KOLOSE 4:18 - PERJANJIAN BARU NALCA YUBA

¹⁸ Nara Paulus bedya gibsin. Ban gibsin yub era nadya soruk nong edya webemna. Nak henga goubnyekaʾ ara sobaʾ seinilinulum. Wanaʾ uboka eleksinaʾ ara, ugunuk ulusulul. Amin.

KOLOSE 4:18 ပူးပေါင်းရင်းမြစ်များ

ROMA 16:20

Ai, wera anasa, al Imik Neyung ganya nonga pe unaʾ damoknya bedya, men berra aboka, bisaʾ dubnya Satan ara ugunjaʾ yan damumduk soldob meneganamla e. Nunja Wenelesilnya Yesus adya wanaʾ uboka eleksinaʾ era ugunuk sobaʾ ulusulul!

ROMA 16:22

Nara ban momnya donaʾ dobnanya, Tertius bedya, ugunuk Wenelesilnya si sibuka perob aboka gibsin e.

ROMA 16:23

Nak hnon, yuba donaʾ nim ak hnon, aralesilnya Gayus bedya, ugunuk perob aboka gibisil. Moksoko amba rupiah beillililanya, Erastus bedya hnon, nunja hembe, Kwartus bedya hnon, ugunuk perob aboka gibisirik.

1 KORINTUS 16:21

Nara nabeyok ugunuk perob aboka, sounuwoka gibsin. Na dam nang soruk adya ban momnya doboka gibsin.

2 KORINTUS 13:14

Wenelesilnya Yesus Kristus adya ugunuk wanaʾ uboka eleksinaʾ hnon, Imik Neyung adya wanaʾ ulusilaʾ hnon, Imik Neyung Geisinya adya ganya kweldanaʾ hnon, ugunuk ulusulul. Nara Paulus bedya gibsin e.

PILIPI 1:7

Ugun nong anyek, nong unaʾ ak dara, mok-mok ulumab bok, ganya ak dara, na dam an sobaʾ neikaʾ ulumab senen ulumlaʾ anasa, wera ban nadya ganya enera wanoksodya unu seiniwanasisinyaʾ anaba gigiwoka ubnesinya. Anya hnonda Imik Neyung adya aljaʾ wanaʾ uboka eleksinaʾ era wen an nara gasa ek sam ulumna wenesa gom, loboka Imik Neyung adyaʾ perob lero yanggan yuba wa webnesinya danasa gom, alja wanaʾ uboka eleksinaʾ era ugun hnon, na hnon, neikaʾ doro beillilemabaʾ anasa, perob senewanasinya.

KOLOSE 4:3

Imik Neyung ara nunja wenyaro yabalamabaʾ amba pika baklul aboka, nunsamba heng uboka mololosululum. Nunda ban Kristus an doknomokaʾ anyek, anesemba leboka na henga goubnyekaʾ anyek, wenyaro yabalemnemab anasa, mololosululum.

2 TESALONIKA 3:17

Nara Paulus bedya, nabeyok ban ugunuk gibsin. Ban nenera nadya ok gobdo momnya doboka beibsin. Wera nidyaʾ nadya yokaʾ beillilesin momnya donaʾ ara, nadya yokaʾ nongnya nera sob beknaʾ dibaʾ unu nabeyok momnya dolomna.

1 TIMOTIUS 6:21

Hnon nim era, nunda yokaʾ-yokaʾ ella danganaʾ ara, seleb domouba wenyaboka, youmaʾ yuba dib senenaʾ damoka domekaʾ ara, seleb loboka meknewoka unumekaʾ anasa, amba unuwamenek aboka, keeboka ululom. Wera Wenelesilnya bedya wanaʾ uboka eleksinaʾ ugunuk ulusulul. Nara Paulus bedya seleb perob aboka gibgen.

2 TIMOTIUS 1:8

Ban nenesa leboka, nunja Wenelesilnya bemba alja yuba lero yabanaʾ ak alya bar aboka longgom, mem. Onoʾ nak Kristus amba leboka gasa ek henga gouboka beibnyeknya nenesa, alya bar aboka longgom, mem. Bok alda saawoka, anda Imik Neyung adya eleklenggel migib edya, Imik Neyung adya perob lero yanggan yub emba leboka, amba neikaʾ igina kwelenggel bok yeiriwoka welelom.

2 TIMOTIUS 4:22

Wenelesilnya bera anak ganya arawoka ulunggulul. Wenelesilnya bedya anak wanaʾ uboka eleksinaʾ ulusulul. Nara Paulus bedya seleb lemna.

TITUS 3:15

Nunja hemyabo nimi nidyaʾ anyagan nab neikaʾ ulumab nim edya, ugunuk perob aboka gibsak. Nunja gibsabnya nera, nunja hemyabo yok nimi, yuba dib senelemab adya wanaʾ ulusak nim ek, unu gibisak aboka nekdo yibinelam. Anya wera, Wenelesilnya bedya, ugunuk nidyaʾ nauba wanaʾ uboka eleksinaʾ ara ulusulul. Nara Paulus bedya seleb lebsin.

IBRANI 13:25

Dara wanaʾ uboka perob eleksinaʾ adya ugunuk bo ulusulul.

IBRANI 13:3

Wera yok igina dolomak nim ulumak sok, ambabya sikeneblaboka neikaʾ ulumnaʾ anasoʾ ganya enyek boboka, anda sikenek beklesilom. Anya, sik yok nim edya malya nenelesak nim ek, anda sikeneblaboka neikaʾ unulusinaʾ anasoʾ ganya enyek boboka, anda sikenek beklesilom.