara alda imik ab uk bokaʾ nang penya yeiniboka, nimi nidyaʾ Imik Neyung yuba ganya dibla henggonggom uboka, Imik Neyung adya perob lero yanggan yuba lelesilaʾ sunuwoka unggulumak nim ek ara, obnesil.

YAKOBUS 2:13

Anasa wera, Imik Neyung ara nim angoo yadyek senen ganya orok bok yana lelelemak nang ek, albabya angoo yadyek senenaʾ loboka yana lelewanesil. Angoo yadyek senewoka arasinaʾ ara hyak migib nong ak ululabok, nimi yana lelenaʾ ak dara, or mek so ak ulumla.

YAKOBUS 3:6

Silyum anaba, uka desin heikek ulumla. Nunjaʾ nong ok ara, silyum adya nong me nidyaʾ malya damoka doluwoka boklamla. Bisaʾ heikek ab uk edya, nunjaʾ nong unaʾ nidyaʾ ara uka dinilesil.

WAHYU 19:20

Dara ban yu nongaʾ ab, anyeb neikaʾ dara sonda leboka gamyakaʾ hogung ak yok-yok damoka memelemoknya beb, henga goubsuk. Ban sonda lelemoknya bera, beknaʾ dibaʾ yok so damok unulumokaʾ adya, sikda gamyakaʾ adya beknaʾ doboka, aljaʾ sunumnaʾ ak giblemek nang ek bob nenesuknya. Wera sik penya danera, gasaʾ adya sobaʾ singilamlaʾ uk mek gwanek, embengaʾ somobdaboka obsuk.

WAHYU 20:15

Dara, nimi nidyaʾ sikja si, nimi embengaʾ un buku lomok sam momnya donaʾ orok nim era, ban sobaʾ singilamlaʾ uk mek gwanek sam doboka doronggousukaʾ ak eibsa.

WAHYU 22:1

Wera onoʾ lero enedya nak nim embengaʾ eleklesil mek era, Imik Neyung ab, domba me ab, sikja bunaʾ ekla ek ab, goboka, eleb-alab arobaʾ ak yabalamok mek enyek, nak aawanyok.