LUKAS 11:39 - PERJANJIAN BARU NALCA YUBA

³⁹ Anasa wera, Wenelesilnya bedya benyek an, ”Ugun Parisi nang era sob unululumaʾ ara, yangawoka denaʾ ab, belaʾ ab dara, or eilibek ok mek eleklelum bok, ugunjaʾ nong lomok ak dara, nauba dobsinya ganya ab, malya unaʾ ab dadya ok deknewoka ulusil.

LUKAS 11:39 ပူးပေါင်းရင်းမြစ်များ

MATIUS 15:19

Anasa nimi ganya lomok ab malya unaʾ ganya ara lanalamla, anadya wera nim olomak, gela salalemak, gel ganya ok deknewoka ulumak, hokaʾ dolomak, nimi derewoka waboka sondaʾ amba besa leboka nimi malya nenelemak.

MATIUS 7:15

”Sene sondaʾ anasa nunda ununumnaʾ lelemab nang aboka leldalamak nang ek ugunda keeboka ulululum. Sik nong ak dara, yu bei gam anasoʾ ak ulumakjok, ugunuk an domba hogunga beiyi yalamak.

LUKAS 16:15

Bok Yesus adya sikenek lebsukaʾ ara, ”Ugunda nimi hnoum ara, pe ulumak nang de senen dangalalum bok, ugunja ganya lomok ara, Imik Neyung adya ok ella ulusil. Nim adya hnon perob senelemaknya nera, Imik Neyung adya dara, hyak lek senelamla.

LUKAS 7:13

Wera Yesus ara me dam gel genyek eibuk dara, hyak angoo yadyek senewookanya alak lebokja, Genong o, anda engenaʾ ara mem!

LUKAS 7:19

Dara Yohanes Pembaptis bera alja mabo penya nang ek yoururum aboka, sikda Yesus ak heil binirum aboka lebsukja, ”Neyung o, anda eimik yanamla hyoknya ben gom, nunda yoknya bek diri ulumnemab gom?” aboka hei yanarum aboka orugosuk.

YOHANES 12:6

Yudas bedya wenhyoknya nera, alja bonaʾ garan nim enyek, wanaʾ uboka elegosununaʾ aboka lebnenggumok. Alda Yesus yuba doro diriga ban nanga rupiah beilinaʾ ara alja bo uboka, hnon hokaʾ doboka delemoknya nenesa lemok.

YOHANES 13:2

Yesus ab, alja yuba don nang eb, inimokaʾ anasa delemek. Iblis adya, Simon bedya me Yudas Iskariot bek, Yesus bek yuba dil bululaʾ aboka, ganyek seleb orugomok.

RASUL 5:3

Dara, Petrus bedya Ananias bek, ”Anda ganya ek bisaʾ dubnya Satan weklul aboka, globol lolamakanya, anja soko dekelam rupiah era darasam era ansamba dolamaakanya, Geisinya bek sondaʾ lelelam ara hekasa ulam do?

GALATIA 1:14

Nadyaʾ hemyabo neikibok nemouba nang era, mek so bok, nak dara, Yahudi yub ek sam ara nauba yeiriwoka doboka onoʾ unulamsa, anya nadya neyung yabo youmaʾ nang edya unulumekaʾ ara, nara hyak yeng ganya boboka unulamsa.

2 TIMOTIUS 3:5

Nim adya eilin dara, sikda yuba doboka pe unulumak nimi senen bok, sikda ganya migib dibaʾ ak dogom aboka lolomak. Ban unulumak nim enyek ara, anda mok nenebdangoka ululom.

TITUS 1:15

Nimi ganya geisa ulumak nim ek dara, yokaʾ-yokaʾ nidyaʾ ara geisa deng ok ulumla. Bok nimi yuba okoka ganya goluwoka donaʾ loboka, ganya sembejaʾ adya ok goluwoka ulumak nim era, sikja sobaʾ seininaʾ ab, sikja mek ganya seininaʾ ak ara, seleb sembejaʾ ok dokaʾ anasa, geisa unaʾ ara mekaʾ me anaba unggulusil!

YAKOBUS 4:8

Ugunda Imik Neyung berem bumun dara, alda ugun berem yanasil. Ugunda malya unaʾ nim o, ugunja soruk era pe mek elekdolulum! Ugunda ganya penya-penya ululum nim o, ugunja ganya enyek geisa nenebdolulum!