KOLOSE 1:27 - PERJANJIAN BARU NALCA YUBA

²⁷ Dara, Imik Neyung ara, yok-yok mok soko nimi nidyaʾ ak, alja mab ak ban gunuwoka doknomokaʾ ara, har so dub uboka, senenggomaʾ ulumlaʾ anyek amalesil. Dara, gunuwoka doknonaʾ ara ban: Kristus ara ugun lomok ulusil. Ban Kristus ugun lomok ulusil ara, perobaʾ senenggomaʾ ak ganya wenaʾ dibaʾ ara an.

KOLOSE 1:27 ပူးပေါင်းရင်းမြစ်များ

MATIUS 13:11

Anasa Yesus adya sikenek ara, ”Ugunuk dara, Imik Neyung adya wenelemnesilaʾ damok ara, gunuwoka elegosukaʾ adya ella ululum bok, sikenek dara, eleganggom anasa lelemna.

LUKAS 17:21

Imik Neyung adya seleb ugun lomok an wenelesil bok anasa, nim adya dara, alda ban ulumlaʾ anyek kemel yoululum! Goma, alda ono sam ulumla! aboka alja wenelesilaʾ ak lebnenggunumak,” hyok.

YOHANES 14:17

Soko adya, alak eilinggulumlakanya, elgom ulumlaʾ anasa, alak dobnenggunumso. Bok, alda ugunublaboka ululumukanya, onoʾ ugunja ganya lomok ulumnesilaʾ anasa, ugunja alak ella ululum.

YOHANES 14:20

Ban sum enyek, nara Neyung bedyaʾ nong lomok uboka, ugunda nadyaʾ nong lomok uboka, nara ugun lomok ulumnesinaʾ ara, ban sum enyek ella danalum,” hyok.

YOHANES 14:23

Yesus adya dara, ”Ben hnon nak wanaʾ ulunelya dara, alda nadya neklesin yuba sunuwoka ulumnamla. Dara, nadyaʾ neyung bedya alak wanaʾ ulumnamlakanya, Neyung beb, nab alak yeinima dara, alab neikaʾ ulumnamab.

YOHANES 17:26

Neyung, anja ululamnya nera, sikenek seleb leb elegoka amesisa. Dara eimik eneba, nera sobaʾ unubdibiganamna. Wera anja wanaʾ elegonulumaʾ ara, sikja ganya ek sam sobaʾ ulumlyekanya, nara sikja ganya lomok ulumnesin aboka unulumnamna,” hyok.

YOHANES 6:56

Heknedya nadya nong soub eb, nadya eneng eb, delemlya dara, alda nadyaʾ nong lomok sam ulumnamlakanya, nababya alja nong lomok ulumnamna,” hyok.

ROMA 11:33

Imik Neyung bedya bonaʾ mandebnaʾ ab, yok-yok ella dangan damok eb, yokaʾ ella unaʾ ab, ai, hyak lomok sokok yangabok anyek lok bar! Wera anedya aldib, alja yuba saboka nenyek alamlaʾ ara pe lelebdaknamenggomokanya, alja ban pik era pe lelebdaknamenggom e!

ROMA 2:4

Anasa anda aljaʾ heknaʾ ganya ab, aljaʾ or malye senewoka diri usin ganya ab, aljaʾ sangarob ganya ab danera, wera dolbalek so senelelam de? Dara ban Imik Neyung adyaʾ heknaʾ ganya anera, anak ganya dangawoka yuba donaʾ ak bo balenggelaʾ ara, anda elgom ululam de?

ROMA 5:2

Dara ban ganya aldib senelemabaʾ adya, nunda al pik uboka, perob eleknaʾ ban pik era seleb doboka ulumab. Anya, nunda ban perob eleksinaʾ pikek ulumabakanya, Imik Neyung adyaʾ perobaʾ senenggomaʾ ara, dobnemab senewoka, ganya weboka bolboloklemab.

ROMA 8:10

Dara Kristus ara ugun lomok seleb ulumla dara, wera nong anera malya unaʾ adya somogok ak ululabok, anja ganya ak dara perob nenesinaʾ adya embengaʾ ulumla.

ROMA 9:23

Onoʾ saawoka ban yokaʾ-yokaʾ ak alja angoo yadyek senenaʾ elegousununaʾ ulumla ara aljaʾ perob senenggom bonaʾ enyek alja perobaʾ senenggomaʾ amba orowek memewoka ulumla.

1 KORINTUS 3:16

Ugunda Imik Neyung e ulumab senenaʾ ara, ugun dam nang elgom uldalalum de? Imik Neyung Geisinya ara, ugunja ganya lomok ulusil ara, ugunda elgom de?

2 KORINTUS 2:14

Bok nunda Imik Neyung ak perob aboka sobaʾ giblemab! Al Imik Neyung welemlaʾ adya nuk sam ara, Kristus pik uboka yokaʾ-yokaʾ ak hmenga nenewoka ollamaklamab. Onoʾ alda nu pik uboka alak ella dangan gen-gen songaʾ anasoʾ ak, mok soko me nidyaʾ olleleklamla.

2 KORINTUS 4:17

An wen mekaʾ igin ulusilaʾ anadya, nera wene salek seʾ ok ulusil bok anasa, eimik era hyak senenggom sobaʾ ulmoublemnamla imik nenesinaʾ danesil. Wen an ol neblesilnya nera or mek bok, eimik eleganesilaʾ ara, hyak senenggomaʾ perobaʾ ak eleganesil.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

2 KORINTUS 6:16

Imik Neyung e ab bisaʾ gibnaʾ e neb dara, neikaʾ ara hek soʾ ak ulumnamso do? Ugunda embengaʾ ululanya Imik Neyung bedya e ululum. Imik Neyung adya lebokaʾ ara, ”Nara sik hnoum ulumnesinikanya, sik gangganek yabalamnamna. Nara sikjaʾ Imik Neyung ulumnamna dara, sikda nadya mabo silibaʾ ulumnemak.

GALATIA 2:20

Dara, nadyaʾ youmaʾ ulusenya nek dara, anam embengaʾ unggulumna bok, Kristus anyek nadyaʾ nong lomok wen ulunel. Wera nadya wen embengaʾ ulumna nong enera, Imik Neyung bedya me nek dib senenaʾ adya embengaʾ ulumna. Alda nak wanaʾ uboka, al nonga nasamba somoganyoknya bek dib senewoka embengaʾ ulumna.

GALATIA 4:19

Nadya wanaʾ ulusin mab o! Ugunsamba leboka, nara hyak nauba duboka, me bomna gel gek me juga gweklamla sok, neik so unulunel. Kristus adya unun ganya ugunuk an dib yinaʾ mebnenggumnesil dara, sobaʾ ara anaso ok ulumnenel.

EPESUS 1:7

Kristus alja enenga yinggyukaʾ adya, nu nong ara Imik Neyung adya seleb dekoka lob lobsuk. Dara anadya, Imik Neyung ara nunja meknenaʾ dara, seleb meewousuk. Aljaʾ senenggom wanaʾ uboka eleksinaʾ sunuwoka,

EPESUS 2:22

Ugunda Kristus ab seleb neikaʾ kwebdangalumaʾ adya, ugunuk onoʾ nimi yok nim eb, Imik Neyung alja un e nenewoka, Imik Neyung ara aljaʾ Geisinya pik uboka, ugun lomok seleb ulusil.

PILIPI 4:19

Yesus Kristus lomok ulumlaʾ si imik nenenaʾ ab, dub unaʾ ab dadya, ugunja dobsibya senelelumaʾ nidyaʾ ara, nadya Imik Neyung edya eleganesil.

KOLOSE 1:5

Ban dib senenaʾ hnon wanaʾ unaʾ hnon ara, imik heikek ugunsamba beillilisilaʾ ak ganya welelumaʾ ak ab lanalamla. Ban ganya wenaʾ ara, ugunda men dib nong yuba kelum adya ella dangalum. Ban perob lero yanggan yub ara,

KOLOSE 2:3

Dara, nidyaʾ geremseng uboka, ella dangoka pesinaʾ damok ara, alak danyek ulumla.

KOLOSE 3:11

Ban nenyek dara, Yunani Yahudi nang gom, bolaʾ garaweknya oroknya gom, yu hwam nang Skit nang gom, wa wenya oruknanya gom, ban wenyaboka si singgulumak bok, Kristus ara ban nidyaʾ amba damok ulusilekanya, alda sik nidyaʾ lomok ulusil.

1 TIMOTIUS 1:1

Nara Paulus bedya, nunja bleblesilnya Imik Neyung adya orugunyokaʾ adya hnon, nunja ganya welemabnya Wenelesilnya Kristus Yesus adya hnon, Yesus Kristus amba yuba lenaʾ gaknya ulumnakanya,

IBRANI 6:19

Nunja dobnemab senewoka ganya nebom alamabaʾ ara, girik ak henga geregoka, mek lomok sam doublenggamnaʾ anaso ulumla. Ban unu ganya nebom alamabaʾ ara, Yesus ara nunsamba aboka mengewosuukanya, lomok wiknenaʾ aklenga poboka wekel byuk adya, hyak gasa ulusil. Dara Melkisedek benesoʾ anyek, Yesus ara imik heikek wekoka, yuba wa gakaʾ dubnya nunsamba hyak dibaʾ amba ulusil.

1 YOHANES 4:4

Bok najabo yab, ugunuk dara, Imik Neyung alja mab ululum. Sokok an ululanya nera mek so bok, ugunuk ulusil Geisinya bera, senenggomaʾ migibaʾ ulusilaʾ anasa, wera ugunda sondaʾ anasa ununumnaʾ lelemab alamak nang ek, ugunja seleb oblamagelum.

WAHYU 3:20

Nara pik sindamak sam sekoka pika glorum-glorum alasinaʾ anyek kendululum e! Nimi ben hnon nadya yuba keboka pika baknelya dara, nara wekoka alab eibdananamakanya, nara alab, alda nab, neikaʾ delemnenam.