KOLOSE 1:16 - PERJANJIAN BARU NALCA YUBA

¹⁶ Yokaʾ-yokaʾ imik heik ulumlaʾ ab, sokok an ulumlaʾ ab dara, al pik ab uyiwok. Wera laka ulumlaʾ laka unggulumlaʾ, dubnya unaʾ, wenewoka oruksinaʾ, wenewoka bo usinaʾ, senenggom dub unaʾ, ban nidyaʾ ara, al pik ab uyiwok. Anasa, yokaʾ-yokaʾ nidyaʾ ara, al pik ab uyiwookanya alsamba, nera alsamba uyiwok.

KOLOSE 1:16 ပူးပေါင်းရင်းမြစ်များ

YOHANES 1:10

Alda sokok an ulumookanya, soko ara aladya uyimok bok, soko nim edya dara, alak elgom ulumek.

YOHANES 1:3

Yokaʾ-yokaʾ nidyaʾ ara al adya uyimok. Yoknya nedya, hnonok sibin anaba uyiwanggumok.

ROMA 11:36

Dara yokaʾ-yokaʾ nidyaʾ ara alak ab, al adya, anya alamba. Anasa alak ara si imik nenenaʾ alsamba ok hyak sob-sobaʾ giblemnemeijaʾ anyek ulusulul!

ROMA 8:38

Anasa nadya dib senelamnaʾ ara, or somoknaʾ embengaʾ, lero nang gong, bisaʾ wenesin dub nang, or wen ulumlaʾ eimik lanawanamlaʾ,

ROMA 9:5

Wera sikda youmaʾ ulumek nang edya mengerob nang ulumaakanya, Mesias Kristus bera alda yokaʾ-yokaʾ nidyaʾ alak hnonok imik ululabok, nim ek sam ak dara sik nang yilaʾ ak ab beibek. Bok alda Imik Neyung sobaʾ giblemnemabnya bek ulumla. Amin!

1 KORINTUS 8:6

nun nong ak dara, Imik Neyung nunja neyung hnonok ok ulumla. Al adya dara, yokaʾ-yokaʾ nidyaʾ uyimoknya bek ulumla. Nunda al nong amba ok ulumab. Nunja Wenelesilnya bera, nuk dara hnonok ok ulusilaʾ ara, Yesus Kristus hnonok ulusil. Nidyaʾ yokaʾ-yokaʾ ara, Yesus Kristus pik moruwoka uyimok. Dara, nunda al adya embengaʾ ulumab.

EPESUS 1:10

Unu seinimokaʾ ara, yokaʾ-yokaʾ wen ulumlaʾ nidyaʾ sidyaʾ daknamla salek enyek, Imik Neyung adya dara, imik ulumlaʾ sokok ulumlaʾ, nidyaʾ hnonokaʾ ak nenewoka Kristus anyek dubnya ulumnamla aboka orowek seinimok.

EPESUS 6:12

Nunda nimi sirikaʾ ab mala weboka oldanggulumab bok, alda imik garan denaʾ ak sam wenewoka bo usinaʾ ab, senenggom unaʾ ab, wen gunaʾ ulumla sokok an bisaʾ dub unaʾ ab, gobdo malya ulumak yu bisaʾ unaʾ ab, oldalamab.

PILIPI 2:10

Ban amba leboka Yesus si ak giblemnemabaʾ ara, imik heikek sam embengaʾ ulumlaʾ ab, sokok sam ulumlaʾ ab, soko lomok sam ulumlaʾ ab, nidyaʾ alak koma lumugoka giblimnemak.

KOLOSE 1:15

Alda Kristus ara, Imik Neyung laga eilinggulumaknya bedya sununaʾ ulumla. Anya yokaʾ-yokaʾ uyiwok ak ab dara, alda hyak nonoknaʾ nongnya ulumla.

KOLOSE 1:20

Anya Imik Neyung adya, alda yokaʾ-yokaʾ ab, al nong ab, neikaʾ hibnunaʾ aboka dara, or sokok an ulumlaʾ gom, imik heik ulumlaʾ gom, alda yokaʾ-yokaʾ neikaʾ ara hiyiwousununaʾ aboka, Kristus obek gal eneng pik seleb neikek hiyiwousuk.

KOLOSE 2:10

Anya ugunda al lomok ululumaʾ adya hyak munaʾ gobdo pebdaksuk. Hnonda, wenewoka bo usinaʾ, senenggom dub unaʾ nidyaʾ amba dara, alak danyek, huka, dubnya, ulumla.

KOLOSE 2:15

Ban onaʾ gal pik uboka dara, wenewoka bo usinaʾ, senenggom dub unaʾ ab dara, seleb alja alawoka dobok. Anya ban unuwoka oblamagousuk ara, sikenek salyaʾ longowoka ngouluknaʾ dok.

IBRANI 1:2

Bok wen sidyaʾ dagalongnaʾ salek en era, alja me pik uboka yuba sal eleklesil. Imik Neyung adya alja me Yesus pik uboka hyak nidyaʾ men uyimok. Anya onoʾ Imik Neyung adya alja me pik uboka uyimok.

IBRANI 2:10

Dara, Imik Neyung alsamba leboka yokaʾ-yokaʾ nidyaʾ ululanya, onoʾ yokaʾ-yokaʾ nidyaʾ uyimoknya bedya, alja mabo gong dara si imik nenelesuukanya, sikja blebsinaʾ damok bo ulusuknya bek igina kweiyiwokaʾ adya gobdo gigiwok dara, anedya pebok.

1 PETRUS 3:22

Wera Kristus ara imik heikek Imik Neyung sirikek sam bindewoka, lero nang ek hnon, nidyaʾ dub nang ulumakaʾ ab, senenggom migib ulumlaʾ nidyaʾ ara alja yuba kelemak.