KOLOSE 2:1 - PERJANJIAN BARU NALCA YUBA

¹ Anasa nadya senelamna ara, har so duboka yeiriwoka ugunsamba welesin anyek, ugunda ella danasom. Anya, sik Laodikia sam ulumak nim ab, nidyaʾ na hogung eibnenggunyek nim eneba, anyek ella danok senelamna.

KOLOSE 2:1 ပူးပေါင်းရင်းမြစ်များ

LUKAS 22:44

Yesus ara alda ganya ak nauba igina berewoka gweklemokaʾ anasa, alda hyak ganya dib beiliwoka nauba Imik Neyung ak mololomok. Dara hwin ara eneng anasoʾ anyek sokok sam debom-deboma belega yanggalamok.

RASUL 20:25

Nara ugunuk sam seleb yeiniboka, onoʾ ugunuk hnon, Imik Neyung adya wenelemnesil yub era, ugunuk seleb nekesisa. Anasa wera wenyek dara, ugunublaboka hnon mekaʾ hogunga eibdanggunumabaʾ ara orowek ella ulumna.

RASUL 20:38

Paulus bedya, ”Epesus nim ugunda hnon saawoka eibnenggununulum,” amok adya, men nonogoka nauba so engelemekjok, binimok mek ekla bunaʾ ak sam bo bokol bilimek.

GALATIA 4:19

Nadya wanaʾ ulusin mab o! Ugunsamba leboka, nara hyak nauba duboka, me bomna gel gek me juga gweklamla sok, neik so unulunel. Kristus adya unun ganya ugunuk an dib yinaʾ mebnenggumnesil dara, sobaʾ ara anaso ok ulumnenel.

PILIPI 1:30

Anasa, ugunda wenera nab neikaʾ perobnya nenyek dobnobaʾ aboka dulumab, nera nadya youmaʾ dulumsaʾ seleb eiyilumnya hnon, anya onoʾ weneba sobaʾ or dulumnaʾ anyek, wen seleb kelelumnya nenyek lebna.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

KOLOSE 1:29

Wera anasa, nara ban nenyek unuwoulul aboka, nadya migib nidyaʾ yeiriwoka, onoʾ alja migib na lomok welenel anyek sunuwoka, an unuwaso senewoka welemna.

KOLOSE 2:5

Wera na nong anaba ugunublaboka neikaʾ unggulumab bok, ganya ak dara, nara ugunub neikaʾ ulumab. Anya ugunja Kristus ak dib senewoka migibaʾ ululum ab, ugunja ganya pe meebdangoka ululum dara, nara eiya dablenel.

1 TESALONIKA 2:2

Nunda anam Tesalonika heikek yanggumouba salek era, men dara Pilipi heikek ulumouba salek enyek, nim ara nuk derelesik, olosikaʾ ara, ugunda ella ululum. Nimi nauba nuk ara lek aboka lelesik bok, Imik Neyung adyaʾ asaʾ ganya elegosukaʾ adya, ugunuk perob lero yanggan yuba lelesuba.

IBRANI 5:7

Yesus ara anam sokok an ulumok salek era, al nonga somoknaʾ ak ab blebnemoknya Imik Neyung bek, bii aboka engelemookanya, aralenelom aboka mololomok. Wera Imik Neyung ak hyak pe ganya sokok nenebdangoka giblemokaʾ adya, alja molonaʾ era Imik Neyung adya pe kelemok.

1 PETRUS 1:8

Ugunda wera Kristus ak ara heng eibnenggulumjok, wera alak wanaʾ ululum. Onoʾ wenera alak ara eilinaʾ orokjok, alak dib senelelum. Ban nenesa leboka ugunda wenera hyak ei-ei ganya bolomunukanya, hyak perob senewoka nauba eiya hlalalum.

WAHYU 1:11

Wera ban yub enedya nak, ”Anja seleb eiblamaʾ ara nidyaʾ momnya doboka, an momnya dobmen buku era, ban sekbadya heikek yuba donaʾ nim ek, Epesus, Smirna, Pergamus, Tiatira, Sardis, Filadelfia, anya Laodikia heikek hnon, beibnelam,” henyok.