LUKAS 13:33 - PERJANJIAN BARU NALCA YUBA

³³ Ban obnamna hel bok, youmaʾ ununumnaʾ lelemek nang era, Yerusalem heikek beiyek ab hnon osinaʾ orok bok anasa, nara sum enyeb, ampum ab, amja sum eb dara pika yabalemnamna,” hyok.

LUKAS 13:33 ပူးပေါင်းရင်းမြစ်များ

MATIUS 20:18

”Ugunda keblulum! Nunda wenera Yerusalem heikek balamab. Wera Yerusalem heikek ab dara, nimi dibaʾ me nera Imik Neyung yuba wa gakaʾ dub nang ek hnon, yuba neksin nang ek hnon, doboka eleganamak. Dara alak obnok aboka yuba sabnemak.

MATIUS 21:11

Dara, Yesus balamokaʾ amba nimi nauba neikaʾ balamek nim edya, ”Alda ununumnaʾ lelelanya, Yesus ara an, alda Galilea sokok Nazaret heikek abnya bera an,” wenyalamek.

LUKAS 9:53

Bok Yesus ara laga Yerusalem heikek balamokaʾ anyek eiyiboka, heik enyegan nim edya dara, Yesus ak nunjaʾ heikek yalom aboka dobnenggumek.

YOHANES 11:54

Anasa, Yesus ara Yahudi nang gangganek nimi hnoum uru yabanaʾ loboka, alda Yudea sokok loboka, holaʾ seknaʾ orok sokok berem Efraim heikek biniboka, alak diriga ban nang eb neikaʾ ulumek.

YOHANES 11:9

Wenhyek bok, Yesus adya saaboka lebokja, ”Li hnonok dara, dilinaʾ ara obadya jam ulumla do? Wera anasa, ben hnon ara sokok dan dilinaʾ ulumlaʾ anyek, yubyek pe keeboka yabalamla dara, wera girik oluka diknenggunumla.

YOHANES 12:35

Dara, Yesus adya sikenek, ”Mek anam ok dilinaʾ ara ugun gangganek ulumnamla. Anasa, gunaʾ adya ugunuk anam siklewanggusil salek, dilinaʾ or ulumla wenyek, or yabalalulum. Heknedya gunaʾ ak or anam yabalelanya bera, pik okoka binimnaʾ ara elgom ulumla.

YOHANES 4:34

Dara Yesus sikenek, ”Nadya denaʾ era, nadyaʾ neyung, nak bokol yeilinyoknya bedya, alja senelamla anyek, unululul senelamlaʾ hnon, nak welelulaʾ aboka lenyok wa hnon, senenenya loboka welemna dara, wera nadya denaʾ era alan,” hyok.

YOHANES 9:4

Gunaʾ yanamla salek era wa webnamenggom anasa, yubyek dilinaʾ ubla salek ok, na bokol yeilinyoknya bedya wa era yeiriwoka welemnemab.

RASUL 10:38

Imik Neyung adya Nazaret mok ebnya Yesus ak sekiyiwoka alak Geisinya ab, migib ununaʾ ab, alak elegemok ara ugunda seleb ella ululum. Dara onoʾ, onya Yesus bera Imik Neyung migib alak gologomokaʾ adya, alda yokok sam yokok sam perob ok unuro yabalamok. Dara, al neiknya bera nimi nidyaʾ bisaʾ gologesin nang merellilisuk ara, ugunda seleb ella ululum,” hyok.

RASUL 13:27

Anasa, Yerusalem heik ulumek nim eb, sikja dub nang eb dara, Yesus ara nimi blebsinaʾ dubnya senen ganya bobnenggumek. Sikda ununumnaʾ lelemek nang edya Sabat mem sum sikenek einilisik yub era, wera Yesus ak henga geregoka obek dara, ban unulumekaʾ nong adya, wera anadya ununumnaʾ lelemek nang edya lelemek yub era dib gigimok.