KOLOSE 2:22 - PERJANJIAN BARU NALCA YUBA

²² Ban nidyaʾ ara, boboka ulumak adya, anera denghenelanya nek ulumla. An nidyaʾ ara, or oruknaʾ yub ab, nim adya ok neklesaknya nek lelemak.

KOLOSE 2:22 ပူးပေါင်းရင်းမြစ်များ

YOHANES 6:27

Anasa wera, ugunda blolomla songa lelemla gwaneng emba yeiriwoka wenggom mem. Nimi nonga ganya embengaʾ nenelesil gwaneng enesa, yeiriwoka welelulum. Ban gwaneng era nimi dibaʾ me adya eleganesil. Alja neyung bedya pe unulamna aboka alak beknaʾ beiyimok anasa, alja ugunuk eleganesil,” hyok.

1 KORINTUS 6:13

Hnonda wenyalamakja, ”Denaʾ ara mon amba ulumla. Mon ara denaʾ amba ulumla,” wenyalamak bok, nidyaʾ penya ara, Imik Neyung adya eimik orok nenewanamla. Nimi nong goukwa ara, gela salawoka uro yaban danasa gomaʾ. Nimi nong ara, Wenelesilnya bemba ulumlakanya, Wenelesilnya bera, nimi nong amba ulusil.

KOLOSE 2:21

Hnonda ban nera soruka salanaʾ mem, nera delyamanaʾ mem, nera beleknaʾ mem, anaso wenyaboka memelemaknya nera, ugunda hekasa keboka unululum do?

TITUS 1:14

Anya hnonda Yahudi nim edyaʾ youmaʾ neknaʾ gom, dib nong yub ek lek aboka ulumak nim edya yub ek an dib salabmoubijek anasa, anja pe neklesilom.

2 PETRUS 2:12

Sikda pam unuruwaʾ ak beiyiwoka oboka youn danasa liklemak sokaʾ ak ulumak. Sikda hyak perob ganya era mekaʾ seininggulumak, anya sikja unulumakaʾ nidyaʾ ara salyaʾ anyek unulumabaʾ ara elgomjok, damok ara anaso danamlaʾ ara salyaʾ ulumakaʾ adya malya geboka derewoka lelemak. Anadya sikja meneng meknewoka unulumak malya unaʾ edya sik nonga geregoka, nim adya pam olomak sok, Imik Neyung adya dara, sikenek obnesil.

WAHYU 17:18

Hnonda ban eiblam gel gera, sokok sam an dub nang wenesin dub heik era al an,” wenyaboka neknyok.