LUKAS 10:7 - PERJANJIAN BARU NALCA YUBA

⁷ Ugunda ban hnonok ek ok ulumnelum. Wa welemna nim era deknaʾ doboka delemakaʾ anasa, ugun ulumun ek anya denaʾ beibnesak dara, doboka delelulum. Yok-yok e pik salyaʾ welem-welem aro yabanaʾ ara mem.

LUKAS 10:7 ပူးပေါင်းရင်းမြစ်များ

MARKUS 6:10

Anya hnon lebokaʾ ara, ”Ugunda yok mok bumun dara, wera al hnonok ek ok ulumunaʾ ara, yokok binilum sum ok, ulumun ek ab lo yibinelum.

LUKAS 10:6

E nenyek anara, e damnya bedya ugunub ganya hekoka ulumnemab senewanamla dara, ugunja perob aboka gibnelumnya nera alak sobaʾ ulumnamla, bok orok dara, ugunja hekoka gibmunya nera onsok ugun damnya yanesil.

LUKAS 9:4

Dara anyagan nublaboka neikaʾ ulumnemab henesak ek an ulumunaʾ ara, wera onoʾ e nenyek anyebaʾ ara binilum.

RASUL 16:15

Wera dara, Lidia geb alja ek nimi nidyaʾ meka dasik. Seleb Lidia gera meka dabgogomek dara, alda nuk nadya ek sam yanalum aboka e bilisuk. ”Hem yab o, ugunja nak alda Imik Neyung pik uboka Yesus ak dib domla senemun dara, wera ugunda nadya ek sam mabnelum,” aboka e bilisuk. Dara, alja nadya pe keboka unuwanok, lobijek senewoka dukaʾ lolom-lolom asukaʾ adya, yo amouba.

RASUL 16:34

Wera nimi henga gereksinaʾ dubnya bera Paulus beb, Silas beb, alja ek sam eboka bo biniboka denaʾ siksamba urusuk. Dara alab, alja ek nimi nidyaʾ Imik Neyung ak wen dib senewab senewoka, sikja ganya ak eiya dasuk.

RASUL 16:40

Paulus beb, Silas beb, sikda nimi henga lobsikaʾ seleb gobdek dara, Lidia gedya ek bilirek. Wera e nenyek an Imik Neyung yuba domek nim ek sam, pe ululum aboka wenewoka ganya hekiyiwesirik seleb dara, Paulus Silas ara lanawoka birik.

GALATIA 6:6

Nim Imik Neyung yuba dololanya bedya, alja yokaʾ-yokaʾ perobaʾ ulumlaʾ nidyaʾ ara, alak yuba neklelanya bek bokoka hnon eleklelul.

1 TIMOTIUS 5:13

Onoʾ hnonda nenyek ok gom, alda hnonda neikaʾ ak uldabnaʾ loboka, nim edya ek sam wele goluga unaʾ anasa, loblom. Hyak nauba omomaʾ loksonya nera, yuba miniwoka bol giriknaʾ hnon, yub era sabnenggom yuba bok, meka lelewoka len yuba hnon, yok nim ek bera unulamla aboka salyaʾ hmouna doboka sal giriknaʾ yuba hnon lelemak. Sikenek nera ugunja unuwanalum anaʾ orok wa bok, sikjok salyaʾ welemak.

2 TIMOTIUS 2:6

Dara onoʾ hnonda, nimi wa ara men nonogoka weboka menanya benyek, masa ara nonga ubna dara, alak men boboka delemla.