KOLOSE 1:11 - PERJANJIAN BARU NALCA YUBA

¹¹ Ugunuk yokaʾ-yokaʾ lanawanesilaʾ ara, ganya eiya daboka, or malye senewoka, migibaʾ bal morulululum aboka, alja perobaʾ senenggom migib edya ugunuk migib gebsulul.

KOLOSE 1:11 ပူးပေါင်းရင်းမြစ်များ

RASUL 1:8

Bok, ugunda Imik Neyung Geisinya ugunuk sam seleb yeisilya dara, ugunda migibaʾ dobnelum. Dara, Yerusalem heik ab, nidyaʾ Yudea sokok ab, Samaria sam ab ara, nidyaʾ soko dagolongnaʾ me nidyaʾ, nasamba yuba bo lero yabalemnelum,” hyok.

RASUL 5:41

Dara, yuba doboka lelemek nang era, Yesus si amba leboka olosak, yokaʾ unulusak ara, perob aboka eiya daboka, yuba sanaʾ gak nang ek ab goboka bilimek.

ROMA 2:7

Wera an unuwanesilaʾ ara, sik pe ganya gouluwoka perobaʾ digumaʾ ak unulumakaʾ ara, perobaʾ senenggomaʾ ak elemakaʾ hnon, si imik nenenaʾ ak hnon, giginaʾ elemak nim ek hnon somoganggunumlaʾ digumaʾ ak elemakaʾ hnon, anasa sik an nim ek ara, embengaʾ unaʾ ak eleganesil.

1 KORINTUS 16:13

Ugunda hyak yuba dib senelemak nimi geknebaʾ pe keebmouboka ganya kaboka pe ulululum. Asaʾ ganya boboka, migibaʾ anyek unulululum.

2 KORINTUS 4:7

Bok ban geisa perobaʾ ara, nu soko adya uyisuk nimi nong lomok bolomab. Wera an unulumabnya nera, senenggom migib era nuk an unggulumla, alda Imik Neyung ak ulumlaʾ anyek laga dolulaʾ aboka ulumab.

EPESUS 3:16

Ugunda Kristus ak dib senelelumaʾ adya, Kristus enyek ugunjaʾ ganya lomok ulusululaʾ aboka, Imik Neyung ara senenggomaʾ ulumlaʾ anyek sunuwoka, alja Geisinya bedya, ugunja ganya lomok migibaʾ nenewosulul senen ganya boboka mololesin. Ugunja nong unaʾ era wanaʾ unaʾ adya ok oulyanga lokoka goluwoka bo uboka,

EPESUS 4:2

Ugunda sobaʾ ganya sokok nenebdangoka, ganya siklewoka namenaʾ ulululum. Ulumunukanya, meknelesakaʾ ak anaba wanaʾ ubdangoka dogom aldalamnelum.

EPESUS 6:10

Anya wera, ugunda Wenelesilnya lomok uboka, migibaʾ ak ulululum. Alja senenggomaʾ unulamla migibaʾ ak ab doboka ulululum.

PILIPI 4:13

Alda nak migib eleklenel Kristus aralenelaʾ adya, yok-yok igina kwelenel bok pe ulumnesinya ok senen ganya bolomna.

2 PETRUS 1:6

Dara, ugunda geremseng nang uboka, hnonda ugun nong anyek pe diri uldalalulum. Dara onoʾ pe diri uldalamunuk ab dara, yokaʾ-yokaʾ lanawanamlya sum enesa leboka, ugun nong ara ganya migibaʾ gebdangoka pe ubmoruwanob senen ulululum. Onoʾ ganya migibaʾ gebdangoka pe ulmorulumunuk ab dara, Imik Neyung adya anaso ubseng senelamlaʾ sunuwoka ulululum.

YUDAS 1:25

Onoʾ nunjaʾ Wenelesilnya Yesus Kristus pik uboka, nunja bleblesilnya bek, alak hnonok si imik nenenaʾ ab, alja senedyaʾ omom unaʾ ab, hyak dub unaʾ ab, aljaʾ migib unaʾ ab danyek, youmaʾ, wen, eimik eneba, senenya loboka sobaʾ ulmorululul. Aldib unululul.

WAHYU 14:12

Wera ban unuwanamlaʾ anasa, munaʾ Imik Neyung mab ara, alja oruksinaʾ yub ak pe keboka, Yesus ak bojam ganya boboka ulumak nim era, ganya siklebdaboka ganya gouluwoka pe salawoka ulunok.