IBRANI 9:14 - PERJANJIAN BARU NALCA YUBA

¹⁴ hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.

IBRANI 9:14 ပူးပေါင်းရင်းမြစ်များ

MATIUS 12:28

Bok nak dara, Imik Neyung Geisinya migib adya, bisaʾ ara yaklamna dara, wera anara Imik Neyung adya seleb ugun gangganek wenelesilaʾ ara an seleb yal an,” hyok.

MATIUS 16:16

Dara Simon Petrus bedya, ”Neyung, anda Kristus, nimi blebsinaʾ dubnya ululam. Anda Imik Neyung embengaʾ ululanya bedya me ululam,” hyok.

MATIUS 7:11

Ugun malya unaʾ nim enyek babya, ugunaʾ mab ak ara, hyak perobaʾ anyek keeboka eleklelum. Anasa ugunja neyung imik heikek ululanya bera wanok! Alak anyek elegeisilom aboka mololemak nim era alda perobaʾ anyek eleganesil.”

LUKAS 1:74

Anedya nunda lok ganya bonaʾ orokaʾ anyek, Imik Neyung ak arawoka webnokaʾ aboka, nunjaʾ isaʾ nang ek ab blebnesil amok anasa, unuwal.

LUKAS 12:24

Ugunda sam wining anyek pe seiniwolulum! Sikda yinaʾ menggulumak, nong yongonggulumak, masa hnon beilin e soboka beilenggulumak. Bok Imik Neyung adya sik nong pe beiyiboka bo ulusil! Wining ak dara, or domdigum so bok, ugun nong ak dara, hyak senenggom nongaʾ ak ululum!

LUKAS 12:28

Holaʾ ara sumen enesoʾ ara, youruwanaʾ ara, ampum dan dara, dengaboka uka dalamak. Ban unulumakaʾ anaba, Imik Neyung adya anaso hyak perob esaʾ era, ongon akleng eneso eleklesil. Ugunuk dara, hyak wanok! Bok ugunda mek ok dib senelelum!

LUKAS 4:18

”Wenelesilnya bedyaʾ Geisinya ara nak ulunel. Wera anasa, alda nak seleb sekiyiwanyokaʾ ara, perob lero yanggan yub era, bonaʾ garan nim ek alja lelelulaʾ aboka, alda nak seleb orowek doboka sekiyinyok.

YOHANES 3:34

”Dara, Imik Neyung adya bokol yeilimoknya bedya, Imik Neyung bedya lelemla yub enyek lelemla. Alak ara Imik Neyung Geisinya elegelmorulamla.

RASUL 1:2

Yesus ara alda anam imik heik sam binggumok salek, Imik Neyung Geisinya migib adya arawoka, nadya yuba lebnokaʾ aboka yuba lenaʾ gak nang ek anyek pe unuwanalum aboka wenewoka neklesuk.

RASUL 10:38

Imik Neyung adya Nazaret mok ebnya Yesus ak sekiyiwoka alak Geisinya ab, migib ununaʾ ab, alak elegemok ara ugunda seleb ella ululum. Dara onoʾ, onya Yesus bera Imik Neyung migib alak gologomokaʾ adya, alda yokok sam yokok sam perob ok unuro yabalamok. Dara, al neiknya bera nimi nidyaʾ bisaʾ gologesin nang merellilisuk ara, ugunda seleb ella ululum,” hyok.

RASUL 14:15

”Wei, ugunda hekasa ban nenera unulum do? Nunda im nang gomaʾ. Ugumba ululum sok, nundaʾ nim anyaʾ. Nunda anyagan younum ara, ban unuwoka yokaʾ-yokaʾ giblelumaʾ anyek loboka, Imik Neyung bek, im ab, soko ab, senenggom mek gwan eb, lomok sam ulumla nidyaʾ ab, uyisuknya bek sam ganya angawoka yoululum aboka, perob lero yanggan yuba bo yeiniboka lel yosunum.

RASUL 15:9

Imik Neyung ara nub sikeneb weboka boknenggusuk. Alda Imik Neyung ak dib senemekaʾ adya sikja ganya mek elegeiyisuk.

ROMA 1:20

Alak ab laga danganggulumlaʾ ara, aljaʾ migibaʾ ulmorulamlaʾ ab, aljaʾ Imik Neyung unaʾ dibaʾ an hnon, bok alja soko uyiwok salek ab mouruwoka, an penya damok era, seleb eillilimak anasa, eilinggulumaknya nera, anyeganyeb ella dangalamak anasa, sikda sene bobnenewoka anasa-anasa henggunuseng.

ROMA 1:4

bok Geisinya bedya geisa migib enedya, alja somoknaʾ gangganek ab suboka embengaʾ bukuk anyeb, alda Imik Neyung me hyak migibnya, nunjaʾ neyung Wenelesilnya, Yesus Kristus ulumlaʾ laga nenebdokaʾ ara an.

ROMA 11:12

Anasa sikja meknenaʾ enedya, mok soko ara dub gebeyiweekanya, sikja mek ok unaʾ era, yok mok soko nim emba dub danganaʾ ulumla, dara hyak nauba so ara sikenek pe munaʾ gobdo pewousuk.

ROMA 11:24

Dara ugunda salyaʾ beiyik bongomna Zaitun gal enesoʾ anyek seleb garawousuk dara, ugunja unaʾ ek keeboka dara, nera unuwanggunumso bok, ugunda Zaitun nim adya pe melemaknya nenesoʾ anyek seleb garawoka dobsuk. Bok hyak nauba so ara sik ban sikja nimi yilaʾ sunuwoka, sikja Zaitun gal yokaʾ nong ak an soboka mebnamla anyek hnon nauba so.

ROMA 6:13

Ugunja nonga, yana, soruk ara, nim on mal yin enesoʾ ak, ugunda malya unaʾ amba eleknenggom, mem. Bok ugun nong ara, nunda youmaʾ dara seleb somokdomoub bok, wera embengaʾ ulumab senewoka, Imik Neyung ak eleklelulum. Anya ban ugunja nonga, yana, soruk ara, perob nenesin mal yin geblelul aboka, Imik Neyung ak eleklelulum.

ROMA 6:22

Bok wenera, ugunda malya unaʾ ak ab seleb lob lobsuukanya, ugunda Imik Neyung bedya wa wen nang doulum. Dara, banedya perobaʾ dolumnya nedya pe munaʾ gobdo unaʾ ak bo balasilikanya, hyak sidyaʾ nong ara embengaʾ ulmoubnaʾ dangalamla.

1 KORINTUS 15:45

Nenesa Imik Neyung yub ek momnya dobokaʾ ara, ”Men uyimoknya bera, nera Adam benyek, embengaʾ ul eininaʾ men youbuka dangamok.” Bok sidyaʾ nong Adam bera, nim embengaʾ ganya eleklesilnya bek an ulumla.

2 KORINTUS 5:21

Kristus pik uboka, nuk Imik Neyung alja peldisinaʾ danokaʾ aboka, Kristus ara malya unaʾ elgomnya benyek, Imik Neyung adya Kristus ara nunsamba leboka malya unaʾanya nenemok.

2 KORINTUS 6:16

Imik Neyung e ab bisaʾ gibnaʾ e neb dara, neikaʾ ara hek soʾ ak ulumnamso do? Ugunda embengaʾ ululanya Imik Neyung bedya e ululum. Imik Neyung adya lebokaʾ ara, ”Nara sik hnoum ulumnesinikanya, sik gangganek yabalamnamna. Nara sikjaʾ Imik Neyung ulumnamna dara, sikda nadya mabo silibaʾ ulumnemak.

GALATIA 2:19

Unuwanalum an yub edya, ban unuwanalum an yub ek ara, seleb somogamsa. Wenyek dara, nara Imik Neyung amba embengaʾ ulumna. Nara Kristus ab neikaʾ seleb gal ak oboka glabsik.

EPESUS 2:5

wera nunda meknelemouba salek era, ganya ara seleb somogouba ak sam anam ulumouba bok, Imik Neyung adya nub Kristus ab neikaʾ embengaʾ suboka bukiyiwosuk. Dara, Imik Neyung ganya anyek hyak perob nong adya ok, alja wanaʾ uboka eleksinaʾ adya ugun nong ara seleb blebsuk.

EPESUS 5:2

Kristus nonga somogokaʾ ara so meklaʾ song anasoʾ ak, Imik Neyung ganya hek elegoka, al nong ara nusamba beibdangoka somogosuk sok, ugunda wanaʾ ganya boboka unura yabalelulum.

1 TESALONIKA 1:9

Nunda youmaʾ ugunuk sam yuba bo yanggumouba dara, hekaʾ huboka nuk ugunja perobaʾ leboka dosulumaʾ ara, nimi nidyaʾ sikda anaso unumek aboka neklesak. Nimi nidyaʾ ara, ugunda hekaʾ huboka, bisaʾ ak molowoka gibnaʾ loboka, Imik Neyung hnonok ululanya bek alak ok dib beiliwoka ulunobaʾ aboka nidyaʾ ara lolumnya nenyek, sikja dara unuwek aboka neklesak.

1 TIMOTIUS 1:17

Imik Neyung ara alda li sobaʾ ulmorululanya ulumla. Anya alak sobaʾ giboka onoʾ si imik nenewoka gigilenok. Alda dib hwekwa ubmoubuka, onoʾ laga heng eilinggulumaknya ulumla. Alda nunja Imik Neyung dibaʾ alak ok hnonok ulumla. Anasa wera, alak sobaʾ giboka onoʾ gigilenok. Amin.

1 TIMOTIUS 3:15

Wen unumnyaʾ adya mandewanyaʾ anaba, Imik Neyung mabo dangoka pe ulumakaʾ damok anyek unulumakaʾ ara men ella danalum aboka ubna. Dara nera, yuba dolomak nimi nong ara sikda egomnaʾ dibaʾ embengaʾ ulmoublamla Imik Neyung adya perob dib yuba dukduka dangalamakaʾ anasa lebna.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

IBRANI 1:3

Imik Neyung adyaʾ hyak imik senenggom dilinaʾ era, me al nong ulumla. Imik Neyung nonga laga unaʾ dibaʾ ara, Yesus adya unaʾ pik an ulumla. Wera sokok sam ab imik sam hnon nidyaʾ ulumlaʾ amba dara, alda migib yub adya akwaʾ doboka bo ulumla. Yesus ara soko nim emba malya unaʾ ak ab seleb perobaʾ nenebgogowok dara, Imik Neyung hyak imik ululanya beb neikaʾ imik heikek sam nimi wenewoka bo usin ekla bunaʾ ak sam bukok.

IBRANI 10:10

Yesus Kristus ara Imik Neyung adya unuweisinya senemokaʾ anyek gigiwoka unuwokaʾ adya, al nong anyek doboka malya unaʾ doboka boboganasin bar aboka seleb elekdangoka somogok. Wera an al nonga doboka elekdokaʾ anadya, sobaʾ pe unulmorululaʾ aboka, lika hnonok somogokaʾ adya, nunda nidyaʾ ara, Imik Neyung amba ok munaʾ un nimi dengeiyiwousuk.

IBRANI 10:12

Bok saawoka, ban yuba lenaʾ gaknya Kristus ara, alja nong anyek soko nimi malya unaʾ doboka boloklemnesin aboka, lika hnonok munaʾ elekdanggogobok dara, alda imik heikek welewoka Imik Neyung adyaʾ sirikek sam bukok.

IBRANI 10:2

Nim Imik Neyung ak masa unuruwaʾ beil yeiniboka giblemek nim era, ban adya Imik Neyung adya sikja malya unaʾ seleb doboka boboganamso dara, saawoka beil yanggunuseng. Anaso dara, sikda malya ulumab senen ganya bonaʾ loboka, Imik Neyung ak masa unuruwaʾ beillilimekaʾ adya, sikja malya unaʾ doboka bobogoka perobaʾ nenesusoʾ anasa, saawoka beil yanggunuseng.

IBRANI 10:22

Ban nenesa leboka, nunda hyak perob un ganya boboka, ganya dib senenaʾ migibaʾ uboka, malya ubna senen ganya era seleb geisa nenewoka, perob mek dibaʾ adya nonga mek elegoka, Imik Neyung ak ok berem sobaʾ al dam balanob.

IBRANI 11:21

Dara Yakub bera alja ganya dib senenaʾ adya, alda anam somoganamok salek era, alja gamaʾ ak huk eriyiwoka giblemokjok, nimi perobaʾ misaʾ ara Yusuf bedya mabo moumenaʾ ek leb elegosuk.

IBRANI 13:12

Dara Yesus anaba, alja nim era alja yokaʾ nong eneng edya, geisa nenewousununaʾ aboka dara, alda naubaʾ wekna pik beiyik sam igina gwekoka unuwok.

IBRANI 3:12

Nadyaʾ hemyabo nim o, ugun gangganek ara nimi ben hnon yuba dib senenaʾ loboka malya ubdibigamlyaʾ sok moruwoka, Imik Neyung embengaʾ ululanya bek ab, saawoka loblyek anasa, ugunda pe keeboka diri uldalalulum.

IBRANI 6:1

Anasa wera, Kristus ak men eilibik so domouba yub enyek loboka, gasa yuba doboka ganya kabgiga balamnamab. Anya, ganya danganaʾ yuba hnon, Imik Neyung ak dib senenaʾ hnon,

IBRANI 7:16

Wenyok yuba lenaʾ gaknya Yesus ara, alda senenggom yuba wa gaknya nenewokaʾ ara, nim adya unulumak ununaʾ ek sunuwoka yuba gaknya sekiyiwanggubuk bok, alda al nong senenggom dubnya uboka, sidyaʾ somoganamlaʾ ara oroknya bek sekiyiwok.

IBRANI 7:27

Nimi sirikaʾ bok, yuba wa gakaʾ dubnya bedya, sikja youmaʾ unumna malya unaʾ enesa, pam oboka uka dabnekanya, an nen seleb dara, onoʾ yok nimi malya unaʾ amba unulumek. Bok Yesus ara anaso gom. Alda al nonga beibdangoka somogokaʾ ara, li hnonok bok hyak sobaʾ dib nong amba munaʾ gobdo somogok.

IBRANI 9:12

Kristus ara hyak geisa nong ekla ak ara, li hnonok wekoknya nedya, nimek bleboka sobaʾ pe ulmorulunokaʾ aboka wekok. Kristus unu weknemok sum era, youmaʾ nimi sirikaʾ adya ulumek sok, kambing yem eneng ab pam eneng ab bo weknenggubuk bok, alda alja eneng enyek bo wekdok.

IBRANI 9:26

Kristus anyek sobaʾ saam-saam aboka beildal balamso dara, wera soko anam uyiwoka wek mouruwoka liga gong somokdibigemnamso. Bok wenera alda lika hnonok munaʾ gobdo malya unaʾ amba aboka, al nong anyek wene salek era dib somogok.

IBRANI 9:7

Hyak geisa nong ekla ara, yuba wa gakaʾ dubnya ok weklemok. Wera ekla enyek ara gibnaʾ hnonok amba, lika hnonok wekoka Imik Neyung ak giblemok. Ban unulumokaʾ ara, pam oboka eneng ab boboka, aljaʾ malya unaʾ emba hnon, onoʾ yok nim edya orowek senewanggonggom malya ulumek malya unaʾ doboka bobogosululaʾ aboka, Imik Neyung ak bo beil biniboka giboka uka dalamok.

IBRANI 9:9

Ban sununaʾ era nu wen an ulumab salek enesa, beknaʾ dibaʾ ulumlaʾ ara, pam oboka eneng ab yok-yok masa bo beil biniboka giblemekaʾ ara, sik an unuruwaʾ bo beil yalamek nimi ganya lomok ulumok malya unaʾ doboka boloknenggulusuk beknaʾ era an ulumla.

1 PETRUS 1:19

alda hyak perob nongaʾ anyek deksuk. Kristus ara giriwaʾ deregoka menengaʾ unggulumla domba pam enesoʾ ak uboka, al Kristus alja eneng era, senenggom deknaʾ eneso eneng edya deksuk.

1 PETRUS 2:22

”Kristus ara malya unaʾ hyak mekaʾ hnon unggululanya bek ulumok. Dara onoʾ yok nim edya anyek sondaʾ lebokaʾ ara, alak ab hnon mekaʾ kebnenggumek.”

1 PETRUS 2:24

Nu nong anyek malya unaʾ adya gobuka ulusukaʾ anyek bleboka perobaʾ nenewosununaʾ aboka, anadya Imik Neyung adya unu ubseng senelelanya sunuwoka ubnokaʾ aboka, nunja malya unaʾ gong dara, Kristus adya huka boboka gal ak somogok, Kristus adya eneng menengaʾ edya ugunuk ara bleboka hwebsuk.

1 PETRUS 3:18

Anasa leboka, Kristus ara lika hnonok ugunja malya unaʾ amba aboka, malya unggulumoknya benyek malya unaʾ nim emba aboka somogok. Kristus adya ban unuwoknya nera, anadya ugun nong anyek doboka Imik Neyung ak bo busununaʾ aboka ubok. Alda nong bokaʾ ak salyaʾ obek bok, subokaʾ ak dara, ganya ak suboka bukok.

1 PETRUS 4:2

Dara, alda sokok sam anam ulumnamla salek enera, nim adya bolomak ganya ek bonggulumnamla bok, alda Imik Neyung adya unu ubseng senelesilnya nenyek sunuwoka ulumnamla.

1 YOHANES 1:7

Bok Imik Neyung anaba alda dilinaʾ lomok ulumla sok, wera numbabya neikik dilinaʾ ak ulumeibya dara, wera nunda ganya kwebdangoka ulumabakanya, alja me Yesus Kristus adya eneng edya nunja yok-yok malya unaʾ nidyaʾ ara mek elegellilisil.

1 YOHANES 3:5

Kristus sokok sam yeilimok ara, nim adya malya unaʾ doboka bobogosununaʾ aboka yeilimokaʾ ara, ugunda ella ululum. Dara, malya unaʾ ara Kristus lomok ara hyak unggulumlaʾ ara, hnon ella ululum.

WAHYU 1:5

Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,