LUKAS 13:28 - PERJANJIAN BARU NALCA YUBA

²⁸ ”Wera ugunda Abraham beb, Ishak beb, Yakub beb, nidyaʾ ununumnaʾ lelemek nang eb, neikaʾ hiboka Imik Neyung wenesin heikek sam eiya hlaboka denaʾ delemnemakaʾ ak eibnelum bok, ugunuk dara, seleb yakasilyaʾ anasa, ugunda engewoka nauba glengdaralemnelum!

LUKAS 13:28 ပူးပေါင်းရင်းမြစ်များ

MATIUS 13:42

Wera sikda nidyaʾ henga gouboka uk bokaʾ ok delmorulamla ukuk sam sikinek uka dabnesil dara, sikda nidyaʾ ara engewoka si glengdarreb aboka gweklemnemak.

MATIUS 13:50

Dara, malya ulumak nim era, sarangnaʾ orok uk hinek sam doboka boboganasak. Dara anyagan malya ulumak nim era, nauba engewoka si glengdarreb aboka gweklemnemak,” hyok.

MATIUS 22:13

Dara dubnya bedya alja wa wenaʾ nang ek, Wera ugunda ban benyek alja yana soruka henga gouboka hyak gunaʾ nong ulumla ak sam bologol binilum. Dara alda anyaganyeb nauba engewoka si glengdarreb aboka gweklemnamla,” ara Yesus adya wenyhusuk.

MATIUS 24:51

Yanamlakanya, wera ban malya uboka wa welelenya bera, malya uboka saboka obnamlakanya, sene bol nenenaʾ hwam nim hnoum boboganamla. Dara, malya unaʾ nim eb neikaʾ engewoka si glengdarreb aboka nauba gweklemnemak,” aboka Yesus adya wenyhusuk.

MATIUS 25:30

Anya ban meilinya bera gunaʾ ak sam doboka bobogolulum. Dara an unu boboganamlaʾ ak ara, nauba engewoka si glengdarreb aboka gweklemnamla! wenyamok,” hyok.

LUKAS 10:15

Alda Kapernaum heik o, anak dara, im nongok eini nenewananel senelelam de? Orok! Alda anda gobdo somoknaʾ nim heikek boboganenggel!” hyok.

LUKAS 14:15

Ban salek neikaʾ delemeknya bedya Yesus adya wenyaro lelemok yuba keboka, lebokja, ”Imik Neyung adya wenelemnesilaʾ ak ara, neikaʾ bukoka denelanya benyek, pe ulumla,” hyok.

LUKAS 16:23

Dubnya bera nimi somoknaʾ nang heikek sam hyak nauba gweklemok. Banyagan anyeb imik sam kemel weininglemok enyek, Abraham bera hyak mok sam ulumok dara, Lazarus bera Abraham bedyaʾ eibukuk sam bulumokaʾ ak eiyimok.

2 TESALONIKA 1:5

Ban nong adya, anyaganyeb danyek, Imik Neyung ara alda hekaʾ huboka yana lelewoka beknaʾ dangalamla ara laga danamlaʾ ara, Ugunda Imik Neyung wenesin heik amba leboka nauba igina kweboka gweklelumaʾ anasa, wera ugunda aldib Imik Neyung wenesin heikek weknelum nimi beknaʾ laga ulumla.

2 PETRUS 1:11

Ban unu ulumunaʾ adya, eimik nunjaʾ Wenelesilnya uboka, nimi blebsinaʾ dubnya Yesus Kristus ululanya bera nuk aljaʾ perob heikek weknemabaʾ amba, or anaʾ gak eleganesil.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.

WAHYU 22:15

Bok nimi guma guklesak nang eb, gel salanaʾ hwam ok ulumak nang eb, nim dib olomak nim eb, bisaʾ girik gala giblemak nim eb, sondaʾ hwam ok lelemak nim eb, nera yuba sirik adya sondaʾ lelemak gom, sene bobnenewoka wanaʾ ulumak nim eb, ban nimi digum nidyaʾ ara, perob heikek ab weilik geboka ulumnemak,” hyok.