KOLOSE 3:12 - PERJANJIAN BARU NALCA YUBA

¹² Wera anasa, Imik Neyung adya alja angoo yadyek ulusuukanya, geisa nenewoka weboka dobsuk nim geknebaʾ uboka, yadyek senen ganya, angoo senewoka men aran ganya, ganya sokok neneldan ganya, nonga namenaʾ un ganya, sobaʾanya senewoka or malye senen ganya, ugunda ban ganya danyek bololulum.

KOLOSE 3:12 ပူးပေါင်းရင်းမြစ်များ

MATIUS 24:22

Imik Neyung ara unun salek enyek burumaʾ gebnaʾ orok dara, nimi ben hnon anaba gobdo blebnenggunumso. Bok Imik Neyung ara, alja nim emba leboka unuwanamna senemok salek era mekaʾ burumaʾ gebnamla.”

MATIUS 24:24

Dara eimik era, sondaʾ nimi blebsinaʾ dub nang eb, sondaʾ ununumnaʾ len nang eb nauba lanawanamak. Sikda nimi nauba malya nenewoka sondaʾ lebnobaʾ aboka, yokaʾ-yokaʾ senenggom beknaʾ eb, hyak lok soʾ ab, hogung ak laga nauba unura yibinemakaʾ adya, Imik Neyung ara hnon or senewanamso dara, nim Imik Neyung mab anaba sikenek dib senewanasiseng.

MATIUS 24:31

Dara nimi dibaʾ me nedya alja lero bedya poo anaʾ benggong yuba edya senenggomaʾ lebnamla dara, nim Imik Neyung mab ulumak nim era, im gokgoba nidyaʾ eboka bob mamaganalum aboka oruganesil,” hyok.

MARKUS 13:20

Anasa Imik Neyung ara burumaʾ nenewanggunumso dara, wera soko nim era, goʾ hnon ubnenggunuseng. Bok Imik Neyung adya, alja weboka dobsuk nim emba leboka, mek burumaʾ nenewanamla.”

MARKUS 13:22

Anasa wera, eimik era sondaʾ anasa nara nimi blebsinaʾ dubnya, nara ununumnaʾ lenya ulumna henemak nang era, nauba lanawoka, sikja dara, nimi hnon weboka dobsuk nim ek bobnenewoka sondaʾ lebnemeibyaʾ ak men aboka, yokaʾ-yokaʾ nauba beknaʾ eneba unuro yabalemnemak.

MARKUS 13:27

Dara ban salek era, alda alja lero nang ek binilum aboka oruganesilikanya, alja weboka dobsuk nim era sokok an pika dombadya, soko dakalongnaʾ ak ab ara, im dakalongnaʾ ak ab eboka bo yanalum aboka oruganesil.”

LUKAS 1:78

Nunjaʾ Imik Neyung bek ab ganya sanganaʾ ab, angoo yadyek senenaʾ ab dadya, alda nuk kemel yeisilikanya, alja heng era lugunaʾ nonga dorogal.

LUKAS 18:7

Anasa wera, Imik Neyung ara alja mabo silibaʾ edya inimnek yubyek pik arawoka mala dobnesilim alamaknya nek ara, mala dobnenggunususo de? Imik Neyung adya sikenek sum enyek arawanasin aboka, gokgiga binimso de?

ROMA 1:7

Ugunda Roma heik ululum nimi nidyaʾ ara, wera Imik Neyung ara seleb wanaʾ ulusuukanya, ugunuk munaʾ Imik Neyung mabo danalum aboka youbosuk nim ek ara, wanaʾ uboka eleksinaʾ ab, perob dangoka pe namenaʾ unaʾ ab danyek, Imik Neyung bek ab hnon, nunjaʾ neyung Wenelesilnya, Yesus Kristus bek ab hnon, ugunuk arawoka bo ulusulul.

ROMA 13:14

Bok Wenelesilnya Yesus Kristus anyek dilinaʾ yin mal nong geboka ongolomunukanya, ugunja nong era ganya ok denaʾ amba hmanggom mem.

ROMA 9:11

Bok ban mab era anam beibnenggusuukanya, perobaʾ malyaʾ gom anam unuwanggurek bok, Ribka gek an wenhyok, ”Men karob so me nera goubenya so me nedya wa wenya danamla.” Anedya Imik Neyung ara alja weboka dobsuk yub era migibaʾ kablul aboka, bok ununaʾ adya gom, alda Imik Neyung alja yoululum hyoknya nedya unuwok.

1 KORINTUS 13:4

Nimi ben hnon, yok nim ek wanaʾ dibaʾ ululanya bera, ganya siklewoka namen ganya adya perob ok unulamla. Wanaʾ unaʾ ara, alda solom ganya bonggulumla, imik neneldanggulumla, dengdang ganya bonggulumla.

2 KORINTUS 6:6

Onoʾ geisa unaʾ adya hnon, ella danganaʾ adya hnon, igina siklebmouboka unaʾ adya hnon, perob unaʾ adya hnon, Geisinya lomok unaʾ adya hnon, munaʾ gobdo wanaʾ unaʾ adya hnon, laga amalamab.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

EPESUS 1:4

Imik Neyung ara soko yokaʾ-yokaʾ anam ulinaʾ orok bok, si gegena ponaʾ orokaʾ anyek alsamba ok munaʾ gobdo ulunokaʾ aboka, Kristus pik uboka weboka dobsuk. Nuk wanaʾ ulusuukanya,

EPESUS 4:2

Ugunda sobaʾ ganya sokok nenebdangoka, ganya siklewoka namenaʾ ulululum. Ulumunukanya, meknelesakaʾ ak anaba wanaʾ ubdangoka dogom aldalamnelum.

EPESUS 4:24

Anya, wenyok uldilisil nong unaʾ era, Imik Neyung ara hyak perob ok uboka, geisa ulumla sok ulumla nong unaʾ enyek, anasoʾ anyek unura ulunobaʾ aboka doblum.

EPESUS 4:32

Alda ugunda perob ganya bobdangoka, nimi nidyaʾ ugun moumen wanaʾ uldalalulum. Hnonda Imik Neyung adya Kristus pik uboka, ugunja malya unaʾ doro bobogousuk sok, ugun moumen malya unaʾ doro bologoldalalulum.

PILIPI 1:8

Nara Yesus Kristus lomok uboka, wanaʾ uboka, ugunuk hyak eibsisinya senewoka ulusinya nera, Imik Neyung anaba alda ella ulunel.

1 TESALONIKA 5:15

Malya ubnyok senewoka, onoʾ saawoka albabya diriganamna seneweijek aboka, pe kemero ulumnelum bok, ugun dam nang ak hnon, perob dolulaʾ aboka unulumunjok onoʾ nimi yok nim ek hnon, perob ok unulumnalum.

2 TIMOTIUS 1:9

Imik Neyung adya nuk bleboka doboka, nuk geisa ulunokaʾ aboka youbosuk. Imik Neyung adya ban unuwosukaʾ ara nunja yoknya nek pe unumoubaʾ amba ubnenggubsuk. Alda alja wanaʾ ulusukaʾ orowek unuwanamna senemokaʾ ak sunuwoka ubsuk. Ban soko en anam uyiwanggom salek enyek, Yesus Kristus pik uboka, alja wanaʾ unaʾ ara, nuk seleb elegesuk.

2 TIMOTIUS 2:10

Wera anasa, ban nenesa leboka, Imik Neyung weboka gaboka dolosil nim enyek, sikda Kristus pik uboka eleklesil blebnaʾ damok hnon, anya sikenek si imik nenesinaʾ damok anaba, dobnokaʾ aboka, onoʾ nara yokaʾ-yokaʾ ara igina kweboka goululumaʾ aboka gweklamna.

TITUS 1:1

Najabo Titus o! Nara Paulus bedya, Imik Neyung adya wa wenya uboka, onoʾ Yesus Kristus adya yuba lenaʾ gaknya uboka, ban ara anak momnya doboka beibgen. Imik Neyung adya alja weboka dolosil nim enyek, sikja Imik Neyung ak dib senelemakaʾ ara, migib dosululaʾ aboka, nak Imik Neyung adya men weboka doboka bokol yeilinyok. Nunja dolomabaʾ ak sam neklesil yub enyek, sikba ella dangoka pe ulunokaʾ aboka, neksulul senewoka donyok.

1 PETRUS 1:2

Neyung Imik Neyung bedya albeyok men seinimokaʾ sunuwoka, Imik Neyung Geisinya adya, alja geisa mabo nenelesilaʾ adya, ugunda Yesus Kristus ak pe keeboka unuwolulumaʾ aboka, Yesus eneng adya mek elegosululaʾ aboka, Imik Neyung adya ugunuk weboka dobsuk. Anara Imik Neyung amba ok munaʾ gobdo ulunokaʾ aboka ubsuk.

2 PETRUS 1:10

Anasa wera, nadya hemyab o, Imik Neyung adya ugunuk weboka youbusukaʾ ara, duboka pe ulumunaʾ adya, dib ulusil aboka amalelulum. Ugunda ban unaʾ enyek pe unulumun dara, yuba dololumaʾ ara, eimik era goowoka denghenggunumla.

1 YOHANES 4:19

Imik Neyung adya youmaʾ enyek nuk men wanaʾ ulusukaʾ anasa, nunda wenera wanaʾ ulumab.

2 YOHANES 1:13

Genong o, anja Imik Neyung adya gaboka domok weis alja mab edyaʾ anaba, anak perob aboka gibenjak.

WAHYU 17:14

Anya sikda domba me ak mala boboka oldalamnamak. Bok ban domba me ara nidyaʾ wenelesak nang sikja senenggom Wenelesilnya ulumnamlakanya, nidyaʾ dub nang dubnya ulumlaʾ anasa, alab, sikenek weboka doboka alak bojam ulumak nang eb dadya, oblamaganamak,” wenyaboka nekenyok.