IBRANI 9:9 - PERJANJIAN BARU NALCA YUBA

⁹ Ban sununaʾ era nu wen an ulumab salek enesa, beknaʾ dibaʾ ulumlaʾ ara, pam oboka eneng ab yok-yok masa bo beil biniboka giblemekaʾ ara, sik an unuruwaʾ bo beil yalamek nimi ganya lomok ulumok malya unaʾ doboka boloknenggulusuk beknaʾ era an ulumla.

IBRANI 9:9 ပူးပေါင်းရင်းမြစ်များ

ROMA 5:14

Wen senewangguneseng bok, somoknaʾ damok ara, Adam be ulumok salek ek ab ara, mouruwoka Musa be ulumok salek era seleb ob lelewoka ulumok. Hnonda Adam bedya blekemok malya unaʾ era, yok nang eneba, neiksonya nenyek malya unggulumek bok, sikinek hnon ob lelewoka ulusuk. Dara, Adam bera eimik yanamoknya be sununaʾ so ak ulumok.

GALATIA 3:21

Wera anaso anasa, Imik Neyung adya eleganesin amokaʾ ara, yok so bok, unuwanalum an yub era, onoʾ yok so adya ol gokoldalarak de? Nera hyak unggulumla! Unuwanalum an yub era, nim embeng unaʾ elegesuso dara, unuwanalum an yuba pik uboka, nim Imik Neyung hogung ak pewalam anaʾ dibaʾ danamso.

IBRANI 10:11

Yahudi nim edya yuba lenaʾ gak ulumek nang era, sob-sobaʾ saam-saam aboka Imik Neyung amba oboka beiri ulumek. Bok sikja ban giboka unu sobaʾ beillilemek beilinaʾ edya, nim adya malya unaʾ hyak doboka boboganggunusisonya nenyek unulumek.

IBRANI 11:19

Dara alda ban unu seinimokaʾ ara, Imik Neyung ara nim ak somogamnaʾ ak abaʾ anaba, migib adya embengaʾ suboka buklililisilnya benyaʾ senemok. Anasa alda somogamna anasoʾ bok, saawoka domnaʾ dok.

IBRANI 5:1

Anasa, sik yuba wa gakaʾ dub nang era, Imik Neyung ak ganya doboka eleknanya neb, malya unaʾ amba oboka molonanya neb dara, alja unulululaʾ aboka, nimi gangganek ab weboka, siksamba Imik Neyung ak ara alja yuba saboka unulululaʾ aboka sekillilimak.

IBRANI 7:11

Lewi nang yilaʾ yuba wa gak nang ulumek sum enyek, sik pik uboka unuwanalum an yub era Israeli nim ek ara, Imik Neyung adya elegosuk. Bok Lewi nang yilaʾ yuba wa gak nang ulumek bok, Imik Neyung wa anyek geisa wa bok pe wel daknenggulumekaʾ anasa leboka, yok yuba wa gaknya, Melkisedek be ulumok sonya benyek, Harun nang yilaʾ ak ab gom, alda yoknya bek elegosuk.

IBRANI 8:4

Yahudi nim emba unuwanalum an yub ek sam lelemlaʾ yuba sunuwoka, seleb welemak nang edya Imik Neyung ak ara yokaʾ-yokaʾ uka daboka memelemakaʾ anasa, Yesus ara sokok an anam ulumso dara, alda senenggom yuba wa gaknya danggunumso.

IBRANI 9:24

Anasa Kristus ara, nim adya munaʾ solomekaʾ dibaʾ imik heikek ulumoknya sununaʾ amba solomeknya nek weknenggubuk bok, alda imik heikek Imik Neyung ak nuk pen danasa, wekel byuk.

1 PETRUS 3:21

Ban youmaʾ unumokaʾ ara, sununaʾ dibaʾ ara wen an ugun blebsinaʾ damok ara, meka dalasak an. Ban meka dalasakaʾ adya, ugunja malya unaʾ ganya lomok ulusilaʾ nidyaʾ anyek doboka boloknenggulusak, alda ugunja Imik Neyung ak nara eimik saawoka hnon malya ub sounuwanggunumna, anya nenesa beknaʾ dibaʾ meka dalasak. Mek danaʾ adya nimi bleblesilnya nera, Yesus Kristus anyek malya unaʾ ak sam ab seleb somogoka suboka welewokaʾ adya ok bleblesil.