KOLOSE 3:1 - PERJANJIAN BARU NALCA YUBA

¹ Dara, ugunda Kristus ab ganya neikaʾ subuka bukiyiwosuk anasa, Kristus ara, Imik Neyung alja sirik soruk imik bulumla ak, imik sam ululanya nenyek elelulum.

KOLOSE 3:1 ပူးပေါင်းရင်းမြစ်များ

MATIUS 22:44

Wenelesilnya bedya nadyaʾ wenenanya bek lebokja: Anda nadyaʾ sirik soruk ak sam bulumen sok moruwoka, anjaʾ isaʾ nang era nadya anja yan damumduk sam bo bolol yanenggel, hyok.

MATIUS 26:64

Anasa Yesus adya sikenek, ”Ugunja yub edya alan seleb wenyhelum an. Nara ugunuk dib lebnesin, Ban sum enyek moruwoka, nimi dibaʾ me nera Imik Neyung migibnya bedyaʾ sirikek sam bukla, anya alda imik sam debaʾ hnoum pik yanamla ak, eibnelum!” hyok.

MATIUS 6:20

Alda imik heik anyek, nim adya hokaʾ dol yangganaʾ loboka, mura glubnaʾ loboka, gereremaʾ mekaʾ denggulumlaʾ ak sam anyek, perob bonaʾ bolowoka beillilelulum.

MATIUS 6:33

Imik Neyung adya ugun nong ok anyek wenewoka usinaʾ ab, alja perob senelamlaʾ ab, nonoganob senen ulululum. Dara, yokaʾ-yokaʾ nidyaʾ ara ugunuk makoka eleganesil.

MARKUS 12:36

Nenesa dara, Daud bera Imik Neyung Geisinya gologomokaʾ adya lebokja, Wenelesilnya bedya, nadyaʾ wenelenelnya bek lebokaʾ ara, Anda nadyaʾ sirik soruk sam bulumenaʾ moruwoka, anja isaʾ nang era, nadya anjaʾ yan damumduk sam bo yanenggen, wenhyok,” hyok.

MARKUS 14:62

Wenyek Yesus adya lebokaʾ ara, ”Benera na an! Nimi dibaʾ me nera imik migibaʾ ululanya bedyaʾ sirikek sam buknamlakanya, debaʾ ganggan pik uboka yanggalya dara, anda eibnelam,” hyok.

MARKUS 16:19

Wera Yesus ara, alja yuba doro diriga ban nang ek seleb wenyabgogowok dara, alda imik heikek sam welewookanya, Imik Neyung adya sirik sam bukok.

LUKAS 12:33

Ugunja bonaʾ rupiah dekoka doboka, dobmun rupiah era, bonaʾ garan ulumak nim ek elegolulum. Ban unulumun dara, ugunja songa leboka blobnenggunumla rupiah beilinaʾ memelelum, nera imik heikek beillilesil bonaʾ dibaʾ ara an. Ban bonaʾ era hokaʾ donaʾ orok uboka, gereremaʾ denggunumla.

LUKAS 20:42

Wera onoʾ Daud bedyaʾ anaba Mazmur yub ek alja dara lebokja, Wenelesilnya bedya nadyaʾ wenelenelnya bek lebokaʾ ara, anda nadyaʾ sirikek ok buklom,

LUKAS 22:69

Bok wenyek ab moruwoka, nimi dibaʾ me nera Imik Neyung hyak migibaʾ imik sam ululanya bedyaʾ sirikek sam buknamla,” hyok.

RASUL 2:34

Daud be nong anaba imik heik welewanggumok bok, alda yub adya lebokja, Wenelesilnya bedya nadya Wenelenelnya bek, Nadya anja isaʾ nang ara an damak namenaʾ gibiyiwanggumnya salek enyek, anda nadya sirik soruk sam bululom, aboka lebok.

RASUL 7:55

Bok Stefanus bera, Imik Neyung Geisinya adya deknewoka ulumoknya adya imik sam kemelemok enyek, Imik Neyung dilinaʾ yebokaʾ eiyimok. Dara, Yesus ara Imik Neyung bedya sirikek sam sekemokaʾ ak eiyimok.

ROMA 8:34

Kristus Yesus, seleb somogokaʾ ara, onoʾ imik soʾ dara, alda seleb embengaʾ subuk, dara onoʾ al alak Imik Neyung adyaʾ sirik sam bulumla, wera onoʾ alja nusamba yuba ligiwoka sanya danamla ara heknya do?

ROMA 8:6

Anasa nimi ganya adya seinililanya nera somoknaʾ damok ak ulumla. Bok Geisinya adya seinililanya nera embengaʾ unaʾ ak hnon, ganya pe namenaʾ unaʾ damok ak hnon, ulumla.

2 KORINTUS 4:18

Dara, nunda nonga laga ululanya nenyek kemero unggulumab bok, alda heng eilinaʾ oroknya nenyek kemero ulumab. Henga laga eillilemabnya nera seʾ salek ok ululabok, heng eilenggulumabnya nera eimik era, hyak sobaʾ ulmoublumnamla.

EPESUS 4:10

Wera yinggilimoknya benyek, onnya bera ima piboka hyak mok eini welewok dara, anadya ima soko me nidyaʾ ara, alja ulumla migib edya ok oulyanga dangoka deknero lobok.

EPESUS 5:22

Ugunda gelewa ak dara, Wenelesilnya bek ulumab sok, ganya sokok nenebdangoka, ugunja nenyab edya yuba pe kelelulum.

KOLOSE 2:20

Ugunda Kristus ab seleb neikaʾ somogoulum adya, wera sokok an nimi sirikaʾ ganya ek ab seleb blebdolum dara, hekasa ugunda sokok an anam ulumnaʾ anaso anyek, yokaʾ-yokaʾ memewoka unulumaknya nek an keboka unululum do?

KOLOSE 3:2

Ugunda seleb somogolumukanya, ugunja ululumaʾ ara, Kristus lomok beiyiwoka, Imik Neyung ak ulumla anasa, sokoknya nenyek gom, alda imiknya nenyek seinililulum.

IBRANI 1:13

Ban nidyaʾ alja me nek lemok bok, Imik Neyung adya dara, yok lero ek ara, ”Anda nadya sirik soruk ak sam buknelam dara, anjaʾ isaʾ nang era anja yan damak beil yanamna dara, anja yan doroknaʾ gebnalam,” anaʾ ara hnon wenyhenggumok.

IBRANI 1:3

Imik Neyung adyaʾ hyak imik senenggom dilinaʾ era, me al nong ulumla. Imik Neyung nonga laga unaʾ dibaʾ ara, Yesus adya unaʾ pik an ulumla. Wera sokok sam ab imik sam hnon nidyaʾ ulumlaʾ amba dara, alda migib yub adya akwaʾ doboka bo ulumla. Yesus ara soko nim emba malya unaʾ ak ab seleb perobaʾ nenebgogowok dara, Imik Neyung hyak imik ululanya beb neikaʾ imik heikek sam nimi wenewoka bo usin ekla bunaʾ ak sam bukok.

IBRANI 10:12

Bok saawoka, ban yuba lenaʾ gaknya Kristus ara, alja nong anyek soko nimi malya unaʾ doboka boloklemnesin aboka, lika hnonok munaʾ elekdanggogobok dara, alda imik heikek welewoka Imik Neyung adyaʾ sirikek sam bukok.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

IBRANI 8:1

Anyagan nidyaʾ lelewoka lebab yuba damok ara, nunjaʾ yuba wa gakaʾ dubnya ulusilnya bera, alda Imik Neyung imik senenggomaʾ ululanya alja sirik ek sam bulumla.

1 PETRUS 3:22

Wera Kristus ara imik heikek Imik Neyung sirikek sam bindewoka, lero nang ek hnon, nidyaʾ dub nang ulumakaʾ ab, senenggom migib ulumlaʾ nidyaʾ ara alja yuba kelemak.