LUKAS 12:32 - PERJANJIAN BARU NALCA YUBA

³² ”Ugun ululum nim era dumunga mekaʾ me bok anasa, ugunda lok ganya bonaʾ ara mem! Imik Neyung ara alja wenelemnesilnya nenyek, ugunjinya danasil.

LUKAS 12:32 ပူးပေါင်းရင်းမြစ်များ

MATIUS 14:27

Bok Yesus adya danyek, ”Nara Yesus ak anasa, ugunda ganya gwelelek hululum. Ugunda lok ganya bonenggom, mem!” hyok.

MATIUS 20:16

Dara onoʾ Yesus adya, ”Anasonya neikek, eimik ulumak nim era mengewoka, onoʾ mengewoka ulumak nim era, eimik dangoka ubnemak,” hyok.

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

MATIUS 7:15

”Sene sondaʾ anasa nunda ununumnaʾ lelemab nang aboka leldalamak nang ek ugunda keeboka ulululum. Sik nong ak dara, yu bei gam anasoʾ ak ulumakjok, ugunuk an domba hogunga beiyi yalamak.

LUKAS 10:21

Dara ban neik salek Yesus anaba, alda ei-ei ganya bomokaʾ ara, Imik Neyung Geisinya adya deknemokaʾ adya umok. Anasa Yesus adya dara, ”Neyung, Wenelesilimnya o, anda soko ab im ab dubnya ululam! Nara anak perob aboka gibgenaʾ ara, ban nidyaʾ unulusilimaʾ ara, geremseng nang eb, yokaʾ-yokaʾ ella danganaʾ dolomak nim ek ara gunuweisinjok, alda mek so nim ek anyek laga nekoka amalesilimaʾ anasa gibgen. Ban unululamaʾ ara, anja ganya adya uboka, perob senelelamaʾ anasa perob,” hyok.

YOHANES 18:36

Anasa, Yesus adya lebokaʾ ara, ”Nadya dub unaʾ danenelaʾ ara sokok anyebnya gomaʾ. Nadya heik era dub unaʾ danenel an ulumso dara, wera nadya mab edya Yahudi dub nang ek henga geregoka bo banggom aboka nak blebneneseng. Bok ununenaʾ orok ara, nadya dub unaʾ danenel era sokok an unggulumla adya umla,” hyok.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

RASUL 20:29

Nak anyaganyeb ara bannya dara, yu nong bei gam anyek ugun gangganek yanamak. Dara, ugunja bo ulumun nang era, bei gam danadya sikja digin dibaʾ denaʾ danamak ara, ella ulumna.

ROMA 6:23

Malya unaʾ adya deknaʾ ara, somoknaʾ damok ak ulumla, bok Imik Neyung adya perob eleknaʾ era, nunja Wenelesilnya Kristus Yesus lomok ulumla embengaʾ ulmoubnaʾ unaʾ ak ulumla.

1 KORINTUS 1:21

Imik Neyung nidyaʾ ella ulumlaʾ adya, nimi soko nim era hyak yokaʾ-yokaʾ nauba ellaʾ anaba, sikja ella unaʾ edya dara, nak ella danggunuseng senemookanya, nunja lero yabalamab yub era, nim adya malya yuba senelemak bok, ban adya nak dib senelemak nim era, blebnesin senewoka perob senemok.

PILIPI 2:13

Nenesa leboka Imik Neyung adya, alja ganya ek hekel eleklenenokaʾ aboka ugunja ganya lomok sam weboka, unuweisinya ganya hnon, unuwanokaʾ aboka migiba hnon eleklesil.

2 TESALONIKA 1:11

Ban nenesa leboka, ugunuk anaso unuwousululaʾ aboka, nunda ugunsamba sobaʾ heng uboka mololesab. Nunja ugunsamba heng uboka mololesabnya nera, ugun nong anyek Imik Neyung adya ugunuk youbosukaʾ anasa, anaso unu ubseng senelelanya nenyek, gigiwoka pe ululumaʾ aboka mololesab. Anasa wera, Imik Neyung adya ugunuk aralesilyaʾ adya, ugunja Kristus ak dib senemoub aboka welelum wa nidyaʾ ara, pe unulumunaʾ adya pebgiga balalulaʾ aboka, Imik Neyung migib adya ugunuk sam ak dara, alja senelamla sok gigiwoka unulusulul.

2 TESALONIKA 1:5

Ban nong adya, anyaganyeb danyek, Imik Neyung ara alda hekaʾ huboka yana lelewoka beknaʾ dangalamla ara laga danamlaʾ ara, Ugunda Imik Neyung wenesin heik amba leboka nauba igina kweboka gweklelumaʾ anasa, wera ugunda aldib Imik Neyung wenesin heikek weknelum nimi beknaʾ laga ulumla.

IBRANI 12:28

Wera anasa, nuk dara borom-borom henggunumla heik mok soko ek dolomab. An nenesa leboka, nunda Imik Neyung ak perob aboka giboka, nunda alak perob senewanalenya nedya, alak imik geboka hyak lok uboka giblenob.

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

2 PETRUS 1:11

Ban unu ulumunaʾ adya, eimik nunjaʾ Wenelesilnya uboka, nimi blebsinaʾ dubnya Yesus Kristus ululanya bera nuk aljaʾ perob heikek weknemabaʾ amba, or anaʾ gak eleganesil.

WAHYU 1:6

anya onoʾ alja dara, wenewoka bo un nang, yuba wa gak nang, gebsuk. Dara, ban Yesus Kristus enyek, hyak imik nenewoka, onoʾ alak hnonok senenggom dubnya migibaʾ sob-sobaʾ ulusulul. Amin.

WAHYU 22:5

Anya anyegeinira, gunaʾ ara hyak mekaʾ unaʾ orok uboka, Wenelesilnya Imik Neyung anyek, alak dilinaʾ uboka, sikenek yeblemnesilaʾ adya, sikda uk dilinaʾ yebnaʾ ab, heng dilinaʾ ab dara, lobnemak. Dara, sikda dub nang dangoka mok soko me nidyaʾ wenewoka hyak sobaʾ amba bo ulumnesak.