KOLOSE 4:3 - PERJANJIAN BARU NALCA YUBA

³ Imik Neyung ara nunja wenyaro yabalamabaʾ amba pika baklul aboka, nunsamba heng uboka mololosululum. Nunda ban Kristus an doknomokaʾ anyek, anesemba leboka na henga goubnyekaʾ anyek, wenyaro yabalemnemab anasa, mololosululum.

KOLOSE 4:3 ပူးပေါင်းရင်းမြစ်များ

MATIUS 13:11

Anasa Yesus adya sikenek ara, ”Ugunuk dara, Imik Neyung adya wenelemnesilaʾ damok ara, gunuwoka elegosukaʾ adya ella ululum bok, sikenek dara, eleganggom anasa lelemna.

RASUL 14:27

Wera Paulus beb, Barnabas beb dara, seleb Antiokhia heikek yarek dara, anyagan Imik Neyung yuba donaʾ nim eb neikaʾ ak mamagiyiwoka, Imik Neyung adya arawoka, sik pik uboka yok-yok heikek nidyaʾ perobaʾ unulumok anyek nekesirik. Dara onoʾ, Imik Neyung adya Yahudi gom nim eneba Imik Neyung ak dib senewoka dolomakaʾ ak hekaʾ huboka pika bakamokaʾ anyek nekesirik.

ROMA 16:25

Ugunuk migibaʾ gebsuukanya, perob lero yanggan yub nadya senenggomaʾ lero yabalamnaʾ ab, hyak gibnaʾ gong gelek loboka, gunuwoknya nenyek sunuwoka, wera Yesus Kristus yub an lero yabalamnaʾ ban nidyaʾ ara, or alsamba ok.

1 KORINTUS 4:1

Anasa nuk dara, wera Imik Neyung adya gegemokaʾ anyek, nuk elegosuk nim uboka, kristus ak arawoka welemak nang ulumak alasinok.

2 KORINTUS 2:12

Kristus adyaʾ perob lero yanggan yuba lebnunaʾ aboka, Troas heikek bisa dara, Imik Neyung adya wa nen weblulaʾ aboka seleb pika bak lobnyok salek,

EPESUS 3:1

Ban nenesa leboka, ugun Yahudi gom nim enyek, nara Paulus bera Kristus Yesus amba leboka gasa ek henga gouboka beibnyeknya bedya, ugunsamba mololesin.

EPESUS 3:3

Imik Neyung adyaʾ unuwanamna senewoka men doknomokaʾ ara, nak an seleb laga nenewoka eleganyok. Damok era, men eini sam mekaʾ momnya doboka beiyisinaʾ ara ella ublum.

EPESUS 3:4

Kristus adya blebsinaʾ damoka nidyaʾ doknomokaʾ ara, nadya ganya olowoka ella dasaʾ ara, ugumbabya anyek einiwanalum dara, ella danalum.

EPESUS 3:9

Yokaʾ-yokaʾ nidyaʾ ulumlaʾ uyimoknya Imik Neyung adya, alja unuwanamna senemokaʾ ara, youmaʾ ekaʾ mouruwoka doknomokaʾ ara, nak pik uboka eleganyokaʾ ara, nimi nidyaʾ ara Imik Neyung ara hekaʾ huboka alja wen unuwanamna senemokaʾ ara ella danamak aboka eleganyok.

EPESUS 4:1

Ban nenesa leboka, nara Paulus bedya, Imik Neyung amba leboka henga goubnyeknya bedya, ugunuk ara, Ugunja nong unaʾ era, Imik Neyung adya youbuka dobsuk nimi geknewaʾ ulululumaʾ aboka weneweisin.

PILIPI 1:19

Ugunja nasamba heng uboka mololenulumaʾ ab, Yesus Kristus Geisinya adya aralenelaʾ ab dadya, henga gouboka beibnyekaʾ anaba lobnenyakaʾ ella ulumnaʾ anasa, eiya dablemnenel.

PILIPI 1:7

Ugun nong anyek, nong unaʾ ak dara, mok-mok ulumab bok, ganya ak dara, na dam an sobaʾ neikaʾ ulumab senen ulumlaʾ anasa, wera ban nadya ganya enera wanoksodya unu seiniwanasisinyaʾ anaba gigiwoka ubnesinya. Anya hnonda Imik Neyung adya aljaʾ wanaʾ uboka eleksinaʾ era wen an nara gasa ek sam ulumna wenesa gom, loboka Imik Neyung adyaʾ perob lero yanggan yuba wa webnesinya danasa gom, alja wanaʾ uboka eleksinaʾ era ugun hnon, na hnon, neikaʾ doro beillilemabaʾ anasa, perob senewanasinya.

KOLOSE 1:26

Nara yuba lenya dasa ara, ban youmaʾ gibnaʾ gong ek ab ara mouruwoka, me mengewoka nang en lika nang en lika ubgiga yek ab mouruwoka gunuwoka doknomokaʾ anyek, lebnun aboka dangamsa. Bok wenera Imik Neyung adya alja munaʾ Imik Neyung mab ek ban doknomok ara, laga amalesil.

KOLOSE 4:18

Nara Paulus bedya gibsin. Ban gibsin yub era nadya soruk nong edya webemna. Nak henga goubnyekaʾ ara sobaʾ seinilinulum. Wanaʾ uboka eleksinaʾ ara, ugunuk ulusulul. Amin.

1 TESALONIKA 5:25

Na kabo nim o, nunsamba mololesululum.

2 TIMOTIUS 1:16

Bok, alda Onesiporus bedya ek nim edya danyek, alda nak ganya pe sangab elegoka ulunyok. Anasa, Wenelesilnya bedya, wera e nen nim ek angoo yadyek senewoka arawoka pe bo ulusulul. Nara henga gereksin ek an gereganyekaʾ anaba, Onesiporus bera henga geregek anasa, alya bar aboka, yokaʾ seiniwanggumok.

2 TIMOTIUS 2:9

Wera, al ban perob yub enyek lero yabalenanya nenesa, nara hyak yokaʾ-yokaʾ nauba igina kwelenel. Anya hyak hokaʾ donanya benesoʾ anyek, gasa henga gouboka beillilenyak bok, Imik Neyung yub ak dara, nim adya henga goubnamenggom ulumla.

2 TIMOTIUS 4:2

Anda Imik Neyung yub ara sobaʾ lel eleklelom. Perob salek gom, malya salek gom, sobaʾ meewoka ululom. Anda nimi ganya dangallilisilom, meilinya nera ban aboka wenelesilom, banyek unuwolulum aboka nimi ganya wekellilisilom. Anda hyak ganya kaboka siklewoka ulumenekanya, pe neklesilom.

PILEMON 1:22

Hnon ugunja nasamba mololenulumaʾ anyek, Imik Neyung adya keboka unuwanamlaʾ seleb ella ulumnaʾ anasa, na nong anyek doboka ugunuk sam bo yanelya sum era, anjaʾ ek sam mabnamnaʾ anasa, ekla hnon nasamba orowek meeb lonelomaʾ aboka molowagen.