KOLOSE 1:28 - PERJANJIAN BARU NALCA YUBA

²⁸ Dara, ban benyek, nunda nim ek neklesab. Nidyaʾ yok-yok geremseng adya wenewoka, neklesab ara, nimi yok-yok Kristus lomok unaʾ anyek munaʾ kabnok aboka unulumab.

KOLOSE 1:28 ပူးပေါင်းရင်းမြစ်များ

MATIUS 28:20

Dara, nadya ugunuk wenyaboka neksisa yuba nidyaʾ ara, sikbabya boboka unulunokaʾ aboka neklemnelum. Anya, nara ugunuk sobaʾ arawoka ulusinyaʾ moruwoka, soko sidyaʾ daknamla ak dangal binimla,” wenyaboka nekgogowousuk.

MATIUS 3:7

Parisi nim eb, Saduki nim eb, nimi Yohanes bek meka dabsululaʾ aboka yalamek. Bok Yohanes bedya kemelemok enyek, nang enyek yekaʾ ak eibuk dara sikenek, ”Ugunda hyak malya unaʾ hwam nim ek ululum! Ugunuk ara heknedya Imik Neyung adya obnesilaʾ ak sam ab dara, blebdanalum asuk do?

MATIUS 5:48

Ugunja neyung be imik heikek ululanya bera, hyak perob ok unulamla anasa, ugumbabya pe ganya kaboka perob ok unulumnulum,” hyok.

MARKUS 6:34

Wera Yesus ara mek ekla bunaʾ ak ab yingginiboka kemelemok enyek, nimi nauba ara seleb longomekaʾ ak eibok. Sikda domba pam yakoka bo usinya orokaʾ anasoʾ ak ulumekaʾ eibok dara, alja ganya era sikenek angoo hyak yadyek senewok. Dara, Yesus ara sikenek yokaʾ-yokaʾ nauba neklesuk.

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

RASUL 10:36

”Hem yab o, Israeli nim ek Imik Neyung adya lesuk yub era ugunda seleb ella ululum. Ban lesuk yub era, Yesus Kristus adya ganya hekdangoka un yub ek lebsuk. Ban Yesus ara nimi nidyaʾ siksamba Wenelesilnya ulusil.

RASUL 11:20

Bok onoʾ sik yub dib senewoka domek nang hnon era, Siprus mok eb nang hnon, Kirene mok eb nang edya dara, Wenelesilnya Yesus adya perob lero yanggan yuba enyek boboka, Yahudi nang gom nang ek sam Antiokhia heikek biniboka lel eleklemek.

RASUL 13:38

Hem yab o, anasa wera Yesus pik uboka, nim adya malya unaʾ memelesil yub era, ugunuk lero yabalasak. Nimi nidyaʾ hnonok-hnonok nang ara, Yesus ak dib senelemak nang era, Imik Neyung adya bok, Musa bedya unuwanalum an yub edya dara, sikja malya unaʾ doboka boboganggunususo bok, al Yesus pik uboka memelesil,” hyok.

RASUL 17:18

Dara onoʾ neikik wenyek, Epikuros bedya men seinimok ganya seininaʾ enyek seiniwoka ulumek nanga hnon, onoʾ Stoa bedya men seinimoknya nek seiniro ulumek nanga hnon, alablaboka neikik ganya amomaʾ ub einimek. Dara, sik gangganek ab hnon nang edya lelemekja, ”Benera ella danganaʾ ara mek bok, yuba sanaʾ anyek nauba lelemla anasa, hekaʾ anasonya ella dangoka lelemla do?” hyek. Bok onoʾ yok nang edya dara, lelemekja, ”Alda yok soko nang edya molowoka giblemak bisaʾ yub ek lero yabalamla,” alamek. Ban wenyameknya nera damok ara, Paulus bedya Yesus amba geklewoka Imik Neyung yuba lelemookanya, onoʾ somogamna seleb dara, embengaʾ suboka bulumak yuba lelemok anasa, wenyaro balamek.

RASUL 17:3

Wera Imik Neyung yuba momnya doboka anyek sunuwoka, Paulus bedya Imik Neyung adya nimi blebsinaʾ dubnya eleganesin amoknya Kristus bera somogalyekanya onoʾ li winilinya sum era embengaʾ suboka buknamla aboka nekesuk. ”Imik Neyung adya nimi blebsinaʾ dubnya eleganesin wenyamoknya bera, Yesus aboka nadya ugunuk lero yalasin an,” hyok.

RASUL 20:31

Anasa wera ugunda keebmoubuka diri ulululum. Nara gibnaʾ winilya ulumsa ara, inimnek yubyek pik noruwoka heng mekaʾ nauba yabalenen bok, ugunja mok nang ek dek-deka sonaʾ loboka wenewoka nekeldibilloklosisa ara, beklelulum,” hyok.

RASUL 3:20

Dara, Wenelesilnya bedya, ugunja ganya angawoka perobaʾ nenewanasilekanya, ugunja blebsinaʾ dubnya ak ugunuk bilom aboka orugolul aboka, ganya dangawanalum. Wenelesilnya bedya orowek, Kristus ara al ugunja blebsinaʾ dubnya dolul aboka sekiyimok anasa, unuwanalum,” hyok.

RASUL 5:42

Dara li sobaʾ, Imik Neyung ek ab, nimi yuba dolomek nim ek ab, Yesus adya perob yuba lero, Kristus ara Imik Neyung adya nimi blebsinaʾ dubnya eleganesin amok ara, wera an elegosuk aboka, yok nang ek yuba sobaʾ nekdo yabalemek.

RASUL 8:35

Dara, Pilipus bedya Yesaya yuba momnya dobokaʾ ak men einiwoka, nenyek dara, anasa lebok aboka, Wenelesilnya Yesus amba lebok aboka perob lero yaban yuba leb elegemok.

RASUL 8:5

Dara, Pilipus bera Samaria senenggom heik biniboka, Imik Neyung adya nimi blebsinaʾ dubnya eleganesin amokaʾ Kristus anyek, lel eleklesuk.

RASUL 9:20

Dara nenyek moruwoka, Yahudi nim edya yuba don e pik biniboka, nimi yok nang ek, Yesus ara aldib Imik Neyung bedya me dibaʾ aboka lel eleklesuk.

ROMA 16:25

Ugunuk migibaʾ gebsuukanya, perob lero yanggan yub nadya senenggomaʾ lero yabalamnaʾ ab, hyak gibnaʾ gong gelek loboka, gunuwoknya nenyek sunuwoka, wera Yesus Kristus yub an lero yabalamnaʾ ban nidyaʾ ara, or alsamba ok.

1 KORINTUS 1:23

Bok nuk dara, Kristus gal ak glaboka somogok yub ek lero yabalemab. Dara, Kristus gal dubuk somogok yub era, Yahudi nim ek dara, ganya suguwoka lek senelemak. Bok Yahudi gom nim ek dara, salyaʾ so yuba senewoka dolbaleka dablesil.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

1 KORINTUS 12:8

Dara nimi ben hnonda Geisinya bedya yuba geremsengaʾ salalulaʾ aboka, wa wenaʾ damok eleklamla. Nimi hnonda al neik Geisinya bedya, pe ella dangoka yuba lelelulaʾ aboka, wa wenaʾ en damok eleklamla.

1 KORINTUS 15:12

Nunja ugunuk leb elekgiga yalasabnya nera, Kristus anyek somogoka embengaʾ suboka bukok aboka lel eleklesab dara, ugun yok nim era, hekasa seleb somogorob nim era, embengaʾ suboka buknenggunuseng alalum do?

1 KORINTUS 2:15

Geisa lomok ulumak nim era, yokaʾ-yokaʾ nidyaʾ ara yana lelelabok, al nong ak dara, yok nim edya yana lelenggulumak.

1 KORINTUS 2:6

Ban ulumsaʾ anaba, Imik Neyung yuba hyak ganya ologoka kaboka domek nim ek ara, naba hnon geremsengaʾ ella danganaʾ hnon lel eleklesin. Bok, ban lel eleklesin geremsengnya nenera, sokok an ella dangalamak geremsengnya nera unggulumla. Onoʾ sokok an dub dangoka ulumak nang sikja geremsengnya nera unggulumla. Eimik ban dub nang era, hyak denghenemak.

1 KORINTUS 4:14

Nara ban wenyaboka ugunuk momnya dobsinaʾ ara, ugunuk alya dabsululaʾ aboka ubnenggubsin bok, ugunda nadya mab eneso ululumaʾ anasa, wenesin danasa lebsin.

2 KORINTUS 10:14

Nunda pelemak alamab ara hwiboka lenggulumab. Ugunuk lero yanggusuba dara, hwiboka lelemak henesiseng bok, nunda Kristus perob lero yanggan yub era ugunuk lero yeilisubaʾ anasa, orok.

2 KORINTUS 11:2

Neyung genong adya, nimi salawanggom gelma ara, nengma era hnonok ok eleklemak sok, nara ugunuk doboka Kristus ak lesisa. Anasa, nara ugunuk Imik Neyung perob senelamla hman ganya bolosin.

2 KORINTUS 4:5

Yuba lel eleklesabaʾ ara, nun nong anyek geklewoka lel eleknenggulusab. Alda yub enera, Yesus Kristus ara Wenelesilnya nong ara an, an yub enyek, lel eleklesab. Bok, nuk dara alsamba leboka, ugunuk arasin nang ulumab aboka lel eleklesab.

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

EPESUS 5:27

Wera anadya, nim alja yuba donaʾ nim era, menengaʾ meiboka, si gegena ponaʾ orokaʾ anyek, geisa ganya boboka, si imik dangoka ulumnemaakanya, eimik era alja saramek doro beibsununaʾ aboka, Kristus al nonga siksamba doboka elekdangoka somogousuk.

KOLOSE 1:22

Bok wera Imik Neyung ara, Kristus adyaʾ nimi nong lomok somogok adya, ugunuk al saramek geisa uboka, gegena ponaʾ orokaʾ ak beibsulul aboka neikaʾ hiyiwousuk.

KOLOSE 2:10

Anya ugunda al lomok ululumaʾ adya hyak munaʾ gobdo pebdaksuk. Hnonda, wenewoka bo usinaʾ, senenggom dub unaʾ nidyaʾ amba dara, alak danyek, huka, dubnya, ulumla.

KOLOSE 2:3

Dara, nidyaʾ geremseng uboka, ella dangoka pesinaʾ damok ara, alak danyek ulumla.

KOLOSE 3:16

Wera Kristus adya yub enyek, ugunuk sobaʾ sounubgiga balasulul. Dara, yokaʾ-yokaʾ munaʾ gobdo geremsengaʾ adya, ugunda yok nang ek nekoka, wenebdangoka ulululum. Anya, mazmur ber adya hnon, yok giboka sebnaʾ ber edya hnon, yub donaʾ ak geklen ber edya hnon, ugunda Imik Neyung ak perob aboka bera danedya seboka giblelulum.

KOLOSE 4:12

Hnonda ugun gangganek abnya be hnon, Kristus Yesus amba wa wenya, ugunsamba mel-mel aboka seklemeijikanya, ganya kanaʾ nang dangoka Imik Neyung adya senelamlaʾ nidyaʾ anyek, ganya munaʾ gobdo olowoka ella ulumak nim ek ulunok senewoka, ugunsamba sobaʾ yeiriwoka mololosilnya, Epafras bedya hnon ugunuk gibisil.

1 TESALONIKA 4:6

Ban oruknaʾ yuba blekoka yok nim ek malya ununggom. Ugunuk seleb yuba sekoka lesuba sok, Imik Neyung ara ban malya unaʾ amba yu ganya boboka obnesil.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

1 TIMOTIUS 3:2

Dara, nimi bo usin wa welelanya bera, alda si gegena ponaʾ oroknya benyek, alda gela hnonoknya bek, ganya siklewoka pe diri uldalalanya benyek, pe seinililanya benyek, perob ok uboka memeldalalanya benyek, alja ek yanggan nimi perobaʾ leboka doro diyiwoka, albabya nimi pe nekoka ulusilnya bek ululul.

IBRANI 10:14

Wera Kristus anyek alja nong elekdangoka somogoknya nenedya, malya unaʾ ak ab seleb geisa nenelesil nimi nidyaʾ ara lika hnonok sobaʾ amba aboka munaʾ gobdo perobaʾ nenewosuk.

IBRANI 13:21

ugunuk yokaʾ-yokaʾ perobaʾ ak alja senelamlaʾ sunuwoka unulunokaʾ aboka pe munaʾ lelewoka eleklesulul. Anya dara, alja perob senelamlaʾ ara Yesus Kristus pik uboka, nu lomok welesulul. Wera nidyaʾ senenggomaʾ perobaʾ ara al alsamba ok sobaʾ ulmorulul! Aldib, al unululul.

2 PETRUS 3:15

Imik Neyung ara men yangganggulumlaʾ ara, nuk blebsununaʾ ubokaʾ senewoka ugunda ganya enyek, pe boblulum. Nunjaʾ hem be hiboka wanaʾ ulumabnya Paulus bedya ugunuk wenyaboka momnya doboka beibsuk. Alda ugunuk momnya doboka beibsukaʾ ara, Imik Neyung adya alak geremseng eleklelanya nedya ubsuk.