KOLOSE 3:5 - PERJANJIAN BARU NALCA YUBA

⁵ Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

KOLOSE 3:5 ပူးပေါင်းရင်းမြစ်များ

MATIUS 15:19

Anasa nimi ganya lomok ab malya unaʾ ganya ara lanalamla, anadya wera nim olomak, gela salalemak, gel ganya ok deknewoka ulumak, hokaʾ dolomak, nimi derewoka waboka sondaʾ amba besa leboka nimi malya nenelemak.

ROMA 1:26

Wera ban unulumek anasa, sikja gelewa era, pe salaldanya nera, unuwamenggomnya nenyek lunuwoka unulumek anasa, Imik Neyung ara sikja ban unulusibya senen ganya ek, alya nenesinaʾ ak gwab losuk.

ROMA 1:29

An unulumakaʾ ara, hyak malya ganya hogung ok deknewoka, yu hwam ganya ab, naubaʾ dero bolosinya ganya ab, song ganya ab, hyak lek senen ganya ab, oldan ganya ab, waldan ganya ab, sondaʾ miniwoka len ganya ab, malya unaʾ nang eb neikaʾ hiboka, an ganya danyek unuru yabalamak.

ROMA 6:13

Ugunja nonga, yana, soruk ara, nim on mal yin enesoʾ ak, ugunda malya unaʾ amba eleknenggom, mem. Bok ugun nong ara, nunda youmaʾ dara seleb somokdomoub bok, wera embengaʾ ulumab senewoka, Imik Neyung ak eleklelulum. Anya ban ugunja nonga, yana, soruk ara, perob nenesin mal yin geblelul aboka, Imik Neyung ak eleklelulum.

ROMA 6:6

Nunda ella ulumabaʾ ara, nunja malya unaʾ nong migib era denghelyekanya, nunda malya unaʾ ak kebijek aboka dara, nunja youmaʾ ulumoub ganya nong era, seleb alab neikaʾ gal dubuk glaboka bo somogosuk.

ROMA 7:23

Bok nara eillilamnaʾ ara, nadya nong lomok ara, yok unuwanalum an yuba damok edya nadyaʾ perob ganya damok enyek olgoklamlakanya, nara nadyaʾ nong pik nidyaʾ ulumla malya unaʾ damok edya henga geregoka beiyimnaʾ geblenel.

ROMA 7:5

Anasa nunda malya unaʾ ganya lomok anam ulumoub salek era, Yahudi nim emba unuwanalum an yub adya dara, malya unaʾ ganya ek onowoka, nunja ganya nong lomok welemok adya, somoknaʾ damok ak bo balasuk.

ROMA 8:13

Dara, ugunda nimi malya unaʾ ganya ak sunuwoka ulumnelum dara, ugunda eimik era somoganalum. Bok ban Geisinya pik uboka ugunja ganya nong adya unuwounun senelamlaʾ anyek pika garawoka olomnelum dara, ugunda embengaʾ ulumnelum.

1 KORINTUS 5:1

Nara hnon, ugun gangganek ara, hnon nang era gela salawoka malya uro balamak anaso aboka lelemakaʾ ak hnon kelemna. Wenyalameknya nera, Imik Neyung yuba donaʾ orok nim eneba ununaʾ oroknya nek, ben hnon aljaʾ neyung bedya eimik gel gek dobdangarek, alamakaʾ ak kemsa.

1 KORINTUS 6:11

Ugumbabya hnon men dara, nenyek unululum. Bok wenyek dara, ugunda malya unaʾ ak ab, seleb meka elegoka geisa nenewosuk. Ugunda Imik Neyung mabo seleb munaʾ gobdo dangiyisuk. Ugunda Wenelesilnya si Yesus Kristus ak dib senewoka, nunjaʾ Imik Neyung Geisinya bedya migib edya, ugunda seleb perobaʾ neniyiwousuk.

1 KORINTUS 6:13

Hnonda wenyalamakja, ”Denaʾ ara mon amba ulumla. Mon ara denaʾ amba ulumla,” wenyalamak bok, nidyaʾ penya ara, Imik Neyung adya eimik orok nenewanamla. Nimi nong goukwa ara, gela salawoka uro yaban danasa gomaʾ. Nimi nong ara, Wenelesilnya bemba ulumlakanya, Wenelesilnya bera, nimi nong amba ulusil.

1 KORINTUS 6:18

Yok gela salawoka uldanaʾ ara, hyak loboka mok yabalalulum. Yok-yok malya unaʾ ak dara, nim adya unulumakaʾ ara, nimi nong weilik ab ulumla. Bok, gela salawoka malya ululanya bera, alda al damnya alja nong ek malya uldalamla.

2 KORINTUS 12:21

Nara ugunuk an kemel yeisinya sum era, Imik Neyung adya ugun gangganek sokok nenewanelyek aboka, lok ganya bolomnaʾ ara, hnonda ugun gangganek youmaʾ unulum malya unaʾ enyek, gela salawoka, heng kemenaʾ malya dangalamla malya unaʾ unuwoka, meilinya unulumnya nenyek, eibkweboka ganya dangawanggumunaʾ anyek eiyiwoka, igin ganya bobnyek aboka, lok ganya bolomna.

GALATIA 5:24

Nim ara, Kristus Yesus adyaʾ seleb dangarob nim era, sokok an nimi ganya era, yok-yok malya unaʾ salyaʾ doro unulusinya ganya ab, salyaʾ meknewoka unulusinya ganya anyek, seleb oboka gal ak glabek.

EPESUS 4:19

Sikja unulumak ununaʾ era meknelemab senewoka alya ganya bonaʾ orok adya yok-yok malya unaʾ era, salyaʾ sikja ganya doboka, gela salyaʾ salero yabalamaakanya, yeiriwoka yok-yok malya unaʾ nidyaʾ unura yabalamak.

KOLOSE 2:11

Onoʾ hnonda al pik ab uboka, ugunda ugunja bolaʾ garawousuk ara, nim adya garalesak soknya nenyek unuwanggubsuk. Alda Kristus adya garalasilnya nenyek unuwousuk ara, wera malya unaʾ nong an gwiriwoka loblum an.

1 TESALONIKA 4:3

Imik Neyung senelamla ara, nadya mabo geisa ulunok senelesil, anya yok gel salanaʾ hyak lek senelesil.

1 TIMOTIUS 6:10

Nim ara, rupiah ganya ok hwilimak dara, wera yok-yok malya unaʾ damoka gong-gong lanalamla. Hnon nim era, rupiah ak nauba dobsibya ganya adya, yuba dib senen ganya dilinaʾ loboka, nimi ganya soldobdangoka, sikda hyak nauba igin ganya nenebdangamek.

IBRANI 12:16

Anya nimi hnon hyak gel ak unuweisinya ganya adya wekdeknewoka, Esau bera gwaneng denaʾ piring hnonok amba aljaʾ yandonya bedyaʾ misaʾ era, pe seininaʾ loboka men dekok sok, neikso ununaʾ ara mem.

IBRANI 13:4

Dara ugunda nidyaʾ ara gela nenya doldanaʾ ak ara hyak perobaʾ senewoka imik nenelemnelum. Wera sik salyaʾ dongolomak nim eb, meknewoka salyaʾ salaldalamak nim eb dara, Imik Neyung adya yana lelewanasilaʾ anasa, ugunda gela nenya ara hyak pe uboka mekneldanggom mem.

IBRANI 13:5

Dara Imik Neyung yub ara banaso lelemla, ”Nara anak ara hyak mekaʾ dogom ab lobnenggununggenekanya, nara anak ara hyak mekaʾ gwab lobnenggununggen,” wenyalamlaʾ anasa, ugunda rupiah ak nauba dolonun ganya ek ab leiblelulum. Alda ugunuk an ulusilaʾ anyek, eiyasa gigibdangoka ulululum.

YAKOBUS 4:1

Ugun gangganek an wabdangoka oldanaʾ lanalamlaʾ ara hanyagar ab do? Ugunja sokok anyeb anyek-anyek dobsibya ganya bololumaʾ adya, doluwoka oldalamlakanya, wera damoka beknaʾ dibaʾ ara an anara ulumla do?

1 PETRUS 2:11

Nadya wanaʾ ulusin hemyabo nim o! Ugun nong ara sekel yanggan nim uboka, salyaʾ soko pik dongol girikna nim ululumaʾ anasa, nimi malya ubsinya ganya bolomakaʾ anyek, nimi ganya lomok sam malya ul eleklesilaʾ anyek, ugumba hnon ununaʾ mem aboka yuba garawoka sekna.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.

WAHYU 22:15

Bok nimi guma guklesak nang eb, gel salanaʾ hwam ok ulumak nang eb, nim dib olomak nim eb, bisaʾ girik gala giblemak nim eb, sondaʾ hwam ok lelemak nim eb, nera yuba sirik adya sondaʾ lelemak gom, sene bobnenewoka wanaʾ ulumak nim eb, ban nimi digum nidyaʾ ara, perob heikek ab weilik geboka ulumnemak,” hyok.