LUKAS 12:45 - PERJANJIAN BARU NALCA YUBA

⁴⁵ ”Bok wa pe welemnelam asonya benyek, alja ganya edya seiniwanasodya, Nadyaʾ neyung bera or eimik ek mandemlyaʾ ara yanamlaʾ anyaʾ, aboka yok wa wenaʾ nanga nidyaʾ oboka, denaʾ deregoka, yu meka deregoka serema salab menegoka ubnamso dara,

LUKAS 12:45 ပူးပေါင်းရင်းမြစ်များ

MATIUS 22:6

Alda yok hnon nim edya dara, ban yuba bo bilimek nim ek saboka oboka hyak dibaʾ obek.

LUKAS 12:44

Wera anasa wa damnya bedya dara, alja bonaʾ nidyaʾ ara benyek nidyaʾ bo ulululom aboka eleganamla. Anyek dib lebsin,” hyok.

LUKAS 12:46

alja wa dubnya bera yanggunumla senelamla salek enyek goboka seknamla. Dara wa wenya benyek olomlyaʾ ara, Imik Neyung ak dib senewoka ganya oloknenggulumak nim ura osin onoʾ enyek, neik digum obnamla,” hyok.

LUKAS 21:34

”Ugunda nimi dibaʾ me yanamla sum era, ugunda masa nauba youboka deregoka, serema salalesil meka salyaʾ deregoka, sumen yanamlaʾ ara ugunda elgom anasa, ugunuk nong unaʾ enesa ganya seiniro ulumunukanya, wene salek yalyek anasa, pe kemero uldalalulum.

YOHANES 2:10

Dara, gela domoknya bek, ”Nimi gela domnaʾ nidyaʾ ara, gela donanya bedya dara, pero-pero meemna anggur mek enyek men beibnekanya, nimi yeilimna nimi nauba den dara, wera mek so memenanya nera, eimik beil yalamak. Bok, anak dara, perob anggur era beiblolamaʾ ara, wenyok ok seleb onoʾ beiblam,” hyok.

RASUL 2:18

Nadya wa wen nim, nengmab ab, gelewa ab, ban sum enyek, nadya geisa ganya era sikenek yeklingganesin. Sikda ununumnaʾ lelemnasak.

ROMA 16:18

Banaso nim era, nunjaʾ wenesinya, Kristus amba wenggulumak anasa, bok sikja mon emba weldalamak nim. Sikja yub sanaʾ edya hyak or senewanok aboka bugumaʾ saboka, sikja yub era pero makaʾ lelewoka, ganya pe ulumak nim ek wenyaboka sondaʾ lelemak.

2 KORINTUS 11:20

Ugunuk oruknaʾ nang nenelesak gom, ugunuk lobaʾ nenelesak gom, ugunuk ab duboka lolowoka bonaʾ dolomak gom, ugunuk mekaʾ neneiyiwoka, sikenek imik nenelemak gom, ugunuk hogunga wablasak gom dara, nuk or unulusinok senelelum.

1 TESALONIKA 5:7

Hogunga malamakaʾ ara, inimnek enyek malamak. Ganya uu alasil mek deregoka ulumak nim era inimnek unulumak.

2 PETRUS 2:13

Sikja meneng orowek igina nenebdangoka malya neneldalamakaʾ amba, sik nong ak igina kweboka nauba gweknemak. Sik nim en nong ak dara, sikja nonga ganya gigiwoka malya unaʾ ok laga yubyek hnoum enyek, unulumak dara, pewab senelemak. Anaso malya unaʾ anyek laga yok nimi ngouluklenabok ura yabalamak nim era, ugunub neikaʾ bukoka denaʾ delelum dara, sikja malya unaʾ hogung ok beiyi bulumakaʾ anyek, ugunda eiyiwoka dara duk lobnesom.

2 PETRUS 2:19

Ban malya uboka bobnenewoka neklesak nang edya dara, sikja malya ul eleklesak nim ek an, ugumba yok perob nimi dangoka ulumnelumaʾ amba or seknelum anaʾ eleganasab alasak bok, sik nong ak dara, sokok an nimi malya nenesinaʾ damok adya sikenek seleb henga goubsuk nang ek ulumakjok lelemak. Anasa nim ara yokaʾ-yokaʾ adya henga goublamla dara, wera bera henga goumnaʾ anadya wa wenya ulumla.

WAHYU 16:6

Dara sikda munaʾ Imik Neyung mab ab, ununumnaʾ len nang enenga seleb yek menegek anasa, anda wera sikbabya onoʾ eneng anyek deb eleganasilim. Ban enenga denaʾ ara sikinek dara, hyak domdigum nong!” globoka wenyaboka lebok.

WAHYU 18:24

Anasa ban Babel heikek igina kweiyiwokaʾ ara, an heik lom enyek anera, ununumnaʾ len nang enenga ab, munaʾ Imik Neyung mab eneng ab, eibukaʾ anasa unuru obok. Dara, ban ok gom, alda soko dubuk an nidyaʾ obsuk nim eneng eneba, eibuk,” wenyaboka lebok.