KOLOSE 2:10 - PERJANJIAN BARU NALCA YUBA

¹⁰ Anya ugunda al lomok ululumaʾ adya hyak munaʾ gobdo pebdaksuk. Hnonda, wenewoka bo usinaʾ, senenggom dub unaʾ nidyaʾ amba dara, alak danyek, huka, dubnya, ulumla.

KOLOSE 2:10 ပူးပေါင်းရင်းမြစ်များ

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

YOHANES 1:16

Dara, alja deknewoka ulumlaʾ ak ab, nunda nidyaʾ domouba. Alja wanaʾ uboka eleksinaʾ elegel sounulusilekanya, sobaʾ dolmorulumab.

1 KORINTUS 15:24

Dara, hyak dakalongnaʾ nong sum yanamla. Ban sum enyek, Kristus adya wenewoka bo usinaʾ eb, yok-yok senenggom dub unaʾ ab, yok-yok migibaʾ ab dara, sokok nenewanamla. Dara nidyaʾ migib gong danara, Kristus adya doblyekanya, nunja neyung Imik Neyung bek elegoka lebnamla.

EPESUS 3:10

Imik Neyung adya seinimoknya nera, wenera yuba donaʾ nimi pik uboka, imik sam wenewoka bo usin nang, senenggom dub nang ulumakaʾ ara, Imik Neyung adyaʾ hyak senenggomaʾ yok-yok geremsenga boboka, wa welemlaʾ anyek ella danokaʾ aboka seinimok.

EPESUS 3:19

Anya Kristus adya wanaʾ ulusilaʾ ara, nimi ganya sirikaʾ adya dara, nidyaʾ pe olowoka ella danggunusengnya nenyek, ugunda ella dolulum aboka mololesin. Dara, ugun nong ara, Kristus adya wanaʾ unaʾ pe olowoka ella ulumunukanya, Imik Neyung hnonok ok ulumla nong unaʾ enyek, deknewousululaʾ aboka mololesin.

KOLOSE 2:15

Ban onaʾ gal pik uboka dara, wenewoka bo usinaʾ, senenggom dub unaʾ ab dara, seleb alja alawoka dobok. Anya ban unuwoka oblamagousuk ara, sikenek salyaʾ longowoka ngouluknaʾ dok.

KOLOSE 3:11

Ban nenyek dara, Yunani Yahudi nang gom, bolaʾ garaweknya oroknya gom, yu hwam nang Skit nang gom, wa wenya oruknanya gom, ban wenyaboka si singgulumak bok, Kristus ara ban nidyaʾ amba damok ulusilekanya, alda sik nidyaʾ lomok ulusil.

IBRANI 5:9

Dara Yesus ara, munaʾ gobdo pe meebdakok dara, nimi nidyaʾ alak pe keboka unulumak nim emba, dibaʾ blebsinaʾ gaknya dok.

1 PETRUS 3:22

Wera Kristus ara imik heikek Imik Neyung sirikek sam bindewoka, lero nang ek hnon, nidyaʾ dub nang ulumakaʾ ab, senenggom migib ulumlaʾ nidyaʾ ara alja yuba kelemak.