LUKAS 10:9 - PERJANJIAN BARU NALCA YUBA

⁹ Dara heik enyek an, nimi neiknaʾ nimi or hwebnelum, hnonda Imik Neyung adya eimik ugun gangganek sam wenelemnesilaʾ ara oka yal aro leb eleganesulum.

LUKAS 10:9 ပူးပေါင်းရင်းမြစ်များ

MATIUS 3:2

Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok.

MATIUS 4:17

Wera ban sum enyek moruwoka, Yesus ara Imik Neyung yub ara lero lelemokja, ”Imik Neyung adya, wera wenewanasil salek oka dalaʾ anasa, ugunda malya unaʾ ak ab loboka ganya dangawolulum!” aro lelemok.

MARKUS 4:30

Dara, hnon heibsukaʾ ara, ”Imik Neyung adya wenelemnesilaʾ ara, hekaʾ ak neik digum sunuwanesibya do?” Anya, ”Hek sununaʾ ek sunuwoka neknesibya do?

MARKUS 6:13

Dara, bisaʾ nauba yakoka, neiklenanya ngiknaʾ mek adya ngikoka, nim era merelilisik.

LUKAS 10:10

Bok ugunda yok heikek yanalum enyek, heik en nim edya ugunuk perobaʾ leboka dobnenggunusak dara, ugunda pikek sam sekel yibiniboka lebnelumja,

LUKAS 10:11

Ugunja heikek ab nunjaʾ yan ak sam oumesilya blesa era ugunuk beknaʾ dibaʾ hab lobsab. Bok ugunuk dara, wera Imik Neyung adya ugun gangganek sam wenelemnesilaʾ anyek oka yalamla anyek ella danalum, henelum.

LUKAS 9:2

Dara, Yesus ara sikenek, Ugunda nimi hweboka, hnonda Imik Neyung adya hekaʾ huboka wenelemnesilaʾ anyek lero yabalamnelum, aboka lebsuk.

YOHANES 3:3

Dara, Yesus adya Nikodemus bek, ”Nara anak dib lebgen, Nimi ben hnon penya beilinaʾ anam orok dara, alda Imik Neyung wenesin heikek sam ara mekaʾ eibnenggunumla,” hyok.

YOHANES 3:5

Dara onoʾ Yesus adya, ”Nara hyak dib lebgen, nimi be hnon alda mek adya hnon, Geisinya adya hnon, beilinaʾ orok dara, alda Imik Neyung bedya wenesin heikek weknenggunumla.

RASUL 28:28

Paulus ban lemookanya onoʾ lemok ara, ”Anasa wera, ban ak ella danalum. Imik Neyung adya nimi blebsinaʾ damok yub anyek, yok soko nang ek sikenek leb elegeisinok aboka seleb orugosuk. Dara, sikda ban yuba kebnamak,” hyok.

RASUL 28:31

Dara, yokaʾ-yokaʾ adya Paulus bek igina kwelinaʾ orokaʾ anyek, al nong ara asaʾ ganya boboka, Imik Neyung adya senenggom wenesinaʾ yub ab, Wenelesilnya Yesus Kristus amba yub ab, dara anyaʾ aboka geklewoka lelesuk.