LUKAS 12:46 - PERJANJIAN BARU NALCA YUBA

⁴⁶ alja wa dubnya bera yanggunumla senelamla salek enyek goboka seknamla. Dara wa wenya benyek olomlyaʾ ara, Imik Neyung ak dib senewoka ganya oloknenggulumak nim ura osin onoʾ enyek, neik digum obnamla,” hyok.

LUKAS 12:46 ပူးပေါင်းရင်းမြစ်များ

MATIUS 24:50

wene salek, alja neyung ban salek enyek yanamlaʾ senewanggumlya salek enyek, yanamla.

MATIUS 24:51

Yanamlakanya, wera ban malya uboka wa welelenya bera, malya uboka saboka obnamlakanya, sene bol nenenaʾ hwam nim hnoum boboganamla. Dara, malya unaʾ nim eb neikaʾ engewoka si glengdarreb aboka nauba gweklemnemak,” aboka Yesus adya wenyhusuk.

LUKAS 12:40

Wera nimi dibaʾ me anaba sumen yanamla senenggululum salek enyek yanamlaʾ anasa, ugumbabya pe diri ulululum,” hyok.

LUKAS 12:45

”Bok wa pe welemnelam asonya benyek, alja ganya edya seiniwanasodya, Nadyaʾ neyung bera or eimik ek mandemlyaʾ ara yanamlaʾ anyaʾ, aboka yok wa wenaʾ nanga nidyaʾ oboka, denaʾ deregoka, yu meka deregoka serema salab menegoka ubnamso dara,

LUKAS 12:47

”Alja wa dubnya bedya ganya seininaʾ ara ella ululadyok, pe diri unaʾ loboka, alja lelemla sok pe sunuwoka wa wenggululanya bek hyak nauba legebnaʾ deboka obnamla.

WAHYU 16:15

Wera keblulum! Nara hokaʾ donya benesoʾ ak yanamna! Alda nong baneng yibinyaʾ adya, nimi hogung ak alya dabnelyek aboka dara, alda pe diri uboka, alja boksom pe keeboka bo ululanya bera, hyak pe ulumla.