LUKAS 12:33 - PERJANJIAN BARU NALCA YUBA

³³ Ugunja bonaʾ rupiah dekoka doboka, dobmun rupiah era, bonaʾ garan ulumak nim ek elegolulum. Ban unulumun dara, ugunja songa leboka blobnenggunumla rupiah beilinaʾ memelelum, nera imik heikek beillilesil bonaʾ dibaʾ ara an. Ban bonaʾ era hokaʾ donaʾ orok uboka, gereremaʾ denggunumla.

LUKAS 12:33 ပူးပေါင်းရင်းမြစ်များ

MATIUS 19:21

Danyek Yesus adya alak, ”Anda munaʾ pe ulumnamna aboka dara, anjaʾ ek biniboka, anjaʾ bonaʾ nidyaʾ ara rupiah amba beibnelam. Dara, anedya imik heikek perob bonaʾ dobnelamaʾ anasa, anjaʾ unu dobmen rupiah era bonaʾ garan ulumak nim ek eleganesilim. Unubgogowamen dara, anda nak or diriga yananelem!” hyok.

LUKAS 11:41

Ugunjaʾ lomok sam ululanya nenyek, bonaʾ garan nim ek elegosululum. Ban unuwomunaʾ adya, wera ugunsamba yokaʾ-yokaʾ nidyaʾ geisa danasil.

LUKAS 12:21

Anasa, Imik Neyung adya perob senelamlaʾ duboka unuwonun senenaʾ loboka, nimi ganya adya ok seiniwoka duboka nanokok bonaʾ dubnya donun senewoka yeirilemak nim era, sikenek anaso unuwanasil,” hyok.

LUKAS 16:9

Dara onoʾ Yesus adya hnon lebokaʾ ara, ”Ugunda pe keblulum! Sokok an bonaʾ era malya dalya sum era, ugunda pe embengaʾ ulumak heikek doro beibsululaʾ aboka, wera nadya hemyabo nauba donulul senewoka, sokok bonaʾ enyek doboka bololulum,” hyok.

LUKAS 18:22

Yesus ara ban nenyek kebok dara, alja lebnemokaʾ ara, ”Hyak hnonok anam or anaso unuwanalamaʾ ara, anja bonaʾ nidyaʾ ara dekoka rupiah dobmen dara, rupiah era bonaʾ garan ulumak nim ek boknesilim. Dara anda imik heikek ulumla bonaʾ enyek dobnelam. Ban unubgogowamen dara, anda nak diriga yananelem,” hyok.

YOHANES 12:6

Yudas bedya wenhyoknya nera, alja bonaʾ garan nim enyek, wanaʾ uboka elegosununaʾ aboka lebnenggumok. Alda Yesus yuba doro diriga ban nanga rupiah beilinaʾ ara alja bo uboka, hnon hokaʾ doboka delemoknya nenesa lemok.

RASUL 2:45

Sikja yok-yok bonaʾ bolomek ara, rupiah dekoka dobna dara, nara anyek dobsinya senemna sok ellaʾ gigiro pe lelewoka bokol dalamek.

2 KORINTUS 8:2

Sikenek hyak yok-yok senenggom igina kwelesukaʾ anaba, sikda nauba ei-ei ganya boboka heknaʾ ganya uboka, sikda hyak bonaʾ garan ulumekjok, yok nim ek nauba arawanamab senen ganya bolomek.