KOLOSE 4:6 - PERJANJIAN BARU NALCA YUBA

⁶ Ugunja yuba sabnelumaʾ anaba, wanaʾ un yub ok namen lebnalum bok, onoʾ angawom anaʾ dibaʾ gasa sonya hnon salalulum. Anedya yok nimi nidyaʾ ak yuba sabdanalum dara, hekaʾ uboka saawoka sabnamna senewoka ella ubnalum.

KOLOSE 4:6 ပူးပေါင်းရင်းမြစ်များ

MATIUS 5:13

”Ugun nong ak dara, sokok garam ululum! Garam ara angawom anaʾ anyek denghen dara, onsok saaboka angawom henemso de? Perob gom anasa, nim adya bobogoka yan ingib sabneseng.”

MARKUS 9:50

Garam ara perob bok, angawom anaʾ denghenemso dara, ugunda hekaʾ adya saaboka angawom anaʾ gebnesom do? Anasa ugunda yok nang eb neikaʾ pe kwebdangoka ulumnamab aboka dara, garam angawom anaʾ anyek ugunja ganya lomok ululul,” wenyaboka lebok.

LUKAS 4:22

Anya nimi nidyaʾ ara alak pe lelemla senemeekanya, alja lero balamok yub enyek hyak perobja senewoka, ganya salya ura lelelanya senemek. Anasa sikja lelemekaʾ ara, ”Benera Yusuf bedya me bok lelelaba,” abdangdo yabalamek.

EPESUS 4:29

Ugunda yuba sabnemun dara, malya yub enyek geregoka salyaʾ sanaʾ ara mem. Nimi perob yuba ok salamakaʾ adya, nimi kelemak nim era, perobaʾ dousululaʾ aboka, nimi keboka perob danamlya yub ok sunuwoka saldalalulum.

KOLOSE 3:16

Wera Kristus adya yub enyek, ugunuk sobaʾ sounubgiga balasulul. Dara, yokaʾ-yokaʾ munaʾ gobdo geremsengaʾ adya, ugunda yok nang ek nekoka, wenebdangoka ulululum. Anya, mazmur ber adya hnon, yok giboka sebnaʾ ber edya hnon, yub donaʾ ak geklen ber edya hnon, ugunda Imik Neyung ak perob aboka bera danedya seboka giblelulum.

1 PETRUS 3:15

Bok ugunja ganya lomok ara, Kristus ara nunjaʾ Wenelesilnya ulusululaʾ aboka dibaʾ memaʾ nenewoululum. Ugunja Imik Neyung adya eimik era anyek eleganesilaʾ dobnemab senewoka diri ululumaʾ anyek, yok nim edya ugunuk heibnesak dara, nunda anasa ulumab aboka orowek seinibgoboka pe neknelum.