KOLOSE 3:25 - PERJANJIAN BARU NALCA YUBA

²⁵ Anasa, Imik Neyung ara alda nimi hogung ak kemewoka perob senenggulululanya anasa, meknelelanya bera, ban meknelemlaʾ damok sunuwoka dobnamla.

KOLOSE 3:25 ပူးပေါင်းရင်းမြစ်များ

MATIUS 16:27

Duboka mandenaʾ loboka, nimi dibaʾ me neb, alja lero nang eb, alja neyung bedya nong senedyaʾ pik uboka yanamak. Ban sum enyek, nimi nidyaʾ sikja unulumekaʾ sunuwoka yok-yok deknesil.

LUKAS 20:21

Wenyaboka deknaʾ dekesik nang edya Yesus ak, ”Neklesilimnya o, neyung anja lelesilimaʾ ab, neklesilimaʾ ab dara, hyak dib nongaʾ ak lelelam. Anda nimi nidyaʾ lek senesinaʾ loboka, perobaʾ lelesilimaʾ anasa, Imik Neyung adya nim ek anaso unuwaseng senelamlaʾ anyek laga poboka neklesilimaʾ ara, ella ulumab.

RASUL 10:34

Wera Petrus bedya leb einiwokja, ”Nara wenyok Imik Neyung adya nimi nidyaʾ mok soko nang era neik nang nenelesil ara wenyok ella dan.

ROMA 2:11

Wera anera, Imik Neyung ara, hogunga ak kemewoka ununggululanya anasa, unuwanesil.

2 KORINTUS 5:10

Nunda nidyaʾ ara aldib Kristus adya yana lelewanasilaʾ ak sam bo beil binisil. Wera sokok an wen ulumab salek enyek, pe unulumabaʾ gom, malya unulumabaʾ gom ara, nunja unulumabaʾ sunuwoka deknesil.

EPESUS 6:8

Yok nang edya wa oruknaʾ nang gom, sikbeyok ulumak nang gom, sikja nidyaʾ pe weboka ulumeijaʾ amba dara, Imik Neyung adya sunuwoka deknesilaʾ anyek beklelulum.

EPESUS 6:9

Dub nang dangoka ululum nang ek lebnesin! Ugunda neik so, ugunja wa oruknaʾ nang edya ugunuk arawoka welesak sok, onoʾ sikenek anaba, pe sunuwoka unulusululum. Yu ganya boboka baralaʾ seingim-seingim anaʾ ara, mem. Ugunub ugunja wa oruknaʾ nang eb dara, hiboka senenggom dubnya, Imik Neyung bera imik heikek ulumlaʾ ara, alak ok hnonok beklemnelum. Imik Neyung ara, nimi hogung ak kemenggululanya bek ulumlaʾ anyek, ugunda pe beklemnelum.

KOLOSE 4:1

Wei, neyung yab o, banyek beklemnelum, imik heik ara ugumbabya ugunja neyung be ulumlaʾ bekoka, anya wa wen nang ek ara, pe sunuwoka dom digumnya nenyek unulululum.

1 TESALONIKA 4:6

Ban oruknaʾ yuba blekoka yok nim ek malya ununggom. Ugunuk seleb yuba sekoka lesuba sok, Imik Neyung ara ban malya unaʾ amba yu ganya boboka obnesil.

2 TESALONIKA 1:6

Imik Neyung nong ak dara, alda perob ok keeboka unululanya bek adya, ugunuk an igin kwel eleklesak nim ek ara, sikbabya lunuwoka igina kweb eleganesil.

PILEMON 1:18

Alja anak malya unggelya goma, bonaʾ bob longgelya gom ara, nadya anak nidyaʾ ara lunuwanenggen.

IBRANI 2:2

Dara, lero nang pik uboka, dib yuba leb elegeisikaʾ ara, pe kenaʾ orok uboka bleklemek nim era, unulumekaʾ sunuwoka iginaʾ dolomek dara,

1 PETRUS 1:17

Ugunda heng uboka mololyabenek ab dara, Imik Neyung ara nunjaʾ neyung aboka giblelum. Ban wenyalalum Imik Neyung enedya, nim adya hekaʾ unulumakaʾ ara, hnonok-hnonok nidyaʾ sunuwoka yana lelelesil. Anasa wera, ugunda sokok an anam ululum salek enera, Imik Neyung ak lok ganya boboka ulululum.

YUDAS 1:16

Wera an unu malya unaʾ hwam ok ulumak nim era, sobaʾ yu yaboka gaga kiboka yok nim ek meknelelum aboka malya geblesak. Sikja nong unaʾ era, malya ubsinya ganya diligaʾ enyek ulumaakanya, sikda nonggo aldalamaakanya, nuk perob dosulul senewan dara, dibnya gom bok, miniwoka leboka, yok nim edya unuruwaʾ amba, pe makaʾ lelewoka lelemak.