KOLOSE 2:13 - PERJANJIAN BARU NALCA YUBA

¹³ Dara ugumbabya youmaʾ dara, ugunja meknenaʾ hnon ugunja sobaʾ malya ululumnya lomok uboka hnon, anedya ugunda seleb somogoka ululum bok, wera Imik Neyung adya Kristus ab neikaʾ seleb embengaʾ gebsuk. Anya, nunja meknenaʾ hwam malya unaʾ nidyaʾ doboka bobogosuukanya,

KOLOSE 2:13 ပူးပေါင်းရင်းမြစ်များ

LUKAS 15:24

Nadya me nera seleb somokdowokaʾ ara, wera onsok embengaʾ dangoka yal. Alda dengarowok bok, wera onoʾ saaboka onsok eibnaʾ anasa, denaʾ neikaʾ hiboka denemab, aboka, wera sikda hyak nauba masa youboka deregoka eiya hlalamek.”

LUKAS 15:32

Bok nunda perob senewoka eiya daboka, pam oboka youbabaʾ ara, anja weis era seleb somogok bok, wera embengaʾ bukoka yal, seleb weiningdokjok, onoʾ saaboka eibabaʾ anasa, ubab! hyok,” wenyaboka lebok.

LUKAS 9:60

Danyek Yesus adya lebnemokaʾ ara, ”Nimi somoklomak nim era, sik dam nang soko lokol dalanok, alda anda Imik Neyung ara hekaʾ huboka wenelemnesilaʾ anyek, yok-yok moka bo lel elegel binilam,” hyok.

YOHANES 5:21

Anasa wera, neyung beneba somogamna nim embengaʾ bukiyiboka sikenek embengaʾ unaʾ eleklesil sok, alja me neneba neikso, nadya embengaʾ elegonun senewan nim ek embengaʾ eleklesil.

YOHANES 6:63

Embengaʾ ulmoubnaʾ dibaʾ ara Imik Neyung Geisinya adya eleklesil. Nimi nonga migib ara nera salyaʾ nong anasa, nadya ugunuk lelesin yub era, ganya ak anasa, sikda embengaʾ ulumak.

ROMA 4:17

Nera an momnya dobokaʾ ak ulumla sok, ”Nadya anda an nang yilaʾ yok-yok mok soko ulumeija ara, nunjaʾ neyung alamnenjak.” Wera ban Abraham bera, Imik Neyung ak dib senemok. Dara, Imik Neyung adya ganya era, nuk ara, sikja neyung bera an senelamla. Wera ban Imik Neyung era, somogamna nang embengaʾ nenelesilnya, anya alja yub adyok unggulumlaʾ ara ulumlaʾ nenelelanya.

ROMA 6:13

Ugunja nonga, yana, soruk ara, nim on mal yin enesoʾ ak, ugunda malya unaʾ amba eleknenggom, mem. Bok ugun nong ara, nunda youmaʾ dara seleb somokdomoub bok, wera embengaʾ ulumab senewoka, Imik Neyung ak eleklelulum. Anya ban ugunja nonga, yana, soruk ara, perob nenesin mal yin geblelul aboka, Imik Neyung ak eleklelulum.

ROMA 8:11

Dara onoʾ, Yesus ara somoknaʾ nang gangganek ab subuka bukiyiwoknya bedya Geisinya ara, ugun lomok ulumla dara, wera onoʾ alja Kristus Yesus somoknaʾ nang gangganek ab subuka bukiyiwoknya bera, alja ugun lomok ulusil Geisinya edya, eimik era ban ugunja somokna nong eneba subuka bukiyiwanasil.

1 KORINTUS 15:36

Anda gal dok yinaʾ doklelam salek era, dok ara anam somoknaʾ ara orok bok dara, embengaʾ bongonggulumla. Anasa, anaso heibnesom dara, dongdang alalum.

1 KORINTUS 15:45

Nenesa Imik Neyung yub ek momnya dobokaʾ ara, ”Men uyimoknya bera, nera Adam benyek, embengaʾ ul eininaʾ men youbuka dangamok.” Bok sidyaʾ nong Adam bera, nim embengaʾ ganya eleklesilnya bek an ulumla.

2 KORINTUS 3:6

Imik Neyung adya nadya wenyok ugunub dibaʾ wenyaldan yuba wa pe webnelum aboka migibaʾ nuk elegosuk. Ban wenyok yub era, momnya dobokaʾ ak unggululabok, alda ganya ak ulumla. Dara momnya dorob yub era somogollilisil bok, ganya ak yub era embengaʾ eleklesil.

2 KORINTUS 5:19

Wera, Imik Neyung ara Kristus pik uboka soko nim ara sikja meknenaʾ era eib loboka, al nong ab, sikeneb neikaʾ hiyiwousuk. Dara nuk ara, ban Imik Neyung adya neikaʾ hillisil yub enyek, lero yabalalulum aboka elegousuk.

EPESUS 2:1

Ugunda youmaʾ dara, ugunja meknenaʾ malya unaʾ lomok ululumaʾ adya, ganya ak dara, seleb somogolum bok ululum.

EPESUS 2:11

Ugun Yahudi gom nim era, ugun nong ara, ”bolaʾ garawanggom nang” anaʾ ara, nim adya bolaʾ garalesikaʾ Yahudi nang edya dara, ugunuk wenyalasak. Dara, Yahudi gom nim o, anyek seiniwanalum. Nera nim adya ganya doboka nang era an wenyan beknaʾ beillilesik.

EPESUS 5:14

Nenesa leboka yuba hnon ulumlaʾ ara, ”Anda hogunga malalamnya bera buklom, nimi somoknaʾ ak ab goboka buklom. Dara an nong ak Kristus adya dilinaʾ era, yebdo yibinenggel,” hyok.

KOLOSE 2:12

Anasa wera, ugunda meka dasik dara, alab neikaʾ soko lokiyiwosuk. Anya onoʾ Imik Neyung migibaʾ adya somoknaʾ gangganek ab, weboka bukiyiwok migib enyek, ugunda dib senewoulum adya, wera onoʾ ugunda alablaboka neikaʾ subuka bukiyiwousuk.

1 TIMOTIUS 5:6

Bok nadya dobsinya bobsinya senelamna anyek nidyaʾ gigilamla youk gel gera, nong ak dara, anam embengaʾ ulumla senen bok, ganya ak dara, seleb somogamnaʾ anasoʾ ak ulumla.

1 TIMOTIUS 6:13

Nidyaʾ yokaʾ-yokaʾ embengaʾ eleklesilnya, Imik Neyung hogung ak uboka, youmaʾ Pontus Pilatus be saramek sekoka pe laga nekemoknya Yesus Kristus hogung ak ulumabakanya, ban nidyaʾ ara anak orugenggen.

IBRANI 6:1

Anasa wera, Kristus ak men eilibik so domouba yub enyek loboka, gasa yuba doboka ganya kabgiga balamnamab. Anya, ganya danganaʾ yuba hnon, Imik Neyung ak dib senenaʾ hnon,

IBRANI 9:14

hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.

YAKOBUS 2:17

Anasonya neikek Imik Neyung yuba dib senenaʾ ak sam ara neneso ulumla, yuba anaso lelemlaʾ anasa, nab anaso seiniwonun senenaʾ orok dara, yuba dib senelemabaʾ ara salyaʾ lelem dangalamla.

YAKOBUS 2:20

Ugunda hyak dongdang anaʾ hwam nim ek ululum! Ugunja dara nimi yuba dib senenaʾ orokjok, pe ununaʾ ok unulumak anyek nuk aaweisiseng senelelum de?

YAKOBUS 2:26

Anasonya neikek, nimi nong ara ganya orok dara, wera seleb somogamna nong ek ulumla sok, yuba dib senenaʾ ara pe ununaʾ orok dara, wera seleb somoklamla yuba dib senenaʾ era an.

1 YOHANES 2:12

Najaba yab o, ban ugunuk momnya dobsinaʾ ara, Kristus si pik uboka ugunja malya unaʾ seleb meewousukaʾ anasa ubsin.