LUKAS 1:35 - PERJANJIAN BARU NALCA YUBA

³⁵ Wenyek lero enedya saaboka, ”Imik Neyung Geisinya ara an nong ak yanamlakanya, Imik Neyung hyak imik migibaʾ ululanya bedya migib era anak golul yanenggel. Anesemba, anja eimik beibnelam me nera, alda Imik Neyung bedyaʾ geisa me alamnemak.

LUKAS 1:35 ပူးပေါင်းရင်းမြစ်များ

MATIUS 1:18

Yesus Kristus beibukaʾ ara ban unuwoka beibuk. Yesus alja genong Maria gera, Yusuf bedya molob lomok. Sikda anam dobdanggurek salek, Maria gera Geisinya adya me bobok.

MATIUS 1:20

Yusuf bera wen senewoka anam unu seinibgiga balamok salek, alda lendara mabok. Wera lendara pik uboka, Imik Neyung lero adya alak, ”Anda Yusuf Daud nang yilaʾanya o, Maria gedyaʾ mon lomok sam mamla me nera Imik Neyung Geisinya adya me bomlaʾ anasa, dobdanarumaʾ ak, lok ganya bonggom, mem.

MATIUS 14:33

Dara Yesus adya yuba doro diriga ban nang edya, Yesus ak giblemek. Anya lebekaʾ ara, ”Wenelesilimnya o, anda aldib Imik Neyung bedya me ululam!” hyek.

MATIUS 27:54

Dara yin bonaʾ nang dubnya beb, alja mab eb dara, sogoumaʾ warawokaʾ nidyaʾ unuru yibokaʾ ak eibek dara, hyak loka dabsuk. Anasa yin bonaʾ dubnya bedya, ”Aldib ban benera Imik Neyung bedya me ulumo e!” hyok.

MATIUS 4:3

Dara Iblis adya Yesus ak yeiniboka, ”Anda Imik Neyung me ulumen dara, banyan girik danyek gwanenga nenewanelam,” hyok.

MARKUS 1:1

Imik Neyung bedya me Yesus Kristus amba perob lero yanggan yuba men leb einiwok yub era ban.

MARKUS 1:24

”Wei, Yesus Nazaretnya o, nuk hekaʾ hubdanamabaʾ anasa yeililam do? Anda nuk obsununaʾ aboka yeililam de? Anda heknya ululamaʾ ara, nara ella ulunggen; anda Imik Neyung bek ab geisa nongaʾ ak bokol yeilinjoknya bek ululam!” aboka lelemok.

LUKAS 1:27

Dara nenya mekaʾ salanaʾ orok gel, goubenenya be hnon, Yusuf alameknya, alda Daud nang yilaʾ ak abnya bedya molob lomok gel, alja si nera Maria gek, alak binilam aboka orugok.

LUKAS 1:34

Bok Maria gedya lero enyek an, ”Nara nenya adya hnon mekaʾ salanenaʾ orok bok anasa, ban leblamnya nera har so huboka nak ara dib danamla do?” hyok.

LUKAS 1:36

Anya hnonda an dogol Elisabet gera, albabya yamen dib me bobnamlakanya, nengma ak beibnamla. Anya me you gel aboka silimaknya nera, wera alsamba dara, seleb walaʾ hnabnya mabla.

YOHANES 1:34

Dara, ban eiyimsakanya, ban benera, Imik Neyung alja me ulumlaʾ ara alan aboka laga lelesin,” hyok.

YOHANES 1:49

Dara, Natanael bedya, ”Rabi o, anda Imik Neyung me ululam, anda Israeli nang edya senenggom dubnya ululam,” hyok.

YOHANES 20:31

Bok, ban nidyaʾ anyagan momnya dorobnya nera, ugunja Yesus ara aldib Kristus nimi blebsinaʾ dubnya uboka, Imik Neyung me dibaʾ senewoka seiniwolulumaʾ aboka, dara alak dib senelemunaʾ adya, alja si nenesa leboka, ugunda embengaʾ unaʾ dibaʾ dobnelum aboka, ban yub era momnya dorob.

RASUL 8:36

Wera sik penya dara, pikik anam balareekanya, wera meka ulumokaʾ ak sam yok sam birik. Dara, Etiopianya bedya, ”Wera, mek ara an ulumla anyek kendelom. Anasa wera, nak ara hekaʾ mekso ulunel anasa, meka danenaʾ ara lobnenelem do?” hyok.

ROMA 1:4

bok Geisinya bedya geisa migib enedya, alja somoknaʾ gangganek ab suboka embengaʾ bukuk anyeb, alda Imik Neyung me hyak migibnya, nunjaʾ neyung Wenelesilnya, Yesus Kristus ulumlaʾ laga nenebdokaʾ ara an.

GALATIA 2:20

Dara, nadyaʾ youmaʾ ulusenya nek dara, anam embengaʾ unggulumna bok, Kristus anyek nadyaʾ nong lomok wen ulunel. Wera nadya wen embengaʾ ulumna nong enera, Imik Neyung bedya me nek dib senenaʾ adya embengaʾ ulumna. Alda nak wanaʾ uboka, al nonga nasamba somoganyoknya bek dib senewoka embengaʾ ulumna.

EPESUS 2:3

Nunda nidyaʾ anaba, youmaʾ dara, bleklemak nimi gangganek uboka, malya unaʾ hwam ok uboka, nunja ganya adya hnon, nong adya unuwonun senemnaʾ ok perob daso senewoka nenyek ok unulumouba. Dara, ban unulumoubaʾ adya, nunda yok nim ulumek sok, Imik Neyung adya yu ganya boboka obnesusoʾ ak sam ulumouba.

IBRANI 4:15

Nunja senenggom yuba wa gakaʾ dubnya bera, alda nuk an igina kweboka malya nenelesilaʾ ara, alda elgom uboka, alba ununaʾ oroknya bek unggulumla. Bok, albabya numba ulusil sok, seleb bisaʾ adya sunubyaawoka uboknya bok, alda malya unaʾ ak hnonok mekaʾ oroknya bek ulumla!