IBRANI 9:11 - PERJANJIAN BARU NALCA YUBA

¹¹ Bok Kristus ara eimik yanamlaʾ perob yub emba, yuba wa gakaʾ dubnya benesoʾ ak seleb yok. Dara, alda luboka son e hyak naubukanya, munaʾ perobnya, nimi soruk adya songgulumaknya, nera an uyiwokaʾ ak ara unggululanya nera, seleb uru yibuk.

IBRANI 9:11 ပူးပေါင်းရင်းမြစ်များ

MATIUS 11:3

Dara sikda, ”Neyung o, al anak Imik Neyung adya nimi blebsinaʾ dubnya yanamla amoknya bera anda alan goma, orok dara, nunda onoʾ yoknya bek anam diri ulumnemab gom?” wenyaboka heil binilum aboka lebok.

MARKUS 14:58

”Nunja kemoubaʾ ara, ban benedya wenyalamokja, Nara Imik Neyung e, ban nim adya solomeknya nera, golowanamnakanya, nimi soruk adya songgulumaknya nenyek, lika winilya ok sobnamna,” wenyalamok aboka miniwek.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 4:25

Dara, ban gel genedya Yesus ak, ”Nimi blebsinaʾ dubnya, Kristus aboka si silimaknya bera, yanamlaʾ ara ella ulumna. Alda yalya dara, yokaʾ-yokaʾ nidyaʾ ara nuk neknesil,” hyok.

RASUL 7:48

Bok, Imik Neyung migibaʾ senenggomaʾ ululanya bera, alda nimi solomak ek sam unggulumla. Nenesa leboka, ununumnaʾ lelemek nang bukuk sam momnya dobok an:

2 KORINTUS 4:18

Dara, nunda nonga laga ululanya nenyek kemero unggulumab bok, alda heng eilinaʾ oroknya nenyek kemero ulumab. Henga laga eillilemabnya nera seʾ salek ok ululabok, heng eilenggulumabnya nera eimik era, hyak sobaʾ ulmoublumnamla.

2 KORINTUS 5:1

Nunda seleb ella ulumabaʾ ara, nunja e nera, nera nunja nong enyek, nu sokok an ulumab e nera golowanamla dara, nimi soruk adya songgulumak e nera, Imik Neyung adya solomlaʾ sobaʾ ulumnamla e nenyek, imik heikek Imik Neyung adya seleb sobsuk.

KOLOSE 2:11

Onoʾ hnonda al pik ab uboka, ugunda ugunja bolaʾ garawousuk ara, nim adya garalesak soknya nenyek unuwanggubsuk. Alda Kristus adya garalasilnya nenyek unuwousuk ara, wera malya unaʾ nong an gwiriwoka loblum an.

IBRANI 10:1

Yahudi nim edyaʾ unuwanalum an yub elegosukaʾ ara, eimik perobaʾ yanamokaʾ anyek diliwoka, gunaʾ inib-inib along sokaʾ ak dib gomnya nenyek sununaʾ dibaʾ ella dangan danasa elegosuk. An unuwanalum an yub elegosukaʾ ara, Imik Neyung adya hyak perobaʾ dibnya eleganesukaʾ anasa elegosuk. Wera unuwanalum an yub edya dara, li sobaʾ masa unuruwaʾ adya giboka beil yeiniboka, Imik Neyung ak oka yeindeboka giblemneseng nim eneba munaʾ gobdo pewanggunusiso.

IBRANI 12:27

Dara ban ”liga hnon sum enyek” hyoknya nera, yokaʾ-yokaʾ uyiwokaʾ ara, borom-borom henelanya nera, yok-yok dangdo binimla bok, borom-borom henggunulanya nek ok sobaʾ ulumnamla.

IBRANI 13:14

Anasa nunda anyek anara nunda dibaʾ un heik era unggulumla, bok nunda eimik yanamla heik enyek elemab.

IBRANI 2:17

Ban nenesa leboka, Yesus ara gobdo nimi nonga dangoka, nim adya ununaʾ dobnunaʾ aboka ubuk. Wera anadya Yesus ara Imik Neyung amba bojam uboka, angoo yadyek senewoka arasinya dangoka, yuba wa gakaʾ dubnya ulununaʾ aboka ubsuk. Dara, nidyaʾ nim adya malya unaʾ doboka bobogosululaʾ aboka ubsuk.

IBRANI 3:1

Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.

IBRANI 4:15

Nunja senenggom yuba wa gakaʾ dubnya bera, alda nuk an igina kweboka malya nenelesilaʾ ara, alda elgom uboka, alba ununaʾ oroknya bek unggulumla. Bok, albabya numba ulusil sok, seleb bisaʾ adya sunubyaawoka uboknya bok, alda malya unaʾ ak hnonok mekaʾ oroknya bek ulumla!

IBRANI 7:1

Melkisedek bera Salem moka dubnya uboka, Imik Neyung hyak imik ululanya bedya yuba wa gaknya ulumok. Abraham bera yok-yok soko dub nang ek oblamagoka yanggok dara, wera Melkisedek bedya pika diboka ouma demok.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

2 YOHANES 1:7

Nim ek sondaʾ bobnenewoka malya nenelesak nang era, mok soko nidyaʾ oboka lelewal. Ban lebna nang danara, sikja dara, Yesus Kristus ara nimi nonga dangoka sokok yeilimok aboka laga lenggulumak nang ulumak. Anasa ban nang danara, sondaʾ hwam nang uboka, Kristus adya alja isaʾ nang ulumakaʾ ara an.