IBRANI 8:9 - PERJANJIAN BARU NALCA YUBA

⁹ Nadya Israeli nimi Mesir sokok abaʾ ara bleboka nadya soruk adya bo yabalamsa sum ek nab sikeneb dibaʾ wenyabdouba yub enesoʾ ak gom, alda yok wenyek perobnya nek eleganesin. Nadya anaso unubdanamab an yub elegesisa bok, sikda pe bojam salawoka ununaʾ orok anasa, nadya sikda malya deija aboka gwab lobsisa.

IBRANI 8:9 ပူးပေါင်းရင်းမြစ်များ

MARKUS 8:23

Dara, Yesus ara heng lumnya bedya soruka gliboka, heik gokgobok bo biniboka, lum umok heng ek sam gamalaʾ adya ngikookanya, alak soruk diyiboka, ”Wera yokaʾ-yokaʾ hnon eiblam gom?” aboka heibuk.

RASUL 13:11

”Anasa wera kendelom. Wenelesilnya bedya anak henga geregagel. Anda li wen henga luma yanenggel dara, henga senedya dilinaʾ ara mekaʾ eibnenggunulam,” hyok. Dara, al wene sab-sab enyek, Elimas bera alja heng ek sam lum uboka, gunaʾ dookanya, alda salab hwiboka, nimek henga luma yanel anasa pika nekoka bo mengewanenulum aboka ero yabok.

RASUL 7:36

Dara, al neik Musa ben edya Israeli nimi Mesir sokok ab bleboka bo uboka, onoʾ alja senenggom lok so ab, beknaʾ ab, unulumok ara, Mesir sokok hnon eneng mek gwan ek sam hnon, holaʾ seknenggulumok sokok sam hnon, unuwoka gibnaʾ denga hnonok ebdobnya mekbadya meewoka bo diri balasuk.

RASUL 9:8

Wera Saulus bera sekoka henga gwelek sunumok bok, heng ubsalamok adya hyak okna dangamok. Anasa wera, yok nang edya Saulus bek soruka glibsalawoka, pika nekoka Damsyik heikek bo wekemek.

GALATIA 4:24

Wera wenyamokaʾ sununaʾ ara ban: ban penya gelewa danara, Imik Neyung adya penya unuwanasin aboka lemoknya nek sunuwoka ulumlaʾ ara, hnonda Sinai meinik mok ebnya nek, gel gera oruknaʾ amba wa wenaʾ mab ok beillilemnamla amok gel gera, Hagar ge ulumok.