KOLOSE 3:22 - PERJANJIAN BARU NALCA YUBA

²² Wei, wa arawoka wenaʾ nang o, ugunja sokok an neyung yab edya yok-yok yuba nidyaʾ pe keboka unulululum. Sik hogung ak ganya pel dilinun senewoka nenyek ok ununggom, alda Imik Neyung ak lok ganya boboka, ganya goulubmouboka pe unulululum.

KOLOSE 3:22 ပူးပေါင်းရင်းမြစ်များ

MATIUS 6:22

”Ugunja heng era, ugunja nong emba wesaʾ dibaʾ ulumla. Ugunja heng enyek geisa perob dara, wera ugunja nonga nidyaʾ ara, dilinaʾ ok yebel loblamla.

MATIUS 8:9

Anasa wera nababya nadya dubnya ulunel. Onoʾ na damumduk ara, mek yin bon nang ulumakaʾ ara, nadya yuba kelenyak. Nimi yin bonnya bek lebnadya, Bilom! wenyhen dara, alda balamla. Alda, Anyagan yalom! hen dara, yalamla. Anya nadya wa wenaʾanya bek lebnadya, Banyek unuwalom! hen dara, oruganaʾ ara keboka unulamla,” hyok.

LUKAS 6:46

Ugunda nadya wenyalasinaʾ ara keboka unuwanggunadyok, hekasa nak, Wenelesilimnya o, Wenelesilimnya o, alanulum do?

LUKAS 7:8

Anasa wera, nara nadya imik eini dub nang yuba kelemna dara, onoʾ na damumduk onu ulumak nang era nadya yuba kelenyak. Nadya nimi yina bonaʾanya bek, Anyagan yalom, hen dara, yalamla. Onoʾ yoknya bek, Anda bilom, hen dara, alda balamla. Anya nadya wa wenya bek, Ban nenyek unuwalom, hen dara, alda keboka unulamla, wenyamla,” hyek.

RASUL 2:46

Sikda hyak sobaʾ Imik Neyung e eremek longowoka yuba sobaʾ dolomek. Dara sikda ganya sokok nenebdangoka, ei-ei ganya boboka, sikja e pik dero yabalamek.

2 KORINTUS 7:1

Nadya wanaʾ ulusin nim o! Ban nidyaʾ unuwanasin hyokaʾ ara nuk lebsuk. Anasemba nunda al Imik Neyung ak lok ganya boboka, nunda al Imik Neyung amba gobdo geisaʾ perobaʾ anyek ulunob. Nunjaʾ ganya nonga malya nenelesil malya unaʾ nidyaʾ ara, dibaʾ loboka geisa nenebdanamab.

GALATIA 1:10

Anasa wera hekaʾ hulumla senenulum? Nim adya or perob senelenyaknya nek elemna gom, Imik Neyung adya or perob senelenelnya nek elemna gom? Goma, nim adya perob senewanenok senewoka pik elemna de? Wenyek nim adya hnon perob senewanenok senewoka pik elemnya dara, nara Kristus adya wa wenya unggulumnaʾ laga danganenaʾ ara an.

KOLOSE 3:20

Wei, memab o, ban nenyek dara, Imik Neyung ara perob senelamla anasa, ugunja nauba nim edya yok-yok yuba nidyaʾ ara, pe keboka unulululum.

1 TESALONIKA 2:4

Orok. Imik Neyung adya dara, nuk anyek perob lero yanggan yuba lebnokaʾ aboka lobonggosukaʾ anasa, banyek bekoka lelemab. Lelemabaʾ ara, nimi ganya perob senewanokaʾ aboka lenggulumab, alda Imik Neyung nunjaʾ ganya ak anaba sunulusilnya benyek perob senewolulaʾ aboka lelemab.

PILEMON 1:16

Wenyek dara alda ek wa wenya dangoka unaʾ ok unggululabok, alda perob wa wenya be hnon ulumla. Alda wera hnonda Imik Neyung yuba dolomabaʾ wanaʾ ulumabnya bek hnon ulumla. Alda wenera nak dara, nadya wanaʾ hemnya ulunelekanya, dara onoʾ anak dara nauba so wanaʾ ulunggel! Anasa alda wera nunjaʾ oruknaʾ wa wen danaba perobaʾ ak ulumlakanya, onoʾ hyak nauba ara Wenelesilnya bedya wa wenaʾ anaba hyak perobnya bek ulumla!