KOLOSE 1:2 - PERJANJIAN BARU NALCA YUBA

² ugunda Kolose sam Imik Neyung amba geisa uboka, Kristus ak dib senelelum hemyabo nim emba beibsab. Nunja neyung Imik Neyung ak ab wanaʾ uboka eleksinaʾ ab, namen ganya unaʾ ab danyek, ugunjaʾ dangalalul.

KOLOSE 1:2 ပူးပေါင်းရင်းမြစ်များ

RASUL 9:13

Bok Ananias bedya dara, ”Wenelesilimnya, o nara ban benesa nimi nauba alsamba, alja nimi munaʾ Imik Neyung mab Yerusalem heikek ara nauba oboka unulusil alamaknya bek anasa,” hyok.

ROMA 1:7

Ugunda Roma heik ululum nimi nidyaʾ ara, wera Imik Neyung ara seleb wanaʾ ulusuukanya, ugunuk munaʾ Imik Neyung mabo danalum aboka youbosuk nim ek ara, wanaʾ uboka eleksinaʾ ab, perob dangoka pe namenaʾ unaʾ ab danyek, Imik Neyung bek ab hnon, nunjaʾ neyung Wenelesilnya, Yesus Kristus bek ab hnon, ugunuk arawoka bo ulusulul.

1 KORINTUS 4:17

An nenesa leboka, hem Timotius benyek na lunuwoka ugunuk bilom aboka bokol yeisin. Al Timotius bera, Wenelesilnya bemba ganya goluwoka pe welelanya bek, nadyaʾ yokaʾ dam me neneso wanaʾ ulumna me nek, bokol yeisin. Alda hyak pelemla senewoka, welelul senelamna me. Dara alja ugunuk, nadya Kristus ak dib senemsa danyek ulusenya nenyek an ara, nadya yuba donaʾ nimi wenero yabalasinaʾ anyek, ugunuk saawoka bekellilimnesil.

GALATIA 1:3

Neyung Imik Neyung bek ab hnon, nunja Wenelesilnya Yesus Kristus bek ab hnon, wanaʾ uboka eleksinaʾ ab namen unaʾ ab ugunuk bo ulusulul.

GALATIA 3:9

Nim Imik Neyung ak dib senewoka ulumak nang era, Abraham bek dib senemokaʾ adya perobaʾ nenewoka elegemok eleknaʾ enyek, neikaʾ hiboka dolomak.

EPESUS 1:1

Ugunda Epesus heikek munaʾ Imik Neyung mabo Kristus Yesus ak doboka bojam ululum nim ek perob aboka gibsin. Imik Neyung ganya adyok seiniwoka, Kristus Yesus adya yuba lenaʾ gaknya nenewanyoknya, nara Paulus bedya,

EPESUS 6:21

Imik Neyung wa bojam welelanya nunjaʾ hembe Tikhikus bedya, nadya ulumnakanya welemna wa nera, ugunda ella dolulumaʾ aboka, anaso aboka neknesil.

PILIPI 1:1

Na kabo nim ugunda nidyaʾ Pilipi heikek ululum munaʾ Imik Neyung mab ek hnon, onoʾ Imik Neyung wa arawoka nimi bo usin nanga hnon, hnonda arawoka wa wen nang ek hnon, momnya doboka beibsin! Nara Paulus beb, Timotius beb, Yesus Kristus amba welenam nang edya dara, Imik Neyung nunjaʾ neyung bedya hnon, Wenelesilnya Yesus Kristus adya wanaʾ uboka eleksinaʾ ab, nimi nonga pe unaʾ ab, eleklesulul senelenam!

1 PETRUS 1:2

Neyung Imik Neyung bedya albeyok men seinimokaʾ sunuwoka, Imik Neyung Geisinya adya, alja geisa mabo nenelesilaʾ adya, ugunda Yesus Kristus ak pe keeboka unuwolulumaʾ aboka, Yesus eneng adya mek elegosululaʾ aboka, Imik Neyung adya ugunuk weboka dobsuk. Anara Imik Neyung amba ok munaʾ gobdo ulunokaʾ aboka ubsuk.

2 PETRUS 1:2

Ugunda nunjaʾ Wenelesilnya Yesus ak hnon, Imik Neyung ak hnon, ella ululumaʾ adya, ugunuk nimi pe unaʾ ab, aljaʾ perob eleknaʾ ab dara, ugunuk nauba danggiga balasulul.

YUDAS 1:2

Angoo yadyek senewoka arasinaʾ ab, namen ganya boldanaʾ ab, wana unaʾ ab dara, ugunuk nauba danggiga balasulul senelamna.

WAHYU 1:4

Nadyaʾ hemyabo nim, sekbadya Asia sokok sam yuba don heikek yuba donaʾ nim ek gibsin! Ugunuk wanaʾ uboka eleksinaʾ ab, namen ganya unaʾ ab dara, al wen ululanya, youmaʾ ulumokaʾ ara, onoʾ eimik sobaʾ ulmorulumnelanya bedyaʾ ara ugunuk elegoka ulusulul, anya aljaʾ saramek sam sekbadya ganya edyaʾ anaba ugunuk elegoka ulusulul.